1 SAMUEL 12:3 - Hakcipta - Biatah Bidayuh

³ Ta aku. Kambŭi aku agi ndai sarah, angān bisa nyarah aku di sirung jawin TUHAN ka di sirung jawin raja adi-I mbŭh mien. Mbŭh kah aku tambit sapi daya bait kaldi daya? Mbŭh kah aku nipu bait kinanyuh daya? Kambŭi aku agi ndai kayuh anŭ, aku bisa bayar pari.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Aku mbŭh tunda ukum-adat TUHAN; aku gi-dŭh bu so Tapa ku.

NEHEMIAH 5:11

Kambŭt adŭ sopŭrŭg utang ngara — duit, bait gandom, bait wain, bait inyo kanā. Ka rikas nggen pari teya teya ngara, teya anggor ngara, teya kanā ngara, ka ramin ramin ngara!”

MAZMUR 15:5

Ngara nginjam duit ka daya ka dŭh kira anak duit, ka dŭh dapŭd dog nyuap da nggen taksi kadong rawan daya adi dŭh sarah. Asi asi adi ndai simŭnŭ re ari siramat.

PINYIRUAH 20:17

“Dŭhnyah ripong di ramin daya; dŭhnyah ripong di sawŭn-i, urun-i, sapi sapi-i, kaldi-i, puan kah tadŭ tadŭ kayuh adi ayŭh dapu.”

PINYIRUAH 23:8

Dŭhnyah trima suap, amai suap nutu batŭh daya so kayuh adi batur ka pirusak daya adi dŭh biyŭn sarah.

PITAS 15:27

Kambŭi kuu suba an dapŭd utung so kraja pingandai adi sarah, kuu re bada rawang mu dog pinyusah. Dŭhnyah trima suap ka kuu re tui udip.

LEVITICUS 6:4

Angān adi bidosa amai dapŭd kayuh ngga aran adi sarah anŭ patut bayar tadŭ tadŭ kayuh anŭ. Di andu angān dog dapŭd sarah, angān dŭh siŭn dŭh bayar ngga puno di daya adi dapu, ngga 20 piratus tambah-i.

PINYIKIANG 16:15

Moses tuas ka nang di TUHAN, “Dŭhnyah kambat tadŭ tadŭ sadis adi ngara anŭ jugan. Aku mating ndai sarah di tadŭ tadŭ ngara; ndi pŭrŭng kaldi ngara mating gŭh aku tambit.”

MATTHEW 22:21

“Caesar,” ngara nam. Jadi Jesus nang di ngara, “Amai simŭnŭ, nggen di Caesar kayuh adi Caesar dapu, ka nggen di Tapa kayuh adi Tapa dapu.”

LUKE 19:8

Zacchaeus mijog ka nang di Jesus, “Dingah tuan! Aku re nggen sitangah so buat-rata ku di daya sirata, ka kambŭi aku agi nipu tadŭ daya, aku re bayar ayŭh pari pat rupet.”

PINGANDAI 20:33

Aku bŭn ripong di pirak daya, bait-i mas, puan kah piraka daya.

2 CORINTH 12:14

Ati inŭh adi pitaruh saba aku mbŭh sidia an munan angān; dŭh aku an nyusah angān ngga pimite. Angān inŭh adi aku raan, dŭh duit ngan. Sibandar-i, anak dŭh nyiran pimas, pak pimas nyiran anak.

DITRONOMI 16:19

Ngara dŭh siŭn taban atin adi bidikok puan kah marad kambŭi matŭd itong; ka ngara dŭh siŭn trima suap, amai anŭ bada karak batŭh daya adi bijak ngga adi batur, ka bada ngara matŭd itong ngga aran adi sarah.

1 THESSALONICA 2:10

Adŭp ngan jadi saksi ami, simŭnŭ gŭh adŭp Tapa, munki atur pimudip ami di ruang ngan adi sabah di Kristus, mbŭh bisig, batur, ka dŭh biyŭn takar sarah.

1 THESSALONICA 2:5

Angān puan kieh dŭh mandŭg ka yŭn ngan taban piminyu adi muji, dŭh gŭh ngga pinŭtŭn an dapŭd utung so angān. Tapa inŭh saksi ami!

1 PETER 5:2

jadi pingingat kaban biri adi Tapa ko nggen di angān da kingat, dŭh ngga atin adi abah pak ngga atin adi siabo raan. Ndai kraja ngan, dŭh sabab an dapŭd utung adŭ, pak so atin adi sawŭ an ndai-i.

1 SAMUEL 10:1

Samuel tambit ndi anak gabuk adi brisi ngga inyo kanā, ka ren inyo anŭ di tunduh ubak Saul, sium ayŭh, ka nang, “TUHAN nginyo kuu bada jadi raja daya-I Israel. Kuu re mritah daya-I ka grindung ngara so sopŭrŭg pinganyu ngara. Ka ati inŭh tandā di kuu nang TUHAN mbŭh mien kuu bada jadi raja daya-I:

1 SAMUEL 12:4

Bara daya nam, “Mating, kaam mating nipu bait kinanyuh kieh; kaam mating tambit kayuh so tadŭ daya.”

1 SAMUEL 12:5

Samuel nam, “TUHAN ngga raja adi Ayŭh mbŭh mien inŭh saksi andu ati angān nang aku mating ndai sarah.” “Sawŭ, TUHAN inŭh saksi ami,” ngara nam.

1 SAMUEL 2:35

Aku re mien ndi naan imam adi re tŭtŭd di Aku ka adi re ndai sopŭrŭg kayuh adi Aku bada ayŭh ndai. Aku re nggen di ayŭh sesang sesang adi re nyiraja jadi imam yŭn raja adi Aku mien.

1 SAMUEL 24:11

Tingga, ma, tingga supek jipo-ambu mai di tangan ku! Muko aku siŭ kaam kambŭi aku raan, pak kaŭs aku kapŭg supek ati adŭ. Ati inŭh kayuh adi bisa natu di kaam nang aku taŭn dŭh biyŭn pikir-kira adi an rawan kaam puan kah an kinaman kaam. Kaam ngasū aku yŭn re siŭ aku, pŭn ka aku mating ndai sarah di kaam.

1 SAMUEL 24:6

ka ayŭh nang di daya-i, “Isa-i TUHAN pijo aku so ndai sarah di tunduh tuan ku adi adŭp TUHAN mbŭh mien bada jadi raja! Aku manŭn dŭh siŭn ida ida ngga ayŭh, sabab ayŭh raja adi dog mien adŭp TUHAN!”

1 SAMUEL 24:7

Jadi David nŭtŭd atin bara daya-i ka dŭh nyibandar ngara nyerang Saul. Saul makat, ruah bu so tāng anŭ, ka radus pijuu pimanu-i.

1 SAMUEL 26:11

TUHAN kijaman aku siŭ daya adi-I mbŭh bada jadi raja! Ata tambit jarok ngga bŭrŭh piin-i adŭ ka bu”

1 SAMUEL 26:9

Pak David nang, “Kuu dŭh siŭn ida ida di tunduh-i! TUHAN re manŭn ngukum daya adi ida ida ngga raja adi-I mbŭh mien.