1 PETER 3:21 - Hakcipta - Biatah Bidayuh

²¹ adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

1 PETER 3:21 ပူးပေါင်းရင်းမြစ်များ

ZECHARIAH 13:1

“Kan tika anŭ mbŭh mandŭg,” nang TUHAN Bisa-pŭrŭg, “ndi sumbur piin re dog kuka ngga pibisig sesang sesang David ka daya Jerusalem so dosa ngara ngga pimudip ngara adi nyambah tibudo.

MATTHEW 28:19

Panu angān ka barang yŭn ka bada sopŭrŭg daya jadi murid Ku: baptisa ngara ngga adŭn Sama, Anak, ka Roh Kudus

MARK 16:16

Asi asi adi sabah ka dog baptisa re siramat; asi asi adi dŭh sabah re dog nunggu.

JOHN 13:9

Simon Peter nam, “Tuhan, dŭhnyah ngu kaja ku adŭ, garang! Ngu tangan ku ka ubak ku ani!”

PINGANDAI 16:33

Di jam anŭ gŭh, di ngarŭm anŭ, pingubak ramin jer anŭ taban ngara ka ndi yŭn ka sita tawan ngara; ka ayŭh ngga sopŭrŭg rawang-i rasu dog baptisa.

PINGANDAI 2:38

Peter nang di ngara, “Barang naan angān marik pimudip ngan pari ka Tapa, ka kambat baptisa meh ngga adŭn Jesus Kristus, isa dosa ngan bisa dog apun; ka angān re bisa kambat pinganggen Tapa, anŭ inŭh Roh Kudus.

PINGANDAI 22:16

Ka madin, ani meh kajŭn mu? Makat di baptisa, siŭn dosa mu dog musor darŭm kuu bidua ka Ayŭh.’

PINGANDAI 8:36

Darŭm ngara panu, ngara ndŭg ndi tarun adi yŭn agi piin ka daya anŭ nang, “Tingga, agi piin digiti! Ani re bisa bitan aku so dog baptisa?”

PINGANDAI 8:37

Philip nang di ayŭh, “Kuu bisa dog baptisa, kambŭi kuu sabah ngga siabo atin mu.” Daya anŭ nam, “Aku sabah Jesus Kristus Anak Tapa.”

ROME 5:14

Pak so jaman Adam ndŭg jaman Moses, pinyikabŭs nguasa sopŭrŭg bangsa manusia, samŭn ngara adi dŭh bidosa mun gaya Adam darŭm-i nyibireu pinganang Tapa. Adam inŭh suto sianŭ adi re mandŭg.

1 CORINTH 12:13

Simŭnŭ gŭh sopŭrŭg ta, bait-i ata daya Jahudi puan kah adi dŭh bangsa Jahudi, bait-i daya urun puan kah daya bebas, mbŭh dog baptisa Roh ndi anŭ ka darŭm ndi pŭrŭng anŭ. Tapa mbŭh nggen ndi Roh anŭ di ata da nok.

1 CORINTH 4:6

Sabab angān, bara dingan ku, aku mbŭh bada adŭp ku ngga Apollos jadi suto danding yŭn ngan, isa angān birajar ani rati ati, “Tunda atur adi mbŭh agi.” Angān dŭh siŭn mingangŭn pasar ndi naan daya ka ngamun adi bŭkŭn.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

2 CORINTH 7:1

Angān adi aku rindu, sopŭrŭg janji anŭ mbŭh dog ndai yŭn ta. Ngapŭi ata patut pibisig adŭp ta so sopŭrŭg kayuh adi kinais pŭrŭng ngga simangi, ka udip darŭm taru di Tapa, ka bada adŭp ta kudus.

GALATIA 3:27

Angān mbŭh dog baptisa ka darŭm Kristus, ka madin mbŭh dog kibarui, anŭ inŭh ngga pimudip adŭp Kristus.

EPHESUS 5:26

Ayŭh ndai simŭnŭ ngga bada eklisia jadi kudus ngga pinganang-I, ripas-I ko ngu-i da bisig di piin,

COLOSSAE 2:12

Amai kan angān dog baptisa, angān dog kubur ngga Kristus, ka darŭm baptisa angān gŭh dog pakat ngga Kristus so ka pinyabah ngan di kuasa kraja pingandai Tapa, adi pakat Ayŭh so kabŭs.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 6:12

Birumba darŭm rumba pinyabah, ka dapŭd upah yŭn adŭp mu, anŭ inŭh udip adi sawŭ adi tan adu adu; amai yŭn anŭ inŭh Tapa mbŭh bagan kuu darŭm kuu ngaku pinyabah mu di sirung jawin bara saksi.

HEBREW 10:22

Jadi ja meh ata di nyindŭk Tapa ngga atin tŭnggŭn ka ngga pinyabah adi sawŭ, ngga atin adi mbŭh dog pibisig so pikir-kira atin adi mbŭh kinyam sarah ka ngga pŭrŭng adi dog mamuh ngga piin bisig.

HEBREW 11:19

Abraham puan Tapa tungang pakat Isaac so kabŭs; ka bisa ata kadŭn, Abraham mbŭh keya ka kambat Isaac pari so kabŭs.

HEBREW 13:18

Adu adu simayang yŭn kieh. Kieh batur batur puan pikir-kira atin ami agi bisig, sabab kieh raan ari ndai kayuh adi batur.

HEBREW 9:14

Kambŭi daya dapŭd dog pibisig ngga adat anŭ, jung rabis deya adŭp Kristus dapŭd pibisig daya! So ka Roh adi udip adu adu Ayŭh jugan adŭp-I jadi sadis adi sukup kana ka Tapa. Deya-I re pibisig pikir-kira atin ta so pingandai adat adi dŭh biguna, isa ata bisa bituan di Tapa adi udip.

HEBREW 9:24

Amai Kristus mating-I mŭrŭt ka darŭm Yŭn Kudus adi dog ndai manusia, adi gambar anŭ adi sawŭ. Ayŭh di mŭrŭt shorga, di yŭn-I madin mijog ngarun ata di sirung jawin Tapa.

1 PETER 1:3

Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

1 PETER 3:16

Pak nam ngara ngga duduh ngga stabi. Bada pikir-kira atin ngan bisig, isa kan angān dog pimangŭh, ngara adi kinarap urah-rakah ngan adi kana adi tunda Kristus, re mangŭh ngarun kayuh adi adŭp ngara ko nang.