1 SAMUEL 11:13 - Hakcipta - Biatah Bidayuh

¹³ Pak Saul nang, “Mating daya siŭn dog siŭ andu ati, amai andu ati TUHAN nyiramat daya Israel.”

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Pak David nang di Abishai ngga di jurud-i Joab, “Dŭhsah sua nang ani ani. Angān re ndai pinyusah di aku kah? Aku inŭh raja Israel madin, ka mating daya Israel re dog ukum kabŭs andu ati.”

2 SAMUEL 19:23

Ka-i nang di Shimei, “Aku bijanji kuu dŭh re dog ukum kabŭs.”

2 SAMUEL 23:10

pak ayŭh dŭh ngundur; ayŭh rawan daya Philistine ndŭg ka tangan-i mbŭh bagŭg ka dŭh tungang pirupas pedang adi ngagŭm-i. TUHAN dapŭd pimanang bās andu anŭ. Kan muko bisaad, daya Israel pari ka tarun yŭn Eleazar ka pirukos jipo perang so tadang tadang daya adi mbŭh kabŭs.

PINYIRUAH 14:13

Moses nam, “Dŭhnyah taru! Nyiriang simangi ngan, ka angān re kiris kayuh adi TUHAN re ndai ngga nyiramat angān di andu ati; angān dŭh re tia kiris bara daya Egypt anŭ.

PINYIRUAH 14:30

Di andu anŭ TUHAN nyiramat daya Israel so daya Egypt, ka daya Israel kiris ngara prigure kabŭs di pang rawŭt.

ISAIAH 59:16

Ayŭh mbŭh payah kiris daya mating turung daya adi dog kinanyuh. Jadi Ayŭh re pakai kuasa adŭp-I ngga nyiramat ngara ka ngga dapŭd pimanang.

1 CORINTH 15:10

Pak so ka pinyirasi-mandis Tapa aku mbŭh jadi adŭp ku adi madin, ka pinyirasi-mandis adi-I mbŭh nggen di aku dŭh-i jadi au-tarun. Pak gŭt-i aku adi rabis dŭ bandar nyiraja so bara pinyuruh adi bŭkŭn, sunggu-i dŭh inŭh pingandai adŭp ku, pak pinyirasi-mandis Tapa adi nyiraja ngga aku.

1 SAMUEL 10:27

Pak kada daya adi dŭh biguna nang, “Ani bisa daya anŭ ndai yŭn ta?” Ngara ngamun Saul ka dŭh taban tadŭ mun pinganggen ka yŭn-i.

1 SAMUEL 14:45

Pak bara daya nang di Saul, “Patut kah Jonathan dog nggen ukum kabŭs? Dŭh ka ayŭh adi bada Israel dapŭd pimanang bās ati? Kieh bipayu ngga adŭn TUHAN ndi sirah ubok-i dŭh gŭh re tikadi so ubak-i. Kayuh adi-i ndai andu ati inŭh so pinurung Tapa.” Jadi bara daya nyiramat Jonathan so ukum kabŭs.

1 SAMUEL 19:5

Ayŭh ruban asŭng di andu ayŭh siŭ Goliath, ka TUHAN nggen pimanang bās di Israel. Kan kaam kiris-i, adŭp mai munos asŭng. Mani, meh, kaam raan ida ida ngga daya adi dŭh sarah ka siŭ David ngga dŭh biyŭn pada?”