1 PETER 5:5 - Hakcipta - Biatah Bidayuh

⁵ Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”

1 PETER 5:5 ပူးပေါင်းရင်းမြစ်များ

2 KRONIKEL 6:41

Makat meh madin, TUHAN Tapa, ka ngga Pati Simanya, adi tandā kuasa Mai, mŭrŭt ka Ramin ati ka rŭŭ digiti ndŭg situi tui. Nyiberkat bara imam Mai di sopŭrŭg pingandai ngara, ka isa-i sopŭrŭg daya Mai sanang sabab pinyikana Mai di ngara.

JOB 22:29

Tapa bisor daya adi miruap ka nyiramat daya adi pirapat adŭp-i.

JOB 29:14

Aku ari mandis buang tŭnggŭn.

MAZMUR 132:16

Aku re nyiberkat bara imam-i darŭm sopŭrŭg pingandai ngara, ka daya-i re biragu ka nyirais amai gaŭn.

MAZMUR 132:9

Isa-i bara imam Mai ari ndai kayuh adi batur; isa-i daya Mai nyirais amai gaŭn!

MAZMUR 138:6

Sunggu Kaam adi siabo bigatung, Kaam rada ngara adi pirapat adŭp-i, ka adi sambuh dŭh dapŭd bisukan so Kaam.

PITAS 25:7

Kana dŭ nŭŭh dog bagan bada guru di yŭn di sambu so nŭŭh dog bada mūn ka sagān amai daya bŭkŭn adi rabis bās mbŭh dog bada guru di baku nŭŭh.

PITAS 3:34

Ayŭh ngamun daya adi sambuh, pak nggen pinyirasi mandis-I di daya adi pirapat adŭp-i.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

EZEKIEL 26:16

Sopŭrŭg raja adi di bŭngŭn rawŭt re mūn so takta ngara. Ngara re kadi jipo-ambu ngara samŭn piraka adi dog ngabuh ngga butik bunga jiit ka guru di tana buang kimŭtŭr. Ngara re tikaran kiris nasip mu anŭ ndŭg ka ngara adu adu kimŭtŭr.

DANIEL 11:12

Ayŭh re mingangŭn pasar pimanang-i ka pasar bara soldadu adi-i mbŭh siŭ, pak ayŭh dŭh re adu adu manang.

LEVITICUS 19:32

“Kiren adŭp nŭŭh biradat di daya adi mbŭh minyamba ka stabi di ngara. Ngga stabi tunda pinganang Ku; Aku ati TUHAN.

LUKE 22:26

Pak angān dŭh patut mun anŭ. Adi rabis bās dupan ngan patut jadi mun sianŭ adi siabo mara, ka adi pinguru patut jadi mun urun.

ROME 12:10

Rindu di dingan ngan nimun daya Kristen, ka gruwŭn adŭp ngan stabi di dingan ngan.

ROME 13:14

Pak bada Tuhan Jesus Kristus jadi pinyigrindung ngan, ka dŭh tia nurut pinyiripong tibiat pŭrŭng ngan adi bidosa ngga pimunos adŭp ngan.

EPHESUS 5:21

Nundok di apid ngan nimun angān stabi di Kristus.

PHILIPPI 2:3

Dŭhnyah ndai kayuh so atin sibut puan kah so atin miruap sambuh, pak pirapat adŭp ngan buang siraru nyirundeng daya bŭkŭn agi kana dŭ so adŭp ngan.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

1 TIMOTHY 5:1

Dŭhnyah nang nyamba dari, pak minyu ngga ayŭh keya ka minyu ngga sama adŭp mu. Bara dari adi babŭ mara kuu patut bada keya ka bara jurud adŭp mu,

HEBREW 13:17

Tŭtŭd ngga bara pinguru ngan ka nurut pritah ngara. Ngara dŭh masah jaga simangi ngan, amai ngara mbŭh dapu tanggong kraja ngara di sirung jawin Tapa. Kambŭi angān tŭtŭd ngga ngara, ngara re ndai kraja ngara ngga atin gaŭn; kambŭi dŭh, ngara re ndai-i ngga atin susah, ka-i dŭh re jadi utung di angān.

JAMES 4:6

Pak pinyirasi-mandis adi Tapa nggen agi rabis bās. Sak adi nang Surat-kudus, “Tapa dŭh raan daya adi sambuh, pak nggen pinyirasi-mandis di ngara adi pirapat adŭp-i.”

1 PETER 3:8

Sikasŭn-i, sopŭrŭg ngan dŭh siŭn dŭh an ndi atin; rindu buang mandis ngga dingan ngan ngga atin tŭkŭn, keya ka bijurud.

1 PETER 4:1

Amai Kristus ko jera-birasa darŭm pŭrŭng, angān gŭh dŭh siŭn dŭh an nyibake adŭp ngan ngga pinŭtŭn adi mun jangi; sabab daya adi sangsara darŭm pŭrŭng abah-i tia bidosa.

1 PETER 4:5

Pak ngara re tanggong adŭp-i di sirung jawin Tapa, adi mbŭh sidia jadi arang daya adi udip ngga adi kabŭs.