1 SAMUEL 25:17 - Hakcipta - Biatah Bidayuh

¹⁷ Turung bipikir pasar kayuh ati ka matŭd pikir mai yŭn ani patut dog ndai. Kayuh bisa jadi pinyirusag di tuan ami ka di sopŭrŭg rawang-i. Ayŭh anŭ paŭh kapang ka dŭh raan dingah kayuh nang daya!”

1 SAMUEL 25:17 ပူးပေါင်းရင်းမြစ်များ

2 SAMUEL 24:13

Gad di ka yŭn-i, kidaan pinganang TUHAN, ka siken, “Aki ndi meh re mai mien? Apag taruh sawa di rais mai, puan kah taruh buran bu mangān pinganyu mai, puan kah taruh andu sesak-andam dog rais mai? Nakit pikir, ka kidaan di aku pinyinam mai adi re aku taban ka TUHAN.”

1 RAJA 21:10

Bada duwŭh taruh naan daya adi arap nyarah ayŭh amai mbŭh mangu Tapa ngga raja. Komŭnŭ taban ayŭh ka sapa kupo ka manjan ayŭh ngga batuh ndŭg kabŭs.”

1 RAJA 21:13

Duwŭh naan daya adi arap anŭ nyarah ayŭh di sirung jawin daya bagŭ, nang ayŭh mbŭh mangu Tapa ngga raja, ka ayŭh meh dog taban ka sapa kupo ka dog manjan ngga batuh ndŭg kabŭs.

2 KRONIKEL 13:7

Ripas anŭ ayŭh nguruk bara daya adi arap, ka matah Rehoboam anak Solomon, adi nganŭ paŭh gi-mara ka gibayuh sukup pandai re ngarah ngara.

2 KRONIKEL 25:16

Diŭ so nabi anŭ kubo piminyu-i, Amaziah nang, “So sinde kieh bada kuu jadi tukang pitayan yŭn raja? Dŭh tia minyu, kambŭi dŭh aku bada kuu dog siŭ!” Nabi anŭ ko minyu, pak sibayuh anŭ ayŭh muko nang, “Madin aku puan nang Tapa mbŭh raan siŭ kuu sabab sopŭrŭg pingandai mu ati, buang kuu mbŭh nyibireu pinganang ku.”

ESTHER 7:7

Raja makat buang-i raru baji, ruah so birit anŭ, di ka sapa di ka teya bunga istana. Haman puan raja re ngukum adŭp-i sabab har anŭ, jadi ayŭh babŭ diginŭ mite turung so Rani Esther bada nyiramat adŭp-i.

PITAS 12:8

Kambŭi kuu pitar, kuu re dapŭd puji; kambŭi kuu budo, daya re ngamun kuu.

DITRONOMI 13:13

nang kada daya adi dŭh biguna so bangsa ngan mbŭh bada miriseu kada daya so kupo ngara bada nyambah tapa tapa adi adŭp ngan bŭn nyambah dawŭ-i.

AKIM 19:22

Ngara aŭn nyipawŭn adŭp-i ka gŭgŭh mandŭg bara dari adi sumbang urah mandŭg so kupo anŭ ka kirurung ramin anŭ ka piguru gutog tiban. Ngara nang di nyamba dari anŭ, “Taban ngga ruah dari anŭ adi mari ayō kuu! Kieh raan bisiket ngga ayŭh!”

1 SAMUEL 10:27

Pak kada daya adi dŭh biguna nang, “Ani bisa daya anŭ ndai yŭn ta?” Ngara ngamun Saul ka dŭh taban tadŭ mun pinganggen ka yŭn-i.

1 SAMUEL 2:12

Anak anak Eli inŭh daya adi ginaka. Ngara dŭh piduri TUHAN,

1 SAMUEL 20:7

Kambŭi ayŭh nang, ‘Dŭh har,’ aku siramat; pak kambŭi ayŭh baji, kuu puan nang ayŭh taŭn gruwŭn raan ida ida ngga aku.

1 SAMUEL 20:9

“Dŭhnyah pikir kayuh adi sakanŭ!” Jonathan nam. “Kambŭi aku sawŭ puan sama ku raan siŭ kuu, kuu pikir aku dŭh re kidaan?”

1 SAMUEL 25:16

Ngara grindung kieh sandu singarŭm kieh nguan kaban biri sindŭk ngara.

1 SAMUEL 25:18

Abigail rikas tambit 200 baru ruti, duwŭh bŭrŭh-kurit puno ngga wain, rimŭh pŭrŭng asak biri, 17 kilogram sirandang gandom, 100 tundun buwa anggor adi pisŭk, 200 kiping kue pisŭk buwa ara, ka na-i di tunduh kaldi.

1 SAMUEL 25:25

Turung dŭhnyah piduri Nabal. Ayŭh anŭ mating kana-i! Ayŭh batur sak rati dŭn-i gŭh sibudo! Aku mating diginŭ kan daya-gaji mai mandŭg, tuan.