1 PETER 5:2 - Hakcipta - Biatah Bidayuh

² jadi pingingat kaban biri adi Tapa ko nggen di angān da kingat, dŭh ngga atin adi abah pak ngga atin adi siabo raan. Ndai kraja ngan, dŭh sabab an dapŭd utung adŭ, pak so atin adi sawŭ an ndai-i.

1 PETER 5:2 ပူးပေါင်းရင်းမြစ်များ

2 RAJA 12:6

Pak ndŭg sawa adi 23 darŭm pinyipritah Joash bara imam anŭ gibayuh nyurat Ramin TUHAN.

RAGU 1:8

Dŭh kah kuu puan tarun anŭ, O dayung adi siabo ramus? Panu di tunda kaban biri anŭ; jiroh tarun tana kupai yŭn kambing mu sindŭk bari bari bara pingingat-biri.

ISAIAH 40:11

Ayŭh re kingat daya-I mun pingingat-biri; Ayŭh re nguruk bada tikuruk anak anak biri ka puko ngara ngga tangan; Ayŭh re nakit nguru sindŭ ngara.

ISAIAH 56:11

Ngara pirusong mun kasong adi bŭn bisa bisoh. Bara pinguru anŭ dŭh biyŭn pinyimirati. Barang naan ngara ndai kayuh nanyam pinyiraan adŭp-i ka jiroh utung yŭn adŭp-i adŭ.

ISAIAH 6:8

Komŭnŭ aku dingah TUHAN nang, “Asi re Ku pait? Asi re jadi pinyisung ta?” Aku nam, “Aku! Pait aku!”

ISAIAH 63:11

Pak komŭnŭ ngara ingat kayuh adi mbŭh jadi jah, jaman Moses, adi urun TUHAN, ka ngara siken, “Diki TUHAN madin, adi ko nguru bara pinguru daya-I mutas rawŭt ngga siramat? Diki TUHAN, adi nggen roh-I ka Moses?

JEREMIAH 13:17

Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

JEREMIAH 13:20

Jerusalem, tingga! Pinganyu mu mbŭh mandŭg so utara! Diki daya adi kuu grindung, daya adi kuu raru ngangŭn?

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 8:10

Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

EZEKIEL 34:23

Aku re nggen di ngara raja mun David, adi urun Ku, bada jadi pingingat ngara, ka ayŭh re kingat ngara.

EZEKIEL 34:31

“Angān biri Ku, kaban biri adi Aku paan, inŭh daya Ku, ka Aku inŭh Tapa ngan,” nang TUHAN Raja.

EZEKIEL 46:24

Daya anŭ kidaan di aku, “Ati inŭh dapor dapor di yŭn daya tanŭk ngga piin dudu sadis adi daya jugan.”

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 5:4

Kan ayŭh mandŭg, ayŭh re mritah daya-i ngga pinyibake adi mandŭg so TUHAN, ka ngga bragah adŭp TUHAN Tapa. Daya-i re udip ngga siramat sabab sopŭrŭg daya di ndi ong ong re ngaku bās-i,

MICAH 7:14

Jadi pingingat yŭn daya Mai, TUHAN, daya adi Kaam mbŭh mien. Sunggu ngara rŭŭ jeh di tarun tana-pajam, tana damŭn agi maning ngara. Tandah ngara man di tarun tana kupai Bashan ka Gilead, nimun ngara ko jah-i.

ZECHARIAH 11:17

Mbŭh payah inŭh pingingat-biri anŭ! Ayŭh mbŭh tagan kaban biri-i. Perang re pirabur kuasa-i. Tangan-i re ramah, ka batŭh-i karak.”

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

PINYIKIANG 18:7

Pak kuu ngga anak anak dari mu sadi adŭ siŭn pijadi sopŭrŭg pinanggong imam tura ka mija-sambah ka kayuh adi di Yŭn adi Siabo Kudus. Kayuh kayuh anŭ inŭh pinanggong mu, sabab Aku mbŭh nggen di kuu kraja imam. Tadŭ daya adi dŭh dog nggen hak mandŭg nyindŭk kayuh kayuh adi kudus anŭ dŭh siŭn dŭh dog ukum kabŭs.”

LUKE 12:32

“Dŭhnyah taru, angān tibaran adi siit, amai Sama ngan ngga munos asŭng-I mbŭh nyibandar angān kinyam Pinyipritah-I.

PINGANDAI 20:29

Aku puan ripas aku mbŭh bu, kasong kasong tarun adi mangah re mandŭg di ruang ngan, ka dŭh re tandah eklisia.

PINGANDAI 21:13

Pak ayŭh nam, “Ani ati ndai ngan, sien buang nyusah atin ku? Aku mbŭh sidia dŭh yŭn dog mŭŭng adŭ di Jerusalem pak yŭn dog siŭ diginŭ yŭn adŭn Tuhan Jesus.”

ROME 1:15

Jadi meh, aku graŭh an nyuse Agah Kana anŭ di angān adi rŭŭ di Rome.

1 CORINTH 9:7

Asi soldadu adi re biranja adŭp-i darŭm jadi soldadu? Asi tukang-teya adi dŭh re man buwa anggor so teya adŭp-i? Asi pingingat-biri adi dŭh re pakai sisuh so biri adŭp-i?

1 TIMOTHY 3:3

ayŭh dŭh siŭn daya adi pimabuk puan kah daya adi mangah, pak duduh buang dŭh pinyikaii; ayŭh dŭh siŭn gira duit;

1 TIMOTHY 3:8

Pinurung eklisia dŭh siŭn dŭh gŭh an daya adi kana urah rakah-i buang an daya adi tŭnggŭn atin-i; ngara dŭh siŭn daras nok wain puan kah gira duit;

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

TITUS 1:7

Amai nyamba eklisia digŭng kraja Tapa, ayŭh patut dŭh biyŭn sarah. Ayŭh dŭh patut daya adi miruap gambung puan kah gŭtŭh, pimabuk puan kah gira piayo daya, puan kah daya adi gira duit.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

TITUS 3:1

Kidaan di daya mu da dŭh kambŭt nundok di bara adi mritah ngga adi bikuasa, da nurut pinganang ngara, ka da sidia an ndai kana darŭm sopŭrŭg kayuh.

PHILEMON 1:14

Pak sunggu mŭnŭ, dŭh aku an takan kuu da turung aku, pak isa-i kuu turung aku nanyam ka pinyiraan adŭp mu. Jadi aku dŭh re ndai ani ani kambŭi kuu dŭh situju.

HEBREW 12:15

Ingat dŭhnyah angān ngundur so pinyirasi-mandis Tapa. Dŭhnyah angān jadi mun anak tŭngŭn kayuh adi pa'it adi taban bagŭ pinyusah ngga rasun-i.

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!