1 PETER 3:5 - Hakcipta - Biatah Bidayuh

⁵ Amai jah-i, bara dayung adi nyambah Tapa, adi na pingarap-i di Tapa ari ngudat adŭp-i ngga atin nundok di banŭh.

1 PETER 3:5 ပူးပေါင်းရင်းမြစ်များ

PITAS 31:10

Dŭh sanang jiroh sawŭn adi kana! Ayŭh rabis brega so mas pirak!

PITAS 31:30

Pinyiramus jawin dŭh bisa dog sabah, pak dayung adi stabi di TUHAN patut dog muji.

JEREMIAH 49:11

Tingge anak tumang ngan ngga Aku, ka Aku re kingat ngara. Bara dayung uban ngan dapŭd bisangan di Aku.

PINGANDAI 1:14

Ngara awet tikuruk simayang, samŭn bara dayung ka Mary adi sindŭ Jesus ngga bara jurud dari-I.

PINGANDAI 9:36

Di Joppa agi ndi naan dayung dŭn Tabitha, adi sabah di Jesus. (Dŭn-i darŭm piminyu Greek inŭh Dorcas, rati “Peyu.”) Ayŭh taŭn dŭh masah ndai pingandai kana buang turung daya sirata.

EPHESUS 5:33

Pak-i pasar angān gŭh: barang naan angān adi dari dŭh siŭn dŭh rindu sawŭn ngan nimun angān rindu adŭp ngan, ka barang naan angān adi dayung dŭh siŭn dŭh stabi di banŭh ngan.

1 TIMOTHY 2:10

pak ndai pingandai kana, nimun patut dayung adi nang adŭp-i puno darŭm adat.

1 TIMOTHY 2:15

Pak dayung re dog nyiramat darŭm-i mira, kambŭi ayŭh bijijŭ darŭm pinyabah, pinyirindu ka darŭm pimudip kudus, ngga atin tŭkŭn.

1 TIMOTHY 5:10

Ayŭh patut dayung adi traŭn darŭm pingandai kana: dayung adi ko nakit nyiran bara anak-i, ko pisadang bara pinami, ko turung dingan-i adi samah Kristen, ko turung daya adi dog pinyusah, ka ko marar ndai kraja kana.

1 TIMOTHY 5:5

Dayung uban adi mbŭh rŭŭ sadi, dŭh biyŭn daya adi tukang jaga ayŭh, mbŭh na pingarap-i di Tapa buang adu adu simayang mite turung so Ayŭh sandu singarŭm.

HEBREW 11:11

Pinyabah inŭh adi bada Abraham tungang jadi sama, sunggu ayŭh mbŭh raru minyamba ka Sarah taŭn-i mbŭh aboh. Ayŭh taŭn sabah Tapa ingat janji-I.

1 PETER 1:3

Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

1 SAMUEL 2:1

Hannah bidua, “TUHAN mbŭh bada atin ku gaŭn; munki raru gaŭn aku amai kayuh adi Ayŭh mbŭh ndai! Aku tawŭh pinganyu ku; munki raru gaŭn atin ku amai Tapa mbŭh turung aku!