1 SAMUEL 22:17 - Hakcipta - Biatah Bidayuh

¹⁷ Komŭnŭ ayŭh nang di pingubak soldadu adi mijog sindŭk ayŭh, “Siŭ imam imam TUHAN! Ngara mbŭh bipekat ngga David ka dŭh kidaan di aku nang ayŭh mbŭh bu, pŭn ka ngara puan.” Pak bara pingubak anŭ abah pakat tangan ngara siŭ imam imam TUHAN.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Ripas anŭ, Absalom sidia krita kuda ka kuda kuda yŭn adŭp-i, ka rimŭh puru naan daya adi tukang nguru adŭp-i.

1 RAJA 1:5

Jadi madin amai Absalom mbŭh kabŭs, Adonijah, anak dari David ngga Haggith, anak adi tuuh dŭ so jurud dari-i adi bŭkŭn adi gibabŭ udip. Ayŭh inŭh dari adi raru ramus. David gi-bŭn nyarah ayŭh di tadŭ kayuh, ka ayŭh taŭn gruwŭn adŭp-i jadi raja. Ayŭh agi sidia yŭn adŭp-i krita krita kuda, ka dudu kuda, ka biyŭn 50 naan soldadu adi tukang nguru ayŭh di tika panu.

1 RAJA 14:27

Ngga gati-i, Raja Rehoboam ndai dudu pinangin so timaga ka bada-i dog jaga bara soldadu adi tukang jaga tiban istana.

1 RAJA 18:4

ka di tika Jezebel siŭ bara nabi TUHAN, Obadiah tambit siratus naan ngara ka sukan ngara di tāng, ka kutung ngara duwŭh tibaran ngga rimŭh puru naan darŭm ndi tibaran, ka nggen man nok di ngara.)

2 RAJA 10:25

Kan Jehu muko jugan sadis sadis anŭ, ayŭh nang di bara daya-i anŭ, “Di mŭrŭt ka siŭ sopŭrŭg ngara; dŭhnyah bada asi asi so ngara rupas!” Ngara nyitak pedang ngara ka rasu mŭrŭt, siŭ sopŭrŭg ngara, ka tarik tadang ngara ka sapa. Komŭnŭ ngara mŭrŭt ka darŭm birit adi tura ka darŭm bari-sambah anŭ,

PINYIRUAH 1:17

Pak duwŭh naan dayung pinading anŭ dayung adi taru di Tapa, ka dŭh ngara tunda pinganang raja. Ngara nyibireu pinganang raja, ka tanŭ ka kudip anak pira adi dari.

PINGANDAI 4:19

Pak Peter ngga John nam, “Adŭp ngan bisa puan aki ndi batur di batŭh Tapa: tunda pinyiraan ngan kah tunda pinyiraan Tapa.

1 SAMUEL 14:45

Pak bara daya nang di Saul, “Patut kah Jonathan dog nggen ukum kabŭs? Dŭh ka ayŭh adi bada Israel dapŭd pimanang bās ati? Kieh bipayu ngga adŭn TUHAN ndi sirah ubok-i dŭh gŭh re tikadi so ubak-i. Kayuh adi-i ndai andu ati inŭh so pinurung Tapa.” Jadi bara daya nyiramat Jonathan so ukum kabŭs.

1 SAMUEL 2:31

Dingah, tipuh re mandŭg adi ngga Aku re siŭ sopŭrŭg dari adi gi-mara di rawang ngga manak mu, isa mating dari di rawang mu re udip ndŭg ka nyamba-i.

1 SAMUEL 20:33

Nganŭ, Saul nyigaru Jonathan ngga jarok-i an siŭ ayŭh, ka Jonathan rada sama-i taŭn sawŭ raan siŭ David.

1 SAMUEL 22:13

Saul siken ayŭh, “Mani kuu ngga David bipekat rawan aku? Mani kuu nggen di David pinguman ngga pedang, ka bisiken ngga Tapa yŭn-i? Madin ayŭh mbŭh kajŭn pluang ngga siŭ aku!”

1 SAMUEL 22:16

Raja nang, “Ahimelech, kuu ngga sopŭrŭg madis mu dŭh siŭn dŭh kabŭs.”

1 SAMUEL 25:17

Turung bipikir pasar kayuh ati ka matŭd pikir mai yŭn ani patut dog ndai. Kayuh bisa jadi pinyirusag di tuan ami ka di sopŭrŭg rawang-i. Ayŭh anŭ paŭh kapang ka dŭh raan dingah kayuh nang daya!”

1 SAMUEL 8:11

“Simuti inŭh raja ngan re ngga angān,” Samuel nang di ngara. “Ayŭh re bada anak anak dari ngan jadi soldadu; kada so ngara re jadi soldadu adi pimanu krita kuda perang, ka adi bŭkŭn jadi soldadu pinunggang kuda, ka adi bŭkŭn re tukang bikaduh di jawin krita kuda perang-i.