1 SAMUEL 12:10 - Hakcipta - Biatah Bidayuh

¹⁰ Komŭnŭ ngara bagan ka TUHAN mite turung ka nang, ‘Kieh mbŭh bidosa, sabab kieh nyipunok kaam, TUHAN, ka nyambah tibudo Baal ngga Astart. Pirupas kieh so pinganyu ami, ka kieh re nyambah Kaam!’

1 SAMUEL 12:10 ပူးပေါင်းရင်းမြစ်များ

MAZMUR 106:44

Pak TUHAN dingah ngara kan ngara mite turung, ka Ayŭh ngatin susah ngara.

ISAIAH 26:16

Kaam ngukum daya Mai, TUHAN, ka darŭm susah ngara bidua ka Kaam.

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

JOSHUA 13:31

Anŭ samŭn tarun tana Gilead, samŭn Ashtaroth ngga Edrei, adi jadi sindŭ sindŭ kupo di tarun tana adi dog mritah raja Og di Bashan. Sopŭrŭg anŭ mbŭh dog nggen di sitangah bara rawang adi sesang Machir anak Manasseh.

AKIM 10:10

Komŭnŭ daya Israel bagan ka mite turung so TUHAN, “Kieh mbŭh bidosa rawan Kaam, amai kieh mbŭh tingge Kaam, adi Tapa ami, ka nyambah tapa tapa Baal.”

AKIM 2:11

Komŭnŭ, daya Israel bidosa rawan TUHAN ka piguru bituan di Baal.

AKIM 2:13

Ngara mbŭh dŭh tia nyambah TUHAN pak bituan di Baal ngga Astart.

AKIM 3:15

Komŭnŭ daya Israel mite turung so TUHAN, ka Ayŭh pait daya da pirupas ngara. Ayŭh anŭ Ehud, daya adi sibait ndai kayuh, adi anak Gera, so tibaran-asar Benjamin. Daya Israel pait Ehud di ka Raja Eglon di Moab da taban takŭd ka ayŭh.

AKIM 3:7

Daya Israel mbŭh kambŭt TUHAN adi Tapa ngara; ngara bidosa rawan Ayŭh ka nyambah tibudo tibudo Baal ngga Asherah.

AKIM 3:9

Komŭnŭ daya Israel mite turung so TUHAN, ka Ayŭh pait daya da pirupas ngara. Ayŭh anŭ Othniel, anak Caleb adi sude Kenaz.

AKIM 4:3

Jabin biyŭn prii ratus krita kuda adi dog ndai so basi, ka mritah daya Israel ngga gaok ka ganas sitian duwŭh puru sawa. Komŭnŭ daya Israel mite turung so TUHAN.

AKIM 6:7

Jadi daya Israel mite turung so TUHAN rawan daya Midian,

1 SAMUEL 7:2

Pati Simanya TUHAN anŭ agi di Kiriath Jearim mua tian-i, kurang rabis duwŭh puru sawa. Sitadŭn anŭ sopŭrŭg daya Israel bagan mite turung so TUHAN.

1 SAMUEL 7:6

Jadi sopŭrŭg ngara tikuruk di Mizpah. Ngara pēn piin ka ren-i ndu sadis pinganggen ka TUHAN ka bipusa ndi andu andu anŭ. Ngara nang “Ata mbŭh bidosa rawan TUHAN.” (Mizpah inŭh tarun adi yŭn Samuel nyirase kaii daya Israel.)