1 SAMUEL 10:6 - Hakcipta - Biatah Bidayuh

⁶ Ka gŭgŭh roh TUHAN re nguasa kuu, ka kuu re sua birajang ka nyirais ka re birubah, dŭh mun adŭp mu adi mbŭh.

1 SAMUEL 10:6 ပူးပေါင်းရင်းမြစ်များ

PINYIKIANG 11:17

Aku re mūn ka minyu ngga kuu diginŭ, ka Aku re tambit kada roh adi Aku ko nggen di kuu ka nggen-i di ngara. Simŭnŭ ngara re bisa turung kuu di pinanggong mu di bara daya ati; simŭnŭ kuu dŭh re tia gŭrŭng-i sadi adŭp mu.

PINYIKIANG 11:25

Komŭnŭ TUHAN mūn darŭm abun ka minyu ngga ayŭh. Ayŭh tambit kada roh adi-I ko nggen di Moses ka nggen-i di ju puru naan bara pinguru anŭ. Kan roh anŭ mbŭh mūn di tunduh ngara, ngara nyirais sak bara nabi, pak dŭh tui.

PINYIKIANG 11:26

Duwŭh naan so bara pinguru anŭ adi ju puru naan, Eldad ngga Medad, babŭ di tarun yŭn bibari ka dŭh sua di ka Bari TUHAN. Diginŭ di yŭn bibari roh mandŭg ka ngara, ka ngara gŭh nyirais sak nabi.

PINYIKIANG 11:29

Moses nam, “Bipikir kah kuu di kayuh ati? Kasi kambŭi TUHAN an nggen Roh-I di sopŭrŭg daya-I ka bada sopŭrŭg ngara nyirais sak bara nabi!”

MATTHEW 7:22

Di Andu Bisara, bagŭ daya re nang di Aku, ‘Tuhan, Tuhan! Ngga adŭn Mai kieh ko nyuse agah so Tapa, ngga adŭn Mai kieh pibu bagŭ umot ka ndai bagŭ pingandai-nginga!’

AKIM 14:6

Ka gŭgŭh kuasa TUHAN nyibake Samson, ka-i nyiratak adŭ singah anŭ nyinuwŭh ngga tangan-i, mun nyiratak anak kambing. Pak ayŭh dŭh kidaan di pimas-i kayuh adi ndai-i.

AKIM 15:14

Kan ayŭh mbŭh ndŭg Lehi, bara daya Philistine bikaduh mandŭg tudu ayŭh, buang nyirais. Gŭgŭh kuasa TUHAN nyibake ayŭh, ka ayŭh matŭd taris adi ngga mŭŭng birungo ngga tangan-i keya ka matŭd tiburi adi dog badang.

AKIM 3:10

Roh TUHAN nguasa ayŭh, ka ayŭh jadi pinguru Israel. Othniel di matak biperang, ka TUHAN bada ayŭh manang rawan raja Mesopotamia.

1 SAMUEL 10:10

Kan Saul ngga daya gaji-i mandŭg di Gibeah, ndi tibaran nabi bidapŭd ngga ayŭh. Gŭgŭh meh roh Tapa nguasa ayŭh, ka ayŭh sua birajang ka nyirais ngga ngara.

1 SAMUEL 10:9

Kan Saul mbŭh re panu tingge Samuel, Tapa nggen di Saul tibiat adi bauh. Ka barang masam kayuh adi Samuel muko kidaan di ayŭh jadi bitŭtŭk di andu anŭ.

1 SAMUEL 11:6

Kan Saul dingah kayuh anŭ, roh Tapa nguasa ayŭh, ka ayŭh mbŭh raru bangok.

1 SAMUEL 16:13

Samuel tambit inyo kanā ka nginyo David di sirung jawin bara jurud dari-i. Rasu roh TUHAN nguasa David so andu anŭ. Komŭnŭ Samuel pari ka Ramah.

1 SAMUEL 19:20

jadi ayŭh pait kada daya bada nakap ayŭh. Ngara kiris tibaran nabi bitanda buang nyirais, ayō Samuel adi pinguru ngara. Komŭnŭ roh Tapa nguasa daya Saul, ka ngara piguru sua bitanda ka nyirais.