1 SAMUEL 20:13 - Hakcipta - Biatah Bidayuh

¹³ Pak kambŭi ayŭh taŭn raan kinaman kuu, isa-i TUHAN siŭ aku kambŭi aku dŭh nggen puan di kuu ka bada kuu bu ngga siramat!

1 SAMUEL 20:13 ပူးပေါင်းရင်းမြစ်များ

2 SAMUEL 19:13

David agi gŭh kidaan di ngara bada nang di Amasa, “Kuu madis ku. So madin kuu daya adi aku tijuan bada jadi pingubak bara soldadu gati Joab. Isa-i Tapa siŭ aku kambŭi aku dŭh!”

2 SAMUEL 3:35

Ndi andu andu anŭ daya suba bada David man, pak ayŭh mbŭh bipayu nang, “Isa-i Tapa siŭ aku kambŭi aku man sibayuh andu karŭm!”

2 SAMUEL 7:15

Pak Aku dŭh re ko batu ayŭh mun Aku ko batu Saul, adi Aku kadi isa kuu dapŭd jadi raja.

1 RAJA 1:37

Nimun TUHAN muko agi ngga Tuan Raja, isa-i Ayŭh agi gŭh ngga Solomon, ka bada pinyipritah-i rabis mujur so tung jamai.”

1 RAJA 19:2

Ayŭh pait pinganang ka Elijah: “Isa-i tapa siŭ aku kambŭi di andu sipagi aku dŭh ndai di kuu kayuh adi kuu mbŭh ndai di bara nabi anŭ.”

1 RAJA 20:10

so Benhadad: “Aku re taban sukup bagŭ soldadu ngga di nyirubuh kupo mu ka taban ngga bu rapuh rapuh-i ngga tangan ngara. Isa-i tapa tapa siŭ aku kambŭi aku dŭh ndai simŭnŭ!”

1 KRONIKEL 22:11

David pijuu nang, “Madin, nak, isa-i TUHAN adi Tapa mu agi ngga kuu, ka isa-i Ayŭh ingat janji-I an bada kuu mujur pijog ramin yŭn-I.

1 KRONIKEL 22:16

mun tukang mas, tukang pirak, tukang timaga, ka tukang basi. Piguru meh kraja anŭ madin, ka isa-i TUHAN agi ngga kuu.”

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

PHILIPPI 4:9

Ndai anŭ adi angān ko birajar ka kambat so aku, bait-i so piminyu ku, puan kah so aran pimudip ku. Ka Tapa adi nggen damai di ata re agi ngga angān.

JOSHUA 1:5

Joshua, mating daya re tungang ngarah kuu sitŭkŭd kuu udip. Aku re agi ngga kuu nimun Aku agi ngga Moses. Aku re ari agi ngga kuu; Aku dŭh re tagan kuu.

RUTH 1:17

Diki kaam kabŭs, diginŭ gŭh aku re, ka diginŭ inŭh yŭn aku re dog kubur. Isa-i ukum TUHAN adi bisā nyatŭk aku kambŭi aku bada tadŭ tadŭ kayuh bada aku birakang so kaam, adŭ-i pinyikabŭs!”

1 SAMUEL 10:7

Kan kayuh anŭ jadi, ndai tadŭ tadŭ kayuh adi Tapa bada kuu ndai.

1 SAMUEL 14:47

Kan Saul jadi raja Israel, ayŭh biperang ngga sopŭrŭg pinganyu-i di barang yŭn: daya Moab, daya Ammon, ka daya Edom, raja raja so Zobah, ka daya Philistine. Kan ayŭh biperang ayŭh manang.

1 SAMUEL 17:37

TUHAN mbŭh nyiramat aku so singah ngga buāng; ayŭh gŭh re nyiramat aku so daya Philistine anŭ.” “Sŭn adŭp mu nang,” Saul nam. “Panu, TUHAN agi ngga kuu.”

1 SAMUEL 18:12

Saul taru David sabab TUHAN agi ngga ayŭh pak mbŭh tagan adŭp-i.

1 SAMUEL 19:3

Aku re ruah ka sapa tarun ngga sama ku di ka yŭn mu bisukan, ka aku re minyu ngga ayŭh pasar kuu. Kambŭi agi ani ani, aku re kidaan di kuu.”

1 SAMUEL 20:12

ka Jonathan nang di David, “Isa-i TUHAN adi Tapa Israel jadi saksi ta! Ngga arong munti andu sipagi ka di andu girundi aku re siken sama ku. Kambŭi gaya-i ngga kuu kana, aku re pait pinganang ka kuu.

1 SAMUEL 20:14

Ka kambŭi aku gibabŭ udip, turung ingat janji kudus mu buang tŭtŭd ngga aku; pak kambŭi aku kabŭs,

1 SAMUEL 25:22

Isa-i Tapa siŭ aku kambŭi aku dŭh siŭ barang naan ngara anŭ diŭ so isan isan sipagi!”

1 SAMUEL 3:17

“Ani nang TUHAN di kuu?” Eli siken. “Dŭhnyah miman tadŭ tadŭ kayuh so aku. Tapa re bandar bandar ngukum kuu kambŭi kuu dŭh kidaan di aku sopŭrŭg kayuh adi nang-I.”