1 SAMUEL 12:21 - Hakcipta - Biatah Bidayuh

²¹ Dŭhnyah tunda tapa tapa adi dŭh sawŭ; ngara dŭh dapŭd turung angān bait nyiramat angān, amai ngara dŭh sawŭ.

1 SAMUEL 12:21 ပူးပေါင်းရင်းမြစ်များ

2 RAJA 17:15

Ngara abah tunda ajar-I, ngara dŭh sita simanya adi Ayŭh muko ndai ngga tayung-babuk ngara, ka ngara dŭh piduri pinyibakan-I. Ngara nyambah tibudo adi au-tarun ka mbŭh jadi au-tarun adŭp ngara. Ngara tunda adat bangsa bangsa adi maning ngara, nyibireu pesan TUHAN adi nagah ngara ndai simŭnŭ.

ISAIAH 41:29

Sopŭrŭg tapa anŭ dŭh biguna; mating kayuh dapŭd ngara ndai; bara tibudo anŭ ramah ka dŭh biyŭn kuasa.”

ISAIAH 45:20

TUHAN nang, “Mandŭg tikuruk, daya bangsa bangsa, sopŭrŭg adi babŭ udip ripas empaya anŭ rubuh; mandŭg yŭn dog suba! Daya adi baris ngga tibudo ngara adi dog ndai so kayuh adi bidua ka tapa adi dŭh dapŭd nyiramat ngara — ngara dŭh puan ani ani!

ISAIAH 46:7

Ngara tunduk ka tawid tibudo anŭ; ngara pijog-i di yŭn adi dog nitah yŭn-i, diginŭ-i mijog ka dŭh dapŭd trigen so nŭ. Kambŭi daya bidua ka tibudo anŭ, tibudo anŭ dŭh dapŭd nam bait nyiramat daya anŭ so pinyirusag.

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 10:8

Sopŭrŭg ngara budo ka bawa. Ani bisa ngara birajar so tibudo apŭg kayuh?

JEREMIAH 14:22

Tibudo bangsa bangsa dŭh dapŭd bada andu ujen; rangit sadi adŭp-i dŭh dapŭd bada andu ujen. Kieh na pingarap ami darŭm tangan Mai, O TUHAN adi Tapa ami, sabab Kaam inŭh adi ndai sopŭrŭg kayuh anŭ.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:5

TUHAN nang: “Ani anŭ adi yŭn tayung-babuk ngan nyarah Aku? Ani bada ngara bu tagan Aku? Ngara nyambah tibudo adi dŭh biguna ndŭg ka adŭp ngara jadi dŭh biguna.

JONAH 2:8

Ngara adi nyambah tibudo adi dŭh biguna mbŭh tagan Kaam ka dŭh tia tŭtŭd.

JONAH 2:9

Pak aku re nang ragu puji ka Kaam; aku re jugan sadis ka Kaam ka ndai kayuh adi aku mbŭh bijanji an ndai. Pinyiramat mandŭg so TUHAN!”

HABAKKUK 2:18

Ani guna-i tibudo? Anŭ batur-i kayuh adi manusia ndai, ka kayuh adi angān dapŭd so tibudo kaŭs-i pinganang kadong. Ani utung-i yŭn daya adi ndai tibudo? Tibudo dŭh bisa minyu!

PINGANDAI 14:15

“Mani angān ndai kayuh ati? Kieh ati daya manusia mun angān! Kieh digiti kidaan Agah Kana, isa angān pasan kayuh ati adi dŭh biguna ka pari ka Tapa adi udip, adi napa rangit, ong, rawŭt, ka sopŭrŭg kayuh adi di darŭm-i.

1 CORINTH 8:4

Jadi pasar man pinguman adi ko dog jugan ka tibudo: ata puan nang tibudo taŭn-i gambar yŭn kayuh adi dŭh sawŭ agi; ata puan Tapa agi ndi adŭ.

DITRONOMI 11:16

Dŭhnyah bada adŭp ngan miriseu so TUHAN ka nyambah ka bituan di tapa tapa adi bŭkŭn.

DITRONOMI 30:17

Pak kambŭi angān nyibireu ka abah dingah, ka miriseu nyambah tapa adi bŭkŭn,

DITRONOMI 32:21

Amai sabab tibudo ngara, ngara mbŭh bada Aku baji, Aku sina sabab tibudo adi ngara kadŭn tapa, tapa tapa adi dŭh sawŭ tapa. Jadi Aku re pakai bangsa adi dŭh sawŭ bangsa ngga bada ngara baji; Aku re bada ngara sina di bangsa adi budo.