1 PETER 4:2 - Hakcipta - Biatah Bidayuh

² So madin meh, sitŭkŭd angān udip di ong ati, angān dŭh siŭn dŭh dog nguasa pinyiraan Tapa, dŭh pinyiraan manusia.

1 PETER 4:2 ပူးပေါင်းရင်းမြစ်များ

MAZMUR 143:10

Kaam inŭh Tapa ku; ngajar aku ndai pinyiraan Mai. Kana ngga aku, ka nyiruton aku di aran adi siramat.

HOSEA 6:7

“Pak kan ngara mbŭh mŭrŭt tarun tana Adam, ngara miranggar simanya adi Aku mbŭh ndai ngga ngara.

MATTHEW 12:50

Asi asi adi ndai pinyiraan Sama Ku adi di shorga inŭh jurud dari Ku, jurud dayung Ku, ka sindŭ Ku.”

MATTHEW 20:4

jadi ayŭh nang di ngara, ‘Angān gŭh matak di nyiraja di teya anggor ku, ka aku re bayar angān nanyam patut.’

MATTHEW 21:31

Aki ndi so ngara duwŭh adi ndai pinyibada sama-i?” “Adi pinuai,” ngara nam. Jadi Jesus nang di ngara, “Aku kidaan di angān: daya pinsuke ngga dayung sundar re kinyam Pinyipritah Tapa rabis diŭ so angān.

MATTHEW 7:21

“Dŭh sopŭrŭg daya adi bagan Aku ‘Tuhan, Tuhan’ re kinyam Pinyipritah Tapa, adŭ-i ngara adi ndai pinyiraan Sama Ku adi di shorga.

MARK 3:35

Asi asi adi ndai kayuh adi Tapa bada ayŭh ndai inŭh jurud dari Ku, jurud dayung Ku, sindŭ Ku.”

MARK 7:21

amai so tura ka darŭm, so atin daya, sopŭrŭg pikir-kira adi arap mandŭg, adi taban daya ndai pingandai adi dŭh tatu, mirupak, siŭ daya,

JOHN 1:13

Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

ROME 14:7

Ata dŭh udip yŭn adŭp ta adŭ, ka ata dŭh kabŭs yŭn adŭp ta adŭ.

ROME 6:11

Simŭnŭ gŭh angān patut kira adŭp ngan mbŭh kabŭs, kambŭi jeja ka dosa, pak mbŭh udip yŭn Tapa darŭm Kristus Jesus.

ROME 6:2

Manŭn dŭh! Ata mbŭh kabŭs yŭn dosa, ka simuki ata re babŭ udip darŭm dosa?

ROME 7:4

Simŭnŭ inŭh-i di angān, bara dingan ku. Kambŭi tura ka Ukum-adat, angān gŭh mbŭh kabŭs sabab angān mbŭh ndi so pŭrŭng Kristus; ka madin angān dog dapu-I adi mbŭh dog pakat so kabŭs siŭn ata bisa jadi biguna yŭn ndai kraja Tapa.

2 CORINTH 5:15

Ayŭh kabŭs yŭn sopŭrŭg, isa ngara adi udip dŭh tia udip yŭn adŭp ngara, pak yŭn Ayŭh adŭ adi kabŭs ka dog pakat udip bauh sitagar ngara.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

EPHESUS 4:17

Ngga adŭn Tuhan meh aku bakan angān: dŭhnyah tia udip mun daya adi dŭh puan Tapa, adi pikir kira-i au-tarun.

EPHESUS 5:17

Dŭhnyah budo, pak suba jiroh ani anŭ adi Tuhan raan angān ndai.

EPHESUS 6:6

Nurut pinganang ngara dŭh di tika ngara nyibatŭh angān adŭ, amai an kana di batŭh ngara; pak ngga siabo asŭng ngan ndai pinyiraan Tapa, nimun urun Kristus.

COLOSSAE 1:9

Sabab anŭ meh, kieh mbŭh siraru simayang yŭn ngan, so andu kieh dingah pasar angān. Kieh mite Tapa ngisi angān ngga pinyipuan pasar pinyiraan-I, ngga sopŭrŭg pinyibijak ngga pinyimirati adi Roh-I nggen.

COLOSSAE 3:3

Angān mbŭh kabŭs, ka pimudip ngan inŭh dog sukan ngga Kristus darŭm Tapa.

COLOSSAE 4:12

Tabi so Epaphras, urun Kristus Jesus, adi so tibaran ngan gŭh. Ayŭh siraru simayang yŭn ngan, mite Tapa nagap angān darŭm pinyabah ka bada angān sukup mirati darŭm aran pimudip Kristen, buang tŭtŭd ngga pinyiraan Tapa.

1 THESSALONICA 5:18

an ari biyŭn atin trima kaseh di tadŭ nga-i darŭm sopŭrŭg kayuh. Ati inŭh kayuh adi Tapa raan di angān darŭm angān udip ndi ngga Kristus Jesus.

JAMES 1:18

So ka pinyiraan adŭp-I Ayŭh mbŭh napa ata ngga pinganang-I adi sawŭ, isa ata bisa jadi numbor ndi di dupan sopŭrŭg adi-I ko napa.

1 PETER 1:14

Nundok di Tapa, ka dŭhnyah bada pimudip ngan dog nguasa pinyiripong arap ngan adi dawŭ, di andu angān gibayuh puan Tapa.

1 PETER 2:1

Ngapŭi meh, kadi adŭp ngan so sopŭrŭg arap; dŭhnyah tia kadong daya, nyibudo daya, sina di daya ka bakit daya.

1 JOHN 2:17

Ong ati samŭn sopŭrŭg kayuh adi agi dieh adi daya raru raan re miyap; pak daya adi ndai pinyiraan Tapa udip adu adu.