1 SAMUEL 13:6 - Hakcipta - Biatah Bidayuh

⁶ Komŭnŭ ngara nyerang daya Israel, serang bās adi bada daya Israel dŭh bigaya. Kada daya Israel bisukan di tang ka di rubang batuh di darŭd, di arong batuh, di rubang ka darŭm prigi;

1 SAMUEL 13:6 ပူးပေါင်းရင်းမြစ်များ

2 SAMUEL 24:14

David nam, “Aku mbŭh birisut! Pak aku dŭh raan dog ngukum manusia. Isa-i adŭp Tapa adŭ adi ngukum ata, amai Ayŭh inŭh adi raru masi.”

ISAIAH 42:22

Pak madin daya-I mbŭh dog pirinda; ngara dog kurung darŭm gerok ka dog sukan darŭm jer. Ngara dog mirupak ka dog pirinda, ka mating daya nyiramat ngara.

JEREMIAH 41:9

Prigi adi yŭn Ishmael taran tadang ngara adi ayŭh muko siŭ inŭh adi baga dŭ adi Raja Asa ko kareh di andu ayŭh dog nyerang Raja Baasha so Israel. Ishmael ngisi prigi anŭ ngga tadang.

EZEKIEL 33:27

“Kidaan di ngara Aku, adi TUHAN Raja, bakan ngara nang siragi Aku ati Tapa adi udip, daya adi rŭŭ di kupo kupo adi rubuh anŭ re dog siŭ. Ngara adi rŭŭ di sapa rais re dog man dāng tarun. Ngara adi bisukan di darŭd darŭd ka di tāng re kabŭs bada sesak-andam.

PHILIPPI 1:23

Soduwŭh-i aku raan. Aku raru raan tingge pimudip ati ka rŭŭ samah ngga Kristus, adi taŭn kana dŭ;

HEBREW 11:38

Ong dŭh sukup kana yŭn ngara! Ngara bijaruh mun daya nupang di tarun tana-pajam ka di sandah, rŭŭ darŭm tang ka darŭm rubang tana.

JOSHUA 8:20

Kan bara daya so kupo Ai kimat punok, ngara kiris asuh bijambung ka rangit. Mbŭh mating gaya ngara re bikaduh bu amai bara daya Israel adi ko bu ka tarun tana-matung madin mbŭh pari di nyerang ngara.

AKIM 10:9

Bara daya Ammon mutas gŭh Yang Jordan di nyerang tibaran-asar Judah, Benjamin, ngga Ephraim, ndŭg ka daya Israel mbŭh raru susah.

AKIM 20:41

Komŭnŭ bara soldadu Israel pari, ka bara soldadu Benjamin mbŭh kandang-kandŭ taru, amai mbŭh rada adŭp ngara re arah.

AKIM 6:2

Bara daya Midian bake dŭ so Israel, ka daya Israel bisukan mangān ngara darŭm tang ka di tarun bŭkŭn adi siramat di arong sandah.

1 SAMUEL 13:15

Samuel bu so Gilgal di pijuu pimanu-i. Bara adi bŭkŭn tunda Saul sua ngga bara soldadu-i. Ngara matak so Gilgal di ka Gibeah di tarun tana Benjamin. Saul pirasa bara soldadu-i; agi 600 naan sopŭrŭg-i.

1 SAMUEL 14:11

Jadi ngara bada daya Philistine kiris ngara, ka daya Philistine nang, “Tingga! Kada daya Hebrew mandŭg so rubang adi yŭn ngara bisukan!”

1 SAMUEL 14:22

Daya daya Israel adi bisukan di arong sandah Ephraim, dingah daya Philistine mbŭh bu, ka ngara sua gŭh nyerang daya Philistine,

1 SAMUEL 23:19

Agi kada daya so Ziph di ka yŭn Saul di Gibeah ka nang, “David agi bisukan di tarun tana ami di Horesh di darŭd Hachilah, di parad siratan tarun tana-pajam Judea.

1 SAMUEL 24:3

Ayŭh mandŭg di ndi tāng adi sindŭk kandang kandang biri di bŭngŭn aran ka mŭrŭt di bijamban. Tāng anŭ tipia tāng adi yŭn David ngga daya-i bisukan jeh tura ka darŭm-i.

1 SAMUEL 31:7

Kan daya daya Israel adi di parad mandi rubān Jezreel ka adi di parad tura ka timor Yang Jordan dingah bara soldadu Israel mbŭh bu mangān pinganyu ka Saul ngga anak anak dari-i mbŭh dog siŭ, ngara bu tagan kupo kupo ngara. Ka daya Philistine mandŭg ka ngisi-i.

1 SAMUEL 7:7

Kan daya Philistine dingah daya Israel mbŭh tikuruk di Mizpah, raja daya Philistine adi rimŭh naan makat ngga bara daya ngara an di nyerang daya Israel. Bara daya Israel dingah ka jadi taru,