1 SAMUEL 20:1 - Hakcipta - Biatah Bidayuh

¹ Komŭnŭ David bu so Naioth di Ramah di ka yŭn Jonathan. “Ani mbŭh aku ndai?” ayŭh siken. “Ani sarah ku? Ani sarah mbŭh aku ndai adi bada sama mu an siŭ aku?”

1 SAMUEL 20:1 ပူးပေါင်းရင်းမြစ်များ

MAZMUR 54:3

Bara daya adi sambuh mandŭg di nyerang aku; bara daya adi gaok mbŭh suba an siŭ aku — bara daya adi dŭh mbit piduri pasar Tapa.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

1 JOHN 3:21

Ngapŭi meh, angān adi aku rindu, kambŭi pikir-kira atin ta dŭh nyarah ata, ata biyŭn atin pus di sirung jawin Tapa.

1 SAMUEL 12:3

Ta aku. Kambŭi aku agi ndai sarah, angān bisa nyarah aku di sirung jawin TUHAN ka di sirung jawin raja adi-I mbŭh mien. Mbŭh kah aku tambit sapi daya bait kaldi daya? Mbŭh kah aku nipu bait kinanyuh daya? Kambŭi aku agi ndai kayuh anŭ, aku bisa bayar pari.”

1 SAMUEL 19:1

Saul kidaan di anak-i Jonathan samŭn di sopŭrŭg pinurung-i nang adŭp an siŭ David. Pak Jonathan mbŭh ruai siŭt David,

1 SAMUEL 19:18

David bu ka di ka yŭn Samuel di Ramah ka kidaan di ayŭh sopŭrŭg kayuh adi Saul mbŭh ndai di adŭp-i. Komŭnŭ ayŭh di ngga Samuel ka Naioth ka rŭŭ diginŭ.

1 SAMUEL 20:2

Jonathan nam, “Tapa dŭh re bada kuu dog siŭ! Sama ku kidaan di aku sopŭrŭg kayuh adi-i ndai, biguna bait dŭh, ka dŭh-i sukan so aku. Har anŭ dŭh-i sawŭ!”

1 SAMUEL 20:32

“Ani pada ayŭh kabŭs?” Jonathan nam. “Ani sarah-i?”

1 SAMUEL 24:11

Tingga, ma, tingga supek jipo-ambu mai di tangan ku! Muko aku siŭ kaam kambŭi aku raan, pak kaŭs aku kapŭg supek ati adŭ. Ati inŭh kayuh adi bisa natu di kaam nang aku taŭn dŭh biyŭn pikir-kira adi an rawan kaam puan kah an kinaman kaam. Kaam ngasū aku yŭn re siŭ aku, pŭn ka aku mating ndai sarah di kaam.

1 SAMUEL 24:12

Isa-i TUHAN tingga asi so ata duwŭh manak adi sarah! Isa-i Ayŭh ngukum kaam sabab pingandai mai di tunduh aku, amai aku manŭn dŭh re kinaman kaam.

1 SAMUEL 24:17

Komŭnŭ ayŭh nang di David, “Batur kuu, ka aku inŭh adi sarah. Kuu mbŭh raru kana ngga aku darŭm aku mbŭh ndai sarah di kuu!

1 SAMUEL 24:9

ka nang, “Mani kaam dingah pinganang daya adi nang aku suba an kinaman kaam?

1 SAMUEL 26:18

Ka-i nang, “Mani tuan, kaam babŭ tadak aku, urun mai? Ani mbŭh aku ndai? Ani sarah mbŭh aku ndai?