1 PETER 4:3 - Hakcipta - Biatah Bidayuh

³ Dawŭ-i angān mbŭh sadang tui-i ndai kayuh adi daya adi dŭh puan Tapa suka ndai. Pimudip ngan taŭn-i mbŭh puno ngga kayuh adi dŭh tatu, mun pinyiripong pŭrŭng, pimabuk, bigawai ndŭg ka ndai rubi kais, nok kayuh adi bisā ndŭg ka rabis so patut; ka adi raru sipŭ-i, angān nyambah tibudo.

1 PETER 4:3 ပူးပေါင်းရင်းမြစ်များ

2 SAMUEL 13:28

ka muko nakit kidaan di daya gaji-i: “Nakit ngatin sinde Amnon nok bagŭ, ka komŭnŭ kan aku nggen pinganang ku, angān siŭ ayŭh. Dŭhnyah taru. Adŭp ku re dapu tanggong. Dŭhnyah taru, ndai adŭ!”

1 RAJA 21:26

Sarah-i adi raru sipŭ inŭh ayŭh nyambah tibudo, mun daya Amor, adi TUHAN muko pibu so tarun tana anŭ darŭm daya Israel masang mŭrŭt dawŭ-i.)

2 KRONIKEL 15:8

Kan Asa dingah pinganang-binabi adi Azariah anak Oded mbŭh nang, ayŭh jadi birani. Ayŭh taran sopŭrŭg tibudo adi di tarun tana Judah ngga Benjamin ka sopŭrŭg tibudo adi di kupo kupo adi ayŭh mbŭh sirabut di tarun tana sandah rais Ephraim. Ayŭh gŭh ndai bada pari kana mija-sambah TUHAN adi agi di badag Ramin TUHAN.

ISAIAH 28:7

Bara nabi ngga bara imam mbŭh raru mabuk ndŭg ka mbŭh tibabeu. Ngara nok raru bagŭ wain ngga arak ka sikak sikakong amai pikir-i mbŭh manyap. Bara nabi mbŭh raru mabuk ka dŭh tungang mirati kayuh adi keya ka darŭm pŭmŭh adi Tapa nggen, ka bara imam mbŭh raru mabuk ka dŭh tungang ngatur har adi dog taban ka yŭn ngara.

ISAIAH 5:11

Mbŭh payah inŭh angān! Angān makat awar isan isan ka piguru nok, ka angān birunok ndŭg rambat ngarŭm.

ISAIAH 65:4

Singarŭm ngara di ka tāng bait kubur an bisiken ngga roh daya adi mbŭh kabŭs. Ngara man dagin ayo ka nok ju dagin adi ko dog jugan ndu sadis adat karŭm.

JEREMIAH 16:11

Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 16:18

Aku re bada ngara tanggong dosa ngga udip ginaka ngara duwŭh rupet, sabab ngara mbŭh nyembar tarun tana Ku ngga tibudo adi dŭh udip, mun tadang, ka mbŭh ngisi-i ngga tapa tapa kadong.”

EZEKIEL 44:6

“Kidaan di bara daya Israel adi an birawan anŭ nang Aku, adi TUHAN Raja, re dŭh tia tandah ngara ndai pingandai adi sipŭ.

EZEKIEL 45:9

TUHAN Raja nang, “Angān mbŭh tui bidosa, angān pimritah Israel! Pirŭŭ pinyiganas ngga kraja ngan adi kinanyuh daya. Ndai kayuh adi batur ka tŭnggŭn. Angān dŭh siŭn tia pibu daya Ku so tarun tana ngara. Aku, adi TUHAN Raja, mbŭh kidaan di angān.

MARK 7:22

tanggah, tama, ka sopŭrŭg pingandai arap adi bŭkŭn; kadong, pingandai kais, sina, napŭ daya, sambuh, ka pimudip adi dŭh taru di Tapa.

PINGANDAI 17:30

Tapa mbŭh kambŭt tipuh tipuh adi mbŭh ripas adi ngga daya dŭh puan Ayŭh; pak madin Ayŭh mbŭh pesan di sopŭrŭg daya di barang yŭn da marik pimudip ngara pari ka Ayŭh.

ROME 13:13

Ja ata nakit ngatur pimudip ta, nimun daya adi udip darŭm jawa. Dŭh tia ndai rubi kais, pimabuk, pimudip adi dŭh tatu, pingandai kais, bikaii ka sina.

1 CORINTH 12:2

Angān puan nang di andu angān babŭ dŭh puan Tapa, angān mbŭh manyap darŭm barang ka mun aran pimudip adi nyambah tibudo.

1 CORINTH 6:11

Agi kada so angān ko mun anŭ. Pak angān mbŭh dog pibisig so dosa; angān mbŭh dog trima Tapa jadi daya-I; angān mbŭh dapŭd bamai ngga Tapa da Tuhan Jesus Kristus ka da Roh Tapa ta.

2 CORINTH 12:21

Aku taru sibia-i kan aku mandŭg dinge Tapa ku pimangŭh aku di sirung jawin ngan, ka aku re muās bara daya adi ko dawŭ-i bidosa, pak gibayuh taran pimudip-i adi dŭh tatu anŭ, mun pinyiripong pŭrŭng ngga pingandai kais.

GALATIA 5:19

Pingandai tibiat manusia samah ta puan. Ayŭh kiren adŭp-i di pingandai kais, di pimudip adi sembar, ka di pimudip adi dŭh tatu;

GALATIA 5:21

ngara raru sina, pimabuk, ndai rubi adi sungak, ka bagŭ gŭh pingandai arap adi bŭkŭn adi ngara ndai. Aku bakan angān mun adi mbŭh: daya adi ndai pingandai arap anŭ dŭh re kinyam Pinyipritah Tapa.

EPHESUS 5:18

Dŭhnyah mabuk, amai anŭ kayuh adi re pirusak angān; angān sipatut-i brisi ngga Roh Kudus.

1 THESSALONICA 4:5

dŭh ngga pinyiripong adi sarah mun daya adi dŭh puan Tapa.

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

1 PETER 1:14

Nundok di Tapa, ka dŭhnyah bada pimudip ngan dog nguasa pinyiripong arap ngan adi dawŭ, di andu angān gibayuh puan Tapa.

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.