1 SAMUEL 17:50 - Hakcipta - Biatah Bidayuh

⁵⁰ Ka simŭnŭ meh, dŭh ngga pedang, David ngarah ka siŭ Goliath ngga sitamŭng ka batuh!

1 SAMUEL 17:50 ပူးပေါင်းရင်းမြစ်များ

AKIM 15:15

Komŭnŭ Samson dapŭd siraka kaldi adi bauh kabŭs. Ayŭh mutu ka tambit siraka anŭ ka pakai-i ngga siŭ siribu naan daya.

AKIM 3:31

Pinguru adi bauh inŭh Shamgar anak Anath. Ayŭh gŭh pirupas Israel, kan-i siŭ nŭm ratus daya Philistine pakai basi adi ambu anŭ adi ngga nguru sapi.

1 SAMUEL 13:22

Ka di andu biperang, bara soldadu Israel dŭh biyŭn pedang puan kah jarok, kaŭs-i adŭp Saul ngga anak-i Jonathan adŭ biyŭn.

1 SAMUEL 17:39

David ngumban pedang Saul nunduh jipo perang anŭ ka suba panu, pak ayŭh dŭh tungang, sabab ayŭh dŭh kanyet pakai pimakai adi mun anŭ. “Aku dŭh re tungang birawan pakai pimakai ati,” ayŭh nang di Saul. “Dŭh aku kanyet pakai-i.” Jadi ayŭh kadi-i.

1 SAMUEL 17:49

Ayŭh pŭs tangan-i ka darŭm kambut-i ka tambit anak batuh, ka nyitamŭng-i ka Goliath. Batuh anŭ dog arŭ-i ka tikurok-i pape, ka Goliath tumbang sipŭŭb di tana.

1 SAMUEL 17:51

Ayŭh bikaduh ka yŭn-i, mijog nyirungan ayŭh, tambit pedang Goliath so sibong-i, ka kapŭg ubak-i ka siŭ ayŭh. Kan bara daya Philistine kiris pimagan ngara mbŭh kabŭs, ngara bikaduh bu.

1 SAMUEL 19:5

Ayŭh ruban asŭng di andu ayŭh siŭ Goliath, ka TUHAN nggen pimanang bās di Israel. Kan kaam kiris-i, adŭp mai munos asŭng. Mani, meh, kaam raan ida ida ngga daya adi dŭh sarah ka siŭ David ngga dŭh biyŭn pada?”

1 SAMUEL 21:9

Ahimelech nam, “Aku biyŭn pedang Goliath daya Philistine, adi kuu ko siŭ di ruban Elah. Pedang anŭ agi di punok efod ajeh, dog marut ngga banang. Kambŭi kuu raan, kuu bisa tambit-i — anŭ adŭ sinyata adi agi digiti!” “Nggen-i di aku,” David nang, “Mating pedang bŭkŭn adi re rabis kana so anŭ.”

1 SAMUEL 23:21

Saul nam, “Isa-i TUHAN nyiberkat angān amai angān mandis ngga aku!