1 PETER 5:3 - Hakcipta - Biatah Bidayuh

³ Dŭhnyah bada adŭp ngan mun daya pinguasa di tunduh daya adi angān jaga, pak jadi suto danding yŭn ngara.

1 PETER 5:3 ပူးပေါင်းရင်းမြစ်များ

MAZMUR 33:12

Sanang inŭh bangsa adi Tapa ngara inŭh TUHAN; sanang inŭh daya adi Ayŭh mbŭh mien jadi tung adŭp-I!

MAZMUR 74:2

Ingat daya Mai adi Kaam mbŭh so jah mien yŭn adŭp Mai, adi Kaam mbŭh piruah so jadi urun bada jadi daya Mai. Ingat Sandah Zion, di yŭn Kaam ko rŭŭ.

EZEKIEL 34:4

Angān bŭn kingat ngara adi ramah, pibua ngara adi mandam, marut ngara adi tawan, taban pari ngara adi miriseu, bait jiroh ngara adi manyap. Tibarik angān gaok ngga ngara.

MICAH 7:14

Jadi pingingat yŭn daya Mai, TUHAN, daya adi Kaam mbŭh mien. Sunggu ngara rŭŭ jeh di tarun tana-pajam, tana damŭn agi maning ngara. Tandah ngara man di tarun tana kupai Bashan ka Gilead, nimun ngara ko jah-i.

PINYIKIANG 18:7

Pak kuu ngga anak anak dari mu sadi adŭ siŭn pijadi sopŭrŭg pinanggong imam tura ka mija-sambah ka kayuh adi di Yŭn adi Siabo Kudus. Kayuh kayuh anŭ inŭh pinanggong mu, sabab Aku mbŭh nggen di kuu kraja imam. Tadŭ daya adi dŭh dog nggen hak mandŭg nyindŭk kayuh kayuh adi kudus anŭ dŭh siŭn dŭh dog ukum kabŭs.”

JOHN 13:15

Aku mbŭh kiren suto di angān, isa angān ndai di dingan ngan nimun Aku ko ndai di angān.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

1 CORINTH 11:11

Darŭm pimudip ta ngga Tuhan, dayung dŭh bisa dŭh bisangan di dari, ka dari dŭh bisa dŭh bisangan di dayung.

1 CORINTH 3:5

Asi Apollos? Asi Paul? Kieh, kaŭs ami urun Tuhan, adi nyiruton angān da sabah di Kristus. Barang naan kieh ndai kayuh adi Tapa mbŭh nggen di kieh da ndai:

1 CORINTH 3:9

Amai kieh mbŭh samah biturung darŭm kraja yŭn Tapa, ka adŭp ngan gŭh meh teya Tapa. Angān gŭh ramin Tapa.

2 CORINTH 1:24

Kieh dŭh an mritah angān jeja ka pinyabah ngan. Kieh puan angān tagap darŭm pinyabah ngan. Pak kieh nyiraja ngga angān yŭn sanang adŭp ngan.

2 CORINTH 4:5

Amai dŭh-i kieh nyuse pasar adŭp ami; kieh nyuse Jesus Kristus adi adŭp-I Tuhan, ka adŭp ami ati inŭh urun ngan yŭn Jesus.

DITRONOMI 32:9

pak sesang Jacob Ayŭh mien yŭn adŭp-I.

PHILIPPI 3:17

Bara dingan ku, tunda meh danding ku. Ka birajar so ngara adi mbŭh tunda danding ami anŭ.

PHILIPPI 4:9

Ndai anŭ adi angān ko birajar ka kambat so aku, bait-i so piminyu ku, puan kah so aran pimudip ku. Ka Tapa adi nggen damai di ata re agi ngga angān.

1 THESSALONICA 1:7

Simŭnŭ inŭh angān jadi suto danding yŭn bara daya Kristen di Macedonia ka di Achaia.

2 THESSALONICA 3:9

Kieh ndai simŭnŭ, dŭh sabab kieh dŭh biyŭn hak re mite turung so angān; kieh ndai simŭnŭ siŭn jadi suto danding yŭn ngan.

1 TIMOTHY 4:12

Dŭhnyah daya ngamun kuu sabab kuu gibabŭ mara, pak jadi suto danding yŭn sopŭrŭg adi sabah darŭm piminyu mu, darŭm urah-rakah mu, darŭm pinyirindu mu, darŭm pinyabah mu, ka darŭm aran pimudip bisig mu.

TITUS 2:7

Darŭm sopŭrŭg kayuh, adŭp mu dŭh siŭn dŭh an jadi suto danding yŭn urah-rakah adi kana. Kuu dŭh siŭn dŭh an mbit bat di ajar mu, buang ngajar-i ngga atin tŭnggŭn.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.