1 SAMUEL 16:13 - Hakcipta - Biatah Bidayuh

¹³ Samuel tambit inyo kanā ka nginyo David di sirung jawin bara jurud dari-i. Rasu roh TUHAN nguasa David so andu anŭ. Komŭnŭ Samuel pari ka Ramah.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

“Kuu inŭh daya anŭ,” Nathan nang di David. “Ka ati inŭh kayuh adi TUHAN Tapa Israel nang: ‘Aku bada kuu jadi raja Israel ka mbŭh nyiramat kuu so tangan Saul.

2 SAMUEL 2:4

Komŭnŭ bara daya Judah mandŭg ka Hebron ka nginyo David jadi raja Judah. Kan David dingah bara daya di Jabesh di Gilead mbŭh kubur Saul,

2 SAMUEL 23:1

David anak Jesse inŭh daya adi Tapa mbŭh bada jadi bās, adi Tapa Jacob mbŭh mien bada jadi raja, ka adi mbŭh nimbur ragu ragu adi ramus yŭn Israel. Ati inŭh sikasŭn piminyu pinganang David.

2 SAMUEL 5:3

Jadi sopŭrŭg pinguru Israel mandŭg ka yŭn Raja David di Hebron. Ayŭh ndai pambit kudus ngga ngara, ngara nginyo ayŭh, ka ayŭh jadi raja Israel.

2 RAJA 9:6

Komŭnŭ ngara duwŭh mŭrŭt birit, ka nabi adi mara anŭ ren inyo kanā anŭ di ubak Jehu ka nang di ayŭh, “TUHAN, adi Tapa Israel nang: ‘Aku nginyo kuu jadi raja daya Ku Israel.

1 KRONIKEL 11:3

Jadi sopŭrŭg pinguru daya Israel mandŭg ka yŭn David di Hebron. Ka ayŭh ndai pambit kudus ngga ngara, ngara nginyo ayŭh, ka ayŭh jadi raja Israel, nimun adi TUHAN muko bijanji so baba Samuel.

MAZMUR 89:20

Aku mbŭh bada urun Ku David jadi raja darŭm Aku nginyo ayŭh ngga inyo kudus.

MAZMUR 89:21

Pinyibake Ku re siraru agi ngga ayŭh, kuasa Ku re bada ayŭh bake.

PINYIKIANG 11:17

Aku re mūn ka minyu ngga kuu diginŭ, ka Aku re tambit kada roh adi Aku ko nggen di kuu ka nggen-i di ngara. Simŭnŭ ngara re bisa turung kuu di pinanggong mu di bara daya ati; simŭnŭ kuu dŭh re tia gŭrŭng-i sadi adŭp mu.

PINYIKIANG 27:18

TUHAN nang di Moses, “Tambit Joshua anak Nun, daya adi pandai ndai kayuh, ka na so-duwŭh tangan mu di tunduh ubak-i.

JOHN 3:34

Ayŭh adi Tapa pait minyu pinganang so Tapa, sabab Tapa mbŭh nggen Roh-I di Ayŭh ngga sipuno-i.

PINGANDAI 13:22

Ka kan-I ko kadi ayŭh, Tapa bada David jadi raja ngara. Ati inŭh kayuh adi Tapa nang pasar ayŭh: ‘Aku mbŭh dapŭd David anak Jesse daya adi Aku suka, adi re ndai sopŭrŭg kayuh adi Aku bada ayŭh ndai.’

HEBREW 1:9

Kuu rindu kayuh adi batur ka tiru di kayuh adi sarah. Ngapŭi Tapa, adi Tapa Mu, mbŭh mien Kuu ka mbŭh nggen di Kuu pinyigaŭn stabi adi rabis bās so adi-I mbŭh nggen di bara dingan Mu.”

HEBREW 11:32

Bisa kah aku pijuu dundan ku? Tipuh dŭh sukup re ku ngga minyu pasar Gideon, Barak, Samson, Jephthah, David, Samuel, ka bara nabi.

AKIM 11:29

Komŭnŭ roh TUHAN nguasa Jephthah. Ayŭh di mutas Gilead ngga Manasseh ka pari ka Mizpah di Gilead ka radus panu ka Ammon.

AKIM 13:25

Ka kuasa TUHAN piguru nyibake ayŭh sitadŭn ayŭh rŭŭ di Bari Dan di asah Zorah ngga Eshtaol.

AKIM 14:6

Ka gŭgŭh kuasa TUHAN nyibake Samson, ka-i nyiratak adŭ singah anŭ nyinuwŭh ngga tangan-i, mun nyiratak anak kambing. Pak ayŭh dŭh kidaan di pimas-i kayuh adi ndai-i.

AKIM 3:10

Roh TUHAN nguasa ayŭh, ka ayŭh jadi pinguru Israel. Othniel di matak biperang, ka TUHAN bada ayŭh manang rawan raja Mesopotamia.

1 SAMUEL 1:19

Isan isan andu jawa ndi, Elkanah ngga rawang-i awar makat, ka kan muko nyambah TUHAN, ngara mari ka Ramah. Elkanah nyibŭŭs ngga sawŭn-i Hannah, ka TUHAN nam dua-i.

1 SAMUEL 10:1

Samuel tambit ndi anak gabuk adi brisi ngga inyo kanā, ka ren inyo anŭ di tunduh ubak Saul, sium ayŭh, ka nang, “TUHAN nginyo kuu bada jadi raja daya-I Israel. Kuu re mritah daya-I ka grindung ngara so sopŭrŭg pinganyu ngara. Ka ati inŭh tandā di kuu nang TUHAN mbŭh mien kuu bada jadi raja daya-I:

1 SAMUEL 10:6

Ka gŭgŭh roh TUHAN re nguasa kuu, ka kuu re sua birajang ka nyirais ka re birubah, dŭh mun adŭp mu adi mbŭh.

1 SAMUEL 11:6

Kan Saul dingah kayuh anŭ, roh Tapa nguasa ayŭh, ka ayŭh mbŭh raru bangok.

1 SAMUEL 16:18

Ndi naan so daya gaji-i nang, “Jesse, so kupo Bethlehem adi biyŭn ndi anak dari adi pandai main musik. Ayŭh inŭh dari adi ramus buang pagan, soldadu adi kana, buang-i siradik gŭh minyu. TUHAN agi ngga ayŭh.”

1 SAMUEL 18:12

Saul taru David sabab TUHAN agi ngga ayŭh pak mbŭh tagan adŭp-i.

1 SAMUEL 2:35

Aku re mien ndi naan imam adi re tŭtŭd di Aku ka adi re ndai sopŭrŭg kayuh adi Aku bada ayŭh ndai. Aku re nggen di ayŭh sesang sesang adi re nyiraja jadi imam yŭn raja adi Aku mien.