1 SAMUEL 17:36 - Hakcipta - Biatah Bidayuh

³⁶ Aku muko siŭ singah ngga buāng, aku re ndai simŭnŭ gŭh di daya Philistine anŭ adi dŭh puan Tapa, adi natang bara soldadu Tapa adi udip.

1 SAMUEL 17:36 ပူးပေါင်းရင်းမြစ်များ

2 KRONIKEL 32:17

Surat adi raja-empaya nuris mbŭh natang TUHAN, adi Tapa Israel. Surat anŭ nang, “Tapa tapa bangsa bŭkŭn bŭn nyiramat daya-i so kuasa ku, ka simŭnŭ gŭh Tapa Hezekiah dŭh re nyiramat daya-i so aku.”

ISAIAH 10:15

Pak TUHAN nang, “Bisa kah kapak nang adŭp-i bās dŭ so daya adi pakai-i? Agi kah grigaji biguna dŭ so daya adi pakai-i ngga gŭrot kayuh? Pukong dŭh pakat daya; daya pakat pukong.”

ISAIAH 36:15

Ka dŭhnyah tandah ayŭh mujuk angān bada bisangan di TUHAN. Dŭhnyah pikir TUHAN re nyiramat angān, ka pirŭŭ bara tibaran soldadu Assyria so sirabut kupo ngan.

ISAIAH 36:18

Dŭhnyah tandah Hezekiah nyibudo angān nang TUHAN re nyiramat angān. Agi kah tapa tapa bangsa bŭkŭn nyiramat rais ngara so raja Assyria?

EZEKIEL 28:10

Kuu re kabŭs mun kasong di tangan daya tami adi dŭh puan tapa. Aku, adi TUHAN Raja, mbŭh pesan.”

EZEKIEL 32:19

Nang di ngara: “Kuu pikir adŭp mu ramus dŭ so daya bŭkŭn kah? Kuu re mūn ka ong daya adi mbŭh kabŭs ka guring diginŭ ngga bara daya adi dŭh puan Tapa.

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

ZECHARIAH 12:3

Pak di tika anŭ, Aku re bada Jerusalem mun batuh adi bat. Tadŭ tadŭ bangsa adi suba an pakat-i re biragan. Sopŭrŭg bangsa di ong re bipambit nyerang Jerusalem.

ZECHARIAH 2:8

Daya adi nyerang angān inŭh nyerang kayuh adi siabo brega di Aku.” Jadi TUHAN Bisa-pŭrŭg pait aku ngga pinganang ati yŭn bangsa bangsa adi ko pirinda daya-I:

1 SAMUEL 14:6

Jonathan nang di bujang dari anŭ, “Ja ata di ka bari daya Philistine, daya adi dŭh puan Tapa. Kadŭ TUHAN re turung ata; kambŭi Ayŭh turung, Ayŭh re nggen di ata pimanang, nisŭ bait kani bara ta.”

1 SAMUEL 17:10

Digiti ka madin ati gŭh aku natang angān bara soldadu daya Israel. Aku mite angān mien daya bada rawan aku!”

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 17:35

aku tadak-i, rawan-i, ka tambit pari anak biri ku. Ka kambŭi singah puan kah buāng tudu aku, aku nakap-i di tungo ka mukong-i ndŭg kabŭs.

1 SAMUEL 17:37

TUHAN mbŭh nyiramat aku so singah ngga buāng; ayŭh gŭh re nyiramat aku so daya Philistine anŭ.” “Sŭn adŭp mu nang,” Saul nam. “Panu, TUHAN agi ngga kuu.”

1 SAMUEL 18:17

Komŭnŭ Saul nang di David, “Merab anak dayung ku. Aku re nggen ayŭh di kuu ndu sawŭn kambŭi kuu bituan di aku nimun soldadu adi pagan ka tŭtŭd, ka biperang yŭn TUHAN.” (Saul pikir darŭm ndai simŭnŭ daya Philistine re siŭ David, ka adŭp-i dŭhsah.)

1 SAMUEL 31:4

Ayŭh nang di sianŭ adi tukang digŭng sinyata-i, “Nyitak pedang mu ka siŭ aku, isa daya Philistine ati adi dŭh puan Tapa dŭh tawŭh aku ka siŭ aku.” Pak daya anŭ mbŭh ruai dŭh birani re ndai simŭnŭ. Jadi Saul nyitak pedang adŭp-i ka sagan adŭp-i dieh.