Raja mbŭh kambŭt pingandai bās Jehoiada, adi sama Zechariah, mbŭh ndai yŭn-i, ka ayŭh bada Zechariah dog siŭ! Darŭm Zechariah mbŭh re patŭd asŭng-i, ayŭh nang, “Isa-i TUHAN kiris pingandai mu ka ngukum kuu!”
Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.
Dŭh, aku gi-mating ndai sarah di kuu. Kuu inŭh adi sarah darŭm kuu an biperang ngga aku. TUHAN inŭh akim. Ayŭh re natu andu ati asi adi sarah, daya Israel puan kah daya Ammon.”
Kan David dingah Nabal mbŭh kabŭs, ayŭh nang, “Puji ka TUHAN! Ayŭh mbŭh maras Nabal amai-i pimangŭh aku, ka mbŭh bitan aku adi urun-I so ndai sarah. TUHAN mbŭh ngukum Nabal amai arap-i.” Komŭnŭ David pait pinganang ka Abigail yŭn re tambit ayŭh ndu sawŭn.
Dŭhnyah bada aku dog siŭ di tarun tana daya tami, jo so TUHAN. Mani raja Israel sah mandŭg di siŭ kutid mun aku ati? Mani ayŭh sah ngasū aku mun ngasū siok tarun?”