1 SAMUEL 16:7 - Hakcipta - Biatah Bidayuh

⁷ Pak TUHAN nang di Samuel, “Dŭhnyah piduri ayŭh bigatung bait ramus. Aku dŭh raan ayŭh, amai Aku dŭh mien mun manusia mien. Manusia tingga sapa pŭrŭng ganan, pak Aku tingga darŭm atin daya.”

1 SAMUEL 16:7 ပူးပေါင်းရင်းမြစ်များ

TIBIRIK 4:5

pak-I abah di Cain samŭn sadis adi jugan-i. Cain mbŭh raru baji buang nyibanyu.

2 SAMUEL 14:25

Di Israel mating daya timagah ramus mun Absalom; so ubak ndŭg tŭbŭn trinju kaja-i mating arap.

2 SAMUEL 7:20

Ani meh re ku nang dinge! Kaam puan aku, adi urun Mai.

1 RAJA 8:39

dingah dua ngara. Dingah ngara so yŭn pinyirŭŭ Mai di shorga, apun ngara, ka turung ngara. Kaam sadi adŭ adi puan pikir-kira atin manusia. Ndai di barang naan ngara nanyam patut ayŭh trima,

1 KRONIKEL 17:18

Ani dinge bisa aku nang di Kaam! Kaam puan sopŭrŭg kayuh pasar aku, pak Kaam mbŭh nggen stabi di aku, adi urun Mai.

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

2 KRONIKEL 16:9

TUHAN ari nyibatŭh ndi ong ong, an nggen pinyibake di ngara adi tŭtŭd di adŭp-I. Kuu mbŭh ndai urah budo mu, ngapŭi meh so madin kuu re ari biperang.”

2 KRONIKEL 6:30

dingah dua-i. Dingah ngara so yŭn pinyirŭŭ Mai di shorga ka apun ngara. Kaam sadi adŭ adi puan isi atin manusia. Ndai di tunduh barang naan daya nanyam patut,

JOB 10:4

Mun piningga ami kah piningga Mai?

JOB 35:5

Nyigura ka rangit! Tingga munki masam bigatung-i abun!

MAZMUR 139:2

Kaam puan sopŭrŭg kayuh adi aku ndai; so jo Kaam mirati pikir-kira ku.

MAZMUR 7:9

Kaam inŭh Tapa adi tŭnggŭn ka puan pikir-kira ngga pinyiraan ami. Pirŭŭ urah ginaka bara daya adi arap ka ngupah ngara adi kana.

PITAS 15:11

Sirabi ka ong daya adi mbŭh kabŭs dŭh gŭh dapŭd sukan so TUHAN kayuh adi jadi diginŭ; simuki meh daya re tungang sukan pikir-kira ngara so Tapa?

PITAS 16:2

Kuu bisa nang barang masam kayuh adi kuu ndai batur, pak TUHAN adi puan pinŭtŭn atin mu.

PITAS 24:12

Kuu bisa nang anŭ dŭh har mu, pak Tapa puan ka kiris isi atin mu. Ayŭh nyibatŭh kuu; Ayŭh puan. Ka Ayŭh re maras kuu nanyam kraja pingandai mu.

PITAS 31:30

Pinyiramus jawin dŭh bisa dog sabah, pak dayung adi stabi di TUHAN patut dog muji.

JEREMIAH 11:20

Komŭnŭ aku bidua, “TUHAN Bisa-pŭrŭg, Kaam inŭh akim adi tŭnggŭn; Kaam suba pikir daya ngga asŭng daya. Aku mbŭh na har ku ka darŭm tangan Mai; ka bada meh aku tingga Kaam maras dendam di ngara anŭ.”

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

JEREMIAH 20:12

Pak, TUHAN adi Bisa-pŭrŭg, Kaam suba daya ngga pinyitŭnggŭn; Kaam puan ani di atin ngga pikir ngara. Jadi bada aku kiris Kaam maras dendam di pinganyu ku, amai aku mbŭh na har ku darŭm tangan Mai.

LUKE 16:15

Jesus nang di ngara, “Angān inŭh bara adi ndai adŭp-i mun adi batur di batŭh daya, pak Tapa puan atin ngan. Amai kayuh adi dog nyirundeng raru brega di manusia agi au-tarun di batŭh Tapa.

JOHN 7:24

Dŭh tia tingga arap kana daya so ka ayong daya, pak tingga arap kana daya pakai itong adi tŭnggŭn.”

JOHN 8:15

Angān nyarah daya pakai pinganang manusia; Aku dŭh nyarah daya.

PINGANDAI 1:24

Jadi ngara bidua, nang, “Tuhan, Kaam puan pikir-kira sopŭrŭg daya, kidaan di kieh aki so ngara duwŭh ati adi Kaam mien bada jadi pinyuruh gati Judas, adi mbŭh bu ka tarun yŭn adŭp-i.”

2 CORINTH 10:10

Agi daya re nang, “Surat Paul raru bisā, pak kan adŭp-i agi ngga ata, ayŭh ramah, ka pinganang-i au-tarun!”

2 CORINTH 10:7

Angān tingga kayuh so tura ka tunduh-i adŭ. Kambŭi agi daya pikir adŭp-i mbŭh dog dapu Kristus, ayŭh patut pikir dinge, sabab kieh mbŭh tung Kristus gŭh.

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.

1 PETER 2:4

Mandŭg meh ka Tuhan, batuh udip adi dog taran daya amai dog nyirundeng dŭh biguna, pak dog mien Tapa amai-i brega.

1 PETER 3:4

Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

1 SAMUEL 2:3

Pirŭŭ pinganang miruap ngan; bada pajam pinganang sambuh ngan. amai TUHAN inŭh Tapa adi puan, ka Ayŭh tingga arap kana di sopŭrŭg kraja pingandai daya.

1 SAMUEL 9:2

Ayŭh biyŭn ndi anak dari dŭn Saul, bujang adi piayong buang piaŭn. Ayŭh anŭ bigatung dŭ ajog-i so daya bŭkŭn di Israel buang piayong dŭ gŭh.