1 PETER 4:11 - Hakcipta - Biatah Bidayuh

¹¹ Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

1 PETER 4:11 ပူးပေါင်းရင်းမြစ်များ

MAZMUR 145:13

Pinyipritah Mai inŭh tan adu adu, ka Kaam inŭh raja ndŭg situi tui. TUHAN inŭh tŭtŭd ngga janji-I, ka darŭm sopŭrŭg pingandai-I ayŭh puno ngga masi.

ISAIAH 8:20

Angān dŭh siŭn dŭh nam ngara, “Dingah kayuh adi TUHAN ngajar di angān! Dŭhnyah dingah pinganang daya adi minyu ngga simangi daya adi mbŭh kabŭs. Kayuh adi ngara kidaan di angān dŭh dapŭd pijo pinyusah.”

JEREMIAH 23:22

Kambŭi ngara puan rusia pikir-kira Ku, ngara dapŭd piagah pinganang Ku di daya Ku ka dapŭd bada ngara pasan aran pimudip ngara adi arap ka ginaka.

DANIEL 4:3

“Munki masam bās-i pingandai saruh adi Tapa kiren di aku! Munki masam saruh-i pingandai-nginga adi-I ndai! Tapa inŭh raja ndŭg situi tui; Ayŭh re adu adu mritah.

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

JOHN 13:31

Kan Judas mbŭh ruah, Jesus nang, “Madin bragah Anak Manusia dog pinandŭng; madin Bragah Tapa dog pinandŭng so Ayŭh.

PINGANDAI 7:38

Moses ati inŭh adi agi ngga daya Israel tikuruk di tarun tana-pajam; ayŭh agi diginŭ ngga tayung-babuk ta ka ngga malaikat adi minyu ngga ayŭh di Darŭd Sinai; ka ayŭh mbŭh kambat pinganang adi nggen udip so Tapa yŭn sopŭrŭg ta.

ROME 11:36

Amai sopŭrŭg kayuh mbŭh-I napa, ka sopŭrŭg kayuh adi agi jadi so ka Ayŭh ka yŭn Ayŭh. Bragah ka Tapa ndŭg situi tui! Amen.

ROME 12:3

Ka sabab pinganggen-I adi sukup mandis di aku, aku nang di barang naan angān: Dŭhnyah nyikatuh adŭp ngan. Bada adŭp ngan sadang sadang di aran pikir-kira ngan, ka pirasa adŭp ngan nanyam ka pinyabah adi Tapa mbŭh nggen di angān.

ROME 16:27

Bragah ka Tapa, Ayŭh adi sadi adŭp-I Tapa ka adi sadi adŭp-I bijak. Bragah ka Ayŭh ndŭg situi tui sabab kayuh adi Jesus Kristus ko ndai! Amen.

ROME 3:2

Taŭn-i kana darŭm bagŭ yŭn-i! Sibungas-i Tapa nggen pinganang-I ka daya bangsa Jahudi.

1 CORINTH 10:31

Ani ani adi angān ndai, bait-i man puan kah nok, ndai-i yŭn bragah Tapa.

1 CORINTH 12:4

Agi bagŭ masam pinganggen roh, pak babŭ ndi Roh anŭ adi nggen-i.

1 CORINTH 3:10

Pakai pinganggen adi Tapa mbŭh nggen di aku, aku jadi tukang ramin adi raru pandai ka mbŭh na pinagap-rasan, ka daya bŭkŭn inŭh adi pijog ramin di tunduh-i. Pak barang naan angān an nakit, munki angān pijog ramin.

1 CORINTH 6:20

Tapa ko miris angān ngga rega bās. Jadi pakai meh pŭrŭng ngan ngga nyibragah Tapa.

2 CORINTH 2:17

Kieh dŭh mun daya bŭkŭn, bijaja ngga Agah Kana so Tapa ka bada-i mun kayuh adi dŭh brega; pak sabab Tapa mbŭh pait kieh, kieh minyu ngga atin tŭnggŭn di sirung jawin-I, nimun bara urun Kristus.

