1 SAMUEL 17:45 - Hakcipta - Biatah Bidayuh

⁴⁵ David nam, “Kuu mandŭg rawan aku ngga pedang, jarok, sigaru, pak aku mandŭg rawan kuu ngga adŭn TUHAN Bisa-pŭrŭg, adi Tapa bara soldadu daya Israel, adi kuu mbŭh pimangŭh.

1 SAMUEL 17:45 ပူးပေါင်းရင်းမြစ်များ

2 KRONIKEL 14:10

Asa ruah an rawan ayŭh, ka so-duwŭh parad sidia di Rubān Zephathah sindŭk Mareshah.

2 KRONIKEL 32:8

Ayŭh biyŭn kuasa manusia, pak ata biyŭn TUHAN adi Tapa ta turung ata biperang.” Bara daya dog ngatat ngga pinganang anŭ adi so raja ngara.

MAZMUR 124:8

Pinurung ta mandŭg so TUHAN, adi napa rangit ngga ong.

MAZMUR 18:2

TUHAN inŭh adi grindung aku; Ayŭh inŭh kuta ku adi tagap. Tapa ku inŭh pinyigrindung ku, ngga Ayŭh aku siramat. Ayŭh grindung aku keya ka pinangin; Ayŭh ngibān aku ka kingat aku.

MAZMUR 20:8

Daya adi mun anŭ re sikak ka rabu, pak ata re makat ka mijog tagap.

MAZMUR 3:8

Pimanang mandŭg so TUHAN — isa-i Ayŭh nyiberkat bara daya-I.

MAZMUR 44:6

Aku dŭh sabah di bawŭh panah ku puan kah di pedang ku ngga nyiramat adŭp ku;

PITAS 18:10

TUHAN inŭh keya ka tawā adi tagap, di yŭn daya tŭnggŭn dapŭd bisukan.

ISAIAH 37:23

Asi sŭn mu nang adi kuu ngamun ka napat? Kuu mbŭh dŭh biradat di Aku, adi Tapa kudus Israel.

ISAIAH 37:28

“Pak Aku puan sopŭrŭg kayuh pasar kuu, kayuh adi kuu ndai ka kamaki kuu panu. Aku puan munki kuu magā rawan Aku.

2 CORINTH 10:4

Sinyata adi kieh pakai ngga birawan dŭh-i sinyata ong pak sinyata adi bikuasa so Tapa, adi kieh bisa pakai ngga nyirubuh kuta. Kieh pirarap karit adi dŭh sawŭ;

2 CORINTH 3:5

Dŭh sirati-i kieh biyŭn hak re nang adŭp ami tungang ndai kraja anŭ. Pinyitungang ami mandŭg so adŭp Tapa.

PHILIPPI 4:13

Aku biyŭn pinyibake so kuasa adi Kristus mbŭh nggen di aku ngga nura sopŭrŭg kayuh.

1 SAMUEL 17:10

Digiti ka madin ati gŭh aku natang angān bara soldadu daya Israel. Aku mite angān mien daya bada rawan aku!”

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 17:36

Aku muko siŭ singah ngga buāng, aku re ndai simŭnŭ gŭh di daya Philistine anŭ adi dŭh puan Tapa, adi natang bara soldadu Tapa adi udip.

1 SAMUEL 17:6

Kaja-i dog tak ngga barut-timaga, ka ngumban sigaru timaga di kawin-i.