1 PETER 4:16 - Hakcipta - Biatah Bidayuh

¹⁶ Ka kambŭi angān sangsara sitagar angān daya Kristen, dŭhnyah mangŭh ngarun adŭp ngan, pak nggen trima kaseh di Tapa amai angān mbŭh pinunda Kristus.

1 PETER 4:16 ပူးပေါင်းရင်းမြစ်များ

ISAIAH 24:15

ka ngara adi tura ka timor re muji Ayŭh. Daya adi rŭŭ di arong bŭngŭn rawŭt re muji TUHAN, adi Tapa Israel.

ISAIAH 50:7

Pak pinganang ngamun so ngara dŭh bada aku kinaman sabab TUHAN Raja agi turung aku. Aku mbŭh nagap atin ku ka nyijŭn adŭ. Aku puan nang adŭp ku dŭh re dog pimangŭh,

ISAIAH 54:4

Dŭhnyah taru, kuu re dŭh dog pimangŭh dinge; kuu re dŭh dog ngamun. Kuu re kambŭt pimudip mu adi dŭh tŭtŭd di tika kuu babŭ mara, ka udip maput mu jadi dayung uban.

PINGANDAI 11:26

Kan-i mbŭh dapŭd ayŭh, ayŭh taban ayŭh ka Antioch. Ka agi ndi sawa ngara duwŭh bigaur ngga daya eklisia diginŭ buang ngajar bara daya bagŭ. Di Antioch inŭh bara daya adi sabah di Jesus piguru dog kadŭn Kristen.

PINGANDAI 26:28

Agrippa nang di Paul, “Rikas raru kuu raan bada aku jadi daya Kristen!”

PINGANDAI 28:22

Pak kieh raan dingah piminyu adŭp mu, amai di barang yŭn daya agi minyu kinarap tibaran mu anŭ.”

PINGANDAI 5:41

Darŭm bara pinyuruh bu so Kunsil, ngara mbŭh sanang asŭng, sabab mbŭh tibirang di sirung jawin Tapa kinyam mangŭh yŭn adŭn Jesus.

PHILIPPI 1:20

Kayuh adi ruai ku raan buang harap inŭh aku dŭh re ramah darŭm kraja ku, pak di barang tipuh-i, rabis-i madin, aku re biyŭn atin pagan, isa ngga pimudip ku ati aku bisa taban stabi ka Kristus, bait-i aku udip puan kah kabŭs.

PHILIPPI 1:29

Amai angān mbŭh dog nggen aran ngga bituan di Kristus, dŭh-i so ka pinyabah ngan di Ayŭh adŭ, pak so ka sangsara ngan sitagar Ayŭh.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

JAMES 2:7

Ngara inŭh adi ngamun adŭn adi kana anŭ adi mbŭh dog nggen di angān.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

1 PETER 4:14

Sanang inŭh angān kambŭi angān dog pimangŭh sitagar angān mbŭh pinunda Kristus; sirati-i, Roh adi bragah, anŭ inŭh Roh Kudus, agi ngga angān.

1 PETER 4:19

Ngapŭi meh ngara adi sangsara sabab-i mbŭh pinyiraan Tapa yŭn ngara, patut so ka pingandai kana nyerah adŭp ngara ka darŭm tangan Pinapa ngara, adi siraru ingat janji-I.