1 SAMUEL 13:5 - Hakcipta - Biatah Bidayuh

⁵ Daya Philistine tikuruk re rawan daya Israel; ngara biyŭn 30,000 krita kuda perang, 6,000 soldadu pinunggang kuda, ka dudu soldadu kiang sirah sumat di pang rawŭt. Ngara matak ka Michmash, tura ka timor Bethaven, ka bibari diginŭ.

1 SAMUEL 13:5 ပူးပေါင်းရင်းမြစ်များ

TIBIRIK 22:17

Aku bipayu Aku re bada bara sesang mu bagŭ keya ka bitang di rangit, puan kah sumat di pang rawŭt. Bara sesang mu re ngarah pinganyu ngara.

2 SAMUEL 17:11

Jadi pinyitayan ku inŭh kuu taban sopŭrŭg daya Israel so bŭngŭn rais ndi ndŭg bŭngŭn rais andi bada tikuruk, ka kiang ngara kiang sumat di pang rawŭt, ka adŭp mu taban ngara di biperang.

1 RAJA 20:27

Bara soldadu daya Israel mbŭh dog bagan ka mbŭh sidia ngga pingakas perang. Ngara baris ruah ka bibari ngga duwŭh tibaran nura bara soldadu daya Syria. Bara soldadu daya Israel mun duwŭh anak kaban kambing dog danding ngga bara soldadu daya Syria, adi mbŭh muno sapa tarun tana rais.

2 KRONIKEL 1:9

O TUHAN Tapa, pijadi janji adi Kaam mbŭh ndai ngga sama ku. Kaam mbŭh bada aku jadi raja bara daya adi raru bagŭ ka adi dŭh tungang dog mirang,

ISAIAH 10:28

Bara tibaran soldadu pinganyu mbŭh sirabut kupo Ai! Ngara mbŭh mutas Migron! Ngara tingge barang ngara di Michmash!

ISAIAH 48:19

Sesang ngan re raru bagŭ mun sirah sumat, ka Aku manŭn dŭh re tandah ngara dog pirabur.”

JEREMIAH 15:8

Dayung uban rabis bagŭ di rais ngan so sirah sumat di pang rawŭt. Aku siŭ dari dari ngan adi mara adi piaŭn ka bada sindŭ sindŭ ngara sangsara. Aku nyirŭgŭh nyerang ngara ngga pinyusah ndŭg ka ngara mbŭh taru buang sera susah.

HOSEA 10:5

Daya adi rŭŭ di kupo Samaria re taru ka re ngurid dari sapi mas di Bethaven. Ngara ngga bara imam adi bituan di tibudo anŭ re muās-i. Ngara re bana sien kan-i dog pirukos so sangŭn mas-i.

HOSEA 4:15

“Sunggu angān daya Israel dŭh tŭtŭd di Aku, dŭhnyah gŭh angān ndai simŭnŭ. Dŭhnyah bisambah di Gilgal bait di Bethaven, puan kah ndai janji diginŭ ngga adŭn TUHAN adi udip.

HOSEA 5:8

Mambak trompet di Gibeah! Mambak ngga nguga daya di Ramah! Ngab di Bethaven! Matak biperang, angān daya Benjamin!

ROME 9:27

Ka Isaiah minyu pasar Israel: “Sunggu bagŭ mun sirah sumat di bŭngŭn rawŭt bait kani daya Israel, nisŭ adŭ so ngara re dog nyiramat;

JOSHUA 11:4

Ngara mandŭg ngga sopŭrŭg bara soldadu ngara — bara soldadu adi kiang dudu sirah sumat di pang rawŭt. Ngara biyŭn bagŭ gŭh kuda ngga krita kuda.

JOSHUA 18:12

Di utara, baat ngara piguru so yang Jordan ka maad ired di utara Jericho ka biruit nuju barat kadŭg rais tarun tana sandah jeh ndŭg tarun tana-pajam Bethaven.

JOSHUA 7:2

Joshua pait kada daya so Jericho di ka Ai, kupo tura ka timor Bethel, sindŭk Bethaven, bada pirasa tarun tana anŭ. Muko ndai simŭnŭ,

AKIM 7:12

Bara daya Midian, daya Amalek, ngga daya tibaran tibaran-asar so tarun tana-pajam mbŭh raru bagŭ di ndi tarun tarun rubān anŭ mun dudu kadis, ka ngara biyŭn raru bagŭ onta keya ka sirah sumat di pang rawŭt.

1 SAMUEL 13:11

pak Samuel nang, “Ani anŭ ndai mu?” Saul nam, “Bara daya mbŭh bu tangan aku, ka kaam mating gŭh mandŭg di tika kaam nang adŭp mai re mandŭg; ka nambah anŭ, daya Philistine mbŭh tikuruk di Michmash.

1 SAMUEL 13:2

Saul mien 3,000 naan daya Israel, 2,000 naan so ngara rŭŭ ngga ayŭh di Michmash samŭn di rais tarun tana sandah Bethel. Ayŭh pait 1,000 naan ayō anak-i Jonathan ka Gibeah, di tarun tana tibaran-asar Benjamin. Adi bŭkŭn Saul bada mari.

1 SAMUEL 14:23

bisaad ndi aran aran jeh ndŭg Bethaven. TUHAN nyiramat Israel di andu anŭ.

1 SAMUEL 14:52

Sitŭkŭd ayŭh udip, Saul bandar bandar biperang ngga daya Philistine. Ngapŭi kan ayŭh dapŭd daya adi bake buang birani, ayŭh tambit daya anŭ bada sua ngga bara soldadu-i.

1 SAMUEL 17:1

Daya Philistine mbŭh tikuruk re biperang di Socoh, kupo di Judah. Ngara bibari di tarun yŭn adi dog kadŭn Ephes Dammim, di asah Socoh ngga Azekah.

1 SAMUEL 7:13

Jadi daya Philistine mbŭh dog ngarah, ka TUHAN bada ngara dŭh tungang nyerang tarun tana Israel sitadŭn Samuel udip.