1 SAMUEL 15:22 - Hakcipta - Biatah Bidayuh

²² Samuel nang, “Aki ndi TUHAN raan: nurut pinganang TUHAN kah pinganggen ngga sadis? Kana dŭ nurut pinganang-I so nŭŭh jugan biri adi gamu ka Ayŭh.

1 SAMUEL 15:22 ပူးပေါင်းရင်းမြစ်များ

TIBIRIK 4:4

Ka Abel taban gŭh anak bungas so biri biri-i, siŭ-i ka nggen tatad-i adi siabo kana ndu sadis. Yang TUHAN mbŭh raru munos di Abel ngga di sadis-i,

PINYIRUAH 19:5

Madin, kambŭi angān tunda pinganang Ku ka sita simanya Ku, angān re jadi daya Ku. Ndi ong ong ati mbŭh tung jaku, pak angān re jadi daya adi Aku ko mien,

PITAS 21:3

Ndai kayuh adi batur ka tŭnggŭn; anŭ pimunos asŭng TUHAN rabis so sadis adi kuu jugan ka Ayŭh.

EKLISIASTIS 5:1

Kuu an nakit darŭm kuu di ka Ramin TUHAN. Kana dŭ nŭŭh di kamanŭ di birajar so nŭŭh jugan sadis mun ngara adi budo, adi dŭh puan kayuh adi batur ngga adi sarah.

JEREMIAH 11:4

Anŭ inŭh simanya adi Aku mbŭh ndai ngga tayung-babuk ngara di andu Aku taban ngara ngga ruah so Egypt, tarun tana adi keya ka buwang apui di ngara. Aku bada ngara tunda pinganang Ku ka ndai sopŭrŭg kayuh adi Aku mbŭh pesan. Aku kidaan di ngara nang kambŭi ngara tunda pinganang Ku, ngara bisa jadi daya Ku ka Aku jadi Tapa ngara.

JEREMIAH 11:7

Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

HOSEA 6:6

Aku raan pinyirindu ngan adi dŭh bisa birubah, dŭh-i sadis dāng ngan. Aku raan dŭ daya Ku puan Aku so sadis badang adi dog jugan ka Aku.

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

MATTHEW 12:7

Surat-kudus nang, ‘Atin mandis inŭh Aku raan, dŭh-i sadis dāng.’ Kambŭi angān sawŭ puan rati kayuh anŭ, angān dŭh nyarah daya adi dŭh sarah;

MATTHEW 23:23

“Mbŭh raru payah inŭh angān, bara gurū Ukum-adat, ka angān bara daya Pharisee! Angān pingadong! Angān jugan ka Tapa ndi utung darŭm simŭng so rapah rapah, mun silaseh, adar manis, ka jintan, pak angān dŭh tunda ajar adi biguna darŭm Ukum-adat, mun pinyitŭnggŭn ka pinyirasi ngga atin-tŭnggŭn. Kayuh kayuh ati angān patut ndai, buang dŭhnyah kambŭt adi bŭkŭn.

MATTHEW 5:24

tingge pinganggen ngan di jawin mija-sambah anŭ, ka pari jam anŭ ka bidamai ngga jurud ngan, ka ripas anŭ pari di jugan pinganggen ngan ka Tapa.

MATTHEW 9:13

Di tingga ka jiroh rati pinganang Surat-kudus adi nang: ‘Atin mandis inŭh adi Aku raan, dŭh-i sadis dāng.’ Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

MARK 12:33

Ka daya dŭh siŭn dŭh rindu Tapa ngga siabo atin-i ka ngga siabo pikir-i ka ngga siabo tungang-i; ka ayŭh dŭh siŭn dŭh rindu dingan-i nimun ayŭh rindu adŭp-i. Rabis dŭ nŭŭh an sita Pinyipesan ati duwŭh so nŭŭh jugan di mija-sambah dāng ngga sadis sadis ka Tapa.”

1 SAMUEL 13:12

Jadi aku pikir, ‘Daya Philistine re nyerang aku digiti di Gilgal, ka aku mating jugan sadis ngga mite turung so TUHAN.’ Ngapŭi aku takan adŭp ku jugan sadis ati.”

1 SAMUEL 13:13

“Anŭ mbŭh kraja budo,” Samuel nam. “Kuu dŭh tunda pesan TUHAN adi Tapa mu mbŭh nggen di kuu. Kambŭi kuu tunda, tatu Ayŭh mbŭh bada kuu ngga bara sesang mu mritah Israel adu adu.