1 SAMUEL 17:32 - Hakcipta - Biatah Bidayuh

³² David nang di Saul, “Tuan Raja, daya dŭh patut taru daya Philistine anŭ! Aku raan di rawan ayŭh.”

1 SAMUEL 17:32 ပူးပေါင်းရင်းမြစ်များ

MAZMUR 3:6

Aku dŭh taru ribu ribu pinganyu adi kirurung aku so barang parad.

ISAIAH 35:4

Kidaan di barang naan daya adi pinakut, “Nyiriang simangi ngan ka dŭhnyah taru! Tapa mandŭg di nyiramat angān, mandŭg di ngukum pinganyu ngan.”

ISAIAH 7:4

Kidaan di ayŭh bada sidia adŭp-i, dŭhnyah taru puan kah bipito. Baji Raja Rezin, ngga daya Syria, ngga Raja Pekah dŭh bisā dŭ so asuh adi ruah so duwŭh apŭg uwang.

PINYIKIANG 13:30

Caleb bada bara daya adi mingungut rawan Moses pajam, ka nang, “Ata patut nyerang madin ka tambit tarun tana anŭ. Ata sukup bake di nyerang ka sirabut tarun tana anŭ.”

PINYIKIANG 14:9

Dŭhnyah rawan TUHAN ka dŭhnyah taru di bara daya adi rŭŭ diginŭ. Ata re sanang ngarah ngara. TUHAN agi ngga ata ka mbŭh ngarah tapa tapa adi grindung ngara; ka dŭhnyah meh taru.”

HEBREW 12:12

Pakat meh tangan ngan adi ramah, ka nyibake karŭb ngan!

JOSHUA 14:12

Ngapŭi meh, nggen di aku rais tarun tana sandah anŭ adi TUHAN mbŭh bijanji an nggen di aku di andu aku ngga bara daya ku nggen pinyiripot ami pasar tarun tana anŭ. Kieh kidaan di kaam nang bangsa grigasi adi dog kadŭn Anakim agi rŭŭ diginŭ darŭm kupo kupo adi bikuta. Kadŭ-i TUHAN re agi ngga aku, ka aku re pibu ngara so nŭ nanyam adi TUHAN muko nang.”

1 SAMUEL 14:6

Jonathan nang di bujang dari anŭ, “Ja ata di ka bari daya Philistine, daya adi dŭh puan Tapa. Kadŭ TUHAN re turung ata; kambŭi Ayŭh turung, Ayŭh re nggen di ata pimanang, nisŭ bait kani bara ta.”

1 SAMUEL 16:18

Ndi naan so daya gaji-i nang, “Jesse, so kupo Bethlehem adi biyŭn ndi anak dari adi pandai main musik. Ayŭh inŭh dari adi ramus buang pagan, soldadu adi kana, buang-i siradik gŭh minyu. TUHAN agi ngga ayŭh.”

1 SAMUEL 17:31

Kada daya dingah kayuh adi nang David, ka kidaan di Saul, adi rasu bada ayŭh dog taban ka yŭn adŭp-i.