1 PETER 3:9 - Hakcipta - Biatah Bidayuh

⁹ Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 PETER 3:9 ပူးပေါင်းရင်းမြစ်များ

TIBIRIK 42:25

Joseph nggen ukum bada sopŭrŭg guni jurud-i dog ngisi ngga gandom, ka na pari duit barang naan ngara ka darŭm guni ngara, ka nggen inged ngara. Ripas anŭ ko dog ndai,

PITAS 17:13

Kambŭi kuu maras kana ngga arap, kuu re dŭh tungang kadi arap so ramin mu.

PITAS 20:22

Dŭhnyah kuu maras dendam. Sabah di TUHAN ka Ayŭh re turung kuu.

PITAS 28:10

Kambŭi kuu nyibudo daya adi kana bada ndai arap, kuu re rabu ka darŭm jarat adŭp mu. Daya adi dŭh sarah re dog ngupah.

MATTHEW 19:29

Ka barang naan daya adi tingge ramin arŭn puan kah jurud dari, puan kah jurud dayung, puan kah sama, puan kah sindŭ, puan kah anak, puan kah ŭmŭh sitagar Aku, re trima siratus rupet kayuh adi ko dog tingge, buang trima udip adi sawŭ adi tan adu adu.

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

MATTHEW 5:39

Pak madin Aku kidaan di angān: dŭhnyah maras dendam. Kambŭi daya napar angān di paŭp tura ka tauh, bada ayŭh napar gŭh angān di paŭp tura ka bait.

MATTHEW 5:44

Pak madin Aku kidaan di angān: rindu pinganyu ngan ka simayang yŭn ngara adi kisiis angān,

MARK 10:17

Darŭm Jesus mbŭh pijuu pimanu-I dinge, ndi naan daya bikaduh nyandat Ayŭh, sidikang di sirung jawin-I, ka nang, “Gurū adi kana, ani dŭh siŭn dŭh aku ndai ngga dapŭd udip adi sawŭ adi tan adu adu?”

LUKE 10:25

Ndi naan gurū Ukum-adat Jahudi mandŭg ka suba an kudog Jesus. “Gurū,” ayŭh nang, “Ani patut aku ndai ngga dapŭd udip adi sawŭ adi tan adu adu?”

LUKE 18:18

Ndi naan pinguru daya Jahudi siken Jesus, “Gurū adi kana, ani patut aku ndai ngga dapŭd udip adi sawŭ adi tan adu adu?”

ROME 12:14

Mite Tapa nyiberkat ngara adi kisiis angān; sawŭ, mite Tapa nyiberkat ngara ka dŭh mangu ngara.

ROME 12:17

Kambŭi agi daya ndai sarah di angān, dŭhnyah gŭh ndai sarah ngga maras ayŭh. Suba ndai kayuh adi sopŭrŭg daya puan nang kana.

ROME 8:28

Ata puan nang Tapa ngatur sopŭrŭg kayuh yŭn kana sopŭrŭg daya adi rindu Ayŭh, daya adi-I ko bagan nimun ka tujuan-I.

ROME 8:30

Ka ngara adi Tapa ko nyidŭrŭ, Ayŭh bagan; ka ngara adi-I bagan, Ayŭh bada bamai ngga adŭp-I, ka samah bragah-I ngga ngara.

GALATIA 3:14

Kristus ndai simŭnŭ siŭn so Ayŭh berkat adi Tapa ko bijanji an nggen di Abraham bisa gŭh dog nggen di bara daya adi dŭh bangsa Jahudi. Ka ata meh, so ka pinyabah ta di Tapa, bisa kambat Roh adi Tapa ko bijanji an nggen.

EPHESUS 4:32

Pak, mandis ngga dingan ngan, ka apun dingan ngan nimun Tapa so Kristus mbŭh apun angān.

1 THESSALONICA 5:15

Dŭhnyah angān maras arap ngga arap, pak isa-i barang naan angān gruwŭn ndai kana di dingan ngan ka di sopŭrŭg daya.

HEBREW 12:17

Ripas anŭ, angān puan, ayŭh raan kambat berkat nyama-i; pak ayŭh dŭh dog piduri, sabab ayŭh dŭh tungang marik kayuh adi ko-i ndai, sunggu-i ngga sien ayŭh suba.

HEBREW 6:14

Ayŭh nang, “Aku bijanji Aku re nyiberkat kuu ka nggen di kuu bagŭ sesang.”

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

1 SAMUEL 26:11

TUHAN kijaman aku siŭ daya adi-I mbŭh bada jadi raja! Ata tambit jarok ngga bŭrŭh piin-i adŭ ka bu”