2 CORINTH 9:13

Ka sabab pingandai ngan anŭ mbŭh kiren angān sawŭ bidigŭng tagap di Agah Kana Kristus adi angān sabah, bagŭ daya re nggen bragah ka Tapa. Angān mbŭh tunda-i darŭm angān an samah kayuh ngan ngga bara daya Tapa samŭn daya bŭkŭn.

EPHESUS 1:19

ka munki masam bās inŭh meh kuasa-I adi turung ata adi sabah. Kuasa-I anŭ agi brinyam ngga kuasa bās anŭ

EPHESUS 4:29

Dŭhnyah pinganang adi pirusak ruah so baba ngan, pak pinganang adi biguna adi pijog buang adi nggen pinurung, isa kayuh adi angān nang taban pinyikana di ngara adi dingah.

EPHESUS 5:20

Ngga adŭn Tuhan ta Jesus Kristus, ari nggen trima kaseh di Tapa Sama yŭn sopŭrŭg kayuh.

EPHESUS 6:10

Sikasŭn-i, nagap adŭp ngan udip ndi ngga Tuhan ngga kuasa bās-I.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

PHILIPPI 2:11

ka sopŭrŭg re piagah Jesus Kristus Tuhan, yŭn bragah Tapa Sama.

COLOSSAE 4:6

Piminyu pinganang ngan patut mandis buang adi suka daya dingah, ka angān patut nggen pinyinam adi batur di daya.

1 THESSALONICA 2:4

Sibandar-i, kieh siraru minyu nanyam ka pinyiraan Tapa, sabab Ayŭh mbŭh puan kieh bisa dog sabah da piagah Agah Kana anŭ. Kieh dŭh suba an pimunos asŭng manusia, pak an pimunos asŭng Tapa, adi suba atin ami.

1 TIMOTHY 1:17

Di Raja adi udip adu adu ka adi dŭh bisa kabŭs buang adi dŭh tatŭng, Ayŭh adi ndi adŭ; di Ayŭh inŭh stabi ngga bragah ndŭg situi tui! Amen.

1 TIMOTHY 6:16

Ayŭh sadi adi udip adu adu; Ayŭh agi darŭm jawa adi mating daya tungang nyindŭk. Gi-mating daya tungang kiris Ayŭh. Di Ayŭh inŭh stabi ngga kuasa adi tan adu adu! Amen.

TITUS 2:1

Kuu dŭh siŭn dŭh ngajar kayuh adi birasŭk ngga ajar adi batur.

TITUS 2:15

Ngajar sopŭrŭg kayuh anŭ ka ngga sipuno kuasa mu ngatat ka nyibatur bara adi dingah kuu. Dŭhnyah bada daya dŭh bisaya di kuu.

HEBREW 13:7

Ingat bara pinguru ngan adi mbŭh, adi ko piagah agah Tapa di angān. Ingat munki ngara ko udip ka kabŭs, ka nanya meh pinyabah ngara.

HEBREW 5:12

Mbŭh sukup tipuh-i yŭn ngan jadi gurū, pak angān babŭ biguna di daya da ngajar angān sibungas ajar pasar agah Tapa. Sipatut-i angān man tubi, pak angān babŭ nok sisuh.

JAMES 1:19

Ingat ati, angān adi aku rindu! Barang naan dŭh siŭn dŭh an rikas dingah, pak sais minyu ka sais baji.

JAMES 1:26

Agi kah so angān adi nang adŭp-i puno darŭm adat? Kambŭi angān dŭh jaga jura ngan, adat ngan dŭh biguna ka angān mbŭh kadong adŭp ngan.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.

1 PETER 4:10

Barang naan angān mbŭh kambat ndi masam pinganggen so bagŭ masam pinganggen Tapa ngga turung dingan ngan. Pakai meh pinganggen anŭ ngga batur.

1 PETER 4:16

Ka kambŭi angān sangsara sitagar angān daya Kristen, dŭhnyah mangŭh ngarun adŭp ngan, pak nggen trima kaseh di Tapa amai angān mbŭh pinunda Kristus.

1 PETER 5:11

Ayŭh inŭh adi bikuasa ndŭg situi tui! Amen.