1 PETER 3:18 - Hakcipta - Biatah Bidayuh

¹⁸ Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 PETER 3:18 ပူးပေါင်းရင်းမြစ်များ

DANIEL 9:26

Ka di tibŭn tipuh anŭ pinguru adi Tapa mien re dog siŭ sunggu ayŭh dŭh sarah. Kupo ngga Ramin TUHAN re dog nyirubuh bara soldadu pimritah adi bikuasa. Pinŭbŭn anŭ re keya ka uba, taban perang ngga pinyirusag adi Tapa mbŭh sidia.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MATTHEW 27:19

Darŭm Pilate guru ngatur bisara, sawŭn-i pait pinganang ka ayŭh: “Dŭhnyah kuu sua ida ida di tunduh daya adi dŭh bidosa anŭ, sabab singumi aku agi nyipŭmŭh arap pasar Ayŭh.”

MATTHEW 27:24

Kan Pilate kinyam mating guna tia siken, ndong ka ndai pito adŭ, ayŭh tambit piin, ngu tangan-i di sirung jawin daya bagŭ, ka nang, “Aku dŭh dapu tanggong di pinyikabŭs daya ati! Ati pingandai adŭp ngan!”

JOHN 16:10

ngara mbŭh sarah di pinyipuan pasar kayuh adi batur, sabab Aku di ka Sama ka angān re dŭh tia kiris Aku;

PINGANDAI 22:14

Ayŭh nang, ‘Tapa tayung-babuk ta mbŭh mien kuu da puan pinyiraan-I, da kuu kiris Urun-I adi tŭnggŭn, ka da kuu dingah Ayŭh minyu ngga sirŭŭn adŭp-I.

PINGANDAI 3:14

Ayŭh adi kudus buang tŭnggŭn, angān abah trima, pak gŭt-i angān mite Pilate pirupas yŭn ngan sianŭ adi pinyiŭ.

ROME 1:4

pak so ka tibiat-I adi kudus, Ayŭh taŭn dog kiren ngga kuasa adi raru bās mbŭh Anak Tapa darŭm-I dog pakat so kabŭs.

ROME 4:25

Sabab dosa ta ayŭh dog nggen ukum kabŭs, ka dog pakat udip bauh siŭn ata dapŭd bamai ngga Tapa.

ROME 5:2

Ayŭh mbŭh taban ata so ka pinyabah da kinyam pinyirasi-mandis Tapa, di yŭn ata madin udip. Ngapŭi ata mingangŭn di pingarap ta adi re samah dapu bragah Tapa!

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

ROME 8:3

Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

2 CORINTH 1:24

Kieh dŭh an mritah angān jeja ka pinyabah ngan. Kieh puan angān tagap darŭm pinyabah ngan. Pak kieh nyiraja ngga angān yŭn sanang adŭp ngan.

2 CORINTH 13:4

Amai sunggu-i darŭm pinyiramah Ayŭh dog ukum kabŭs di atuh rigang, Ayŭh udip so kuasa Tapa. Darŭm udip ndi ngga Ayŭh kieh agi ramah gŭh; pak angān re kiris kieh udip so kuasa Tapa, nimun Kristus gŭh udip so kuasa Tapa.

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

GALATIA 1:4

Siŭn-I bisa pirupas ata so jaman adi arap ati, Kristus mbŭh nggen adŭp-I ngga ngarun dosa ta, nanyam pinyiraan Tapa adi Sama ta.

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

EPHESUS 3:12

Darŭm udip ndi ngga Kristus buang so ka pinyabah ta di Ayŭh ata pus di ka sirung jawin Tapa ngga sukup atin-sabah.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

HEBREW 10:10

Sabab Jesus Kristus ndai kayuh adi Tapa raan Ayŭh ndai, ata sopŭrŭg mbŭh dog pibisig so dosa da sadis pŭrŭng adŭp-I adi dog jugan ndi sidah yŭn adu adu.

HEBREW 9:14

Kambŭi daya dapŭd dog pibisig ngga adat anŭ, jung rabis deya adŭp Kristus dapŭd pibisig daya! So ka Roh adi udip adu adu Ayŭh jugan adŭp-I jadi sadis adi sukup kana ka Tapa. Deya-I re pibisig pikir-kira atin ta so pingandai adat adi dŭh biguna, isa ata bisa bituan di Tapa adi udip.

HEBREW 9:26

amai te gŭt rati-i Ayŭh mbŭh dŭh siŭn dŭh an siraru kinyam sangsara so sibungas ong dog napa. Sibandar-i, madin di tipuh sopŭrŭg jaman mbŭh sindŭk re mungan, Ayŭh mbŭh mandŭg ndi sidah yŭn adu adu, di nyadis adŭp-I yŭn taran dosa.

HEBREW 9:28

Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.

JAMES 5:6

Angān nunggu ka siŭ daya adi dŭh biyŭn sarah, pak ngara dŭh rawan angān.

1 PETER 3:19

ka darŭm roh Ayŭh di nyuse agah so Tapa di roh roh adi dog jer,

1 PETER 4:1

Amai Kristus ko jera-birasa darŭm pŭrŭng, angān gŭh dŭh siŭn dŭh an nyibake adŭp ngan ngga pinŭtŭn adi mun jangi; sabab daya adi sangsara darŭm pŭrŭng abah-i tia bidosa.

1 PETER 4:6

Anŭ inŭh meh sabab Agah Kana mbŭh dog nyuse gŭh di ngara adi mbŭh kabŭs, ngara adi mbŭh bisara mun daya bŭkŭn darŭm ngara babŭ udip di ong; Agah Kana dog nyuse di ngara isa darŭm roh ngara bisa udip ngga Tapa.

1 JOHN 1:9

Pak kambŭi ata ngaku dosa ta ka Tapa, Ayŭh re ingat janji-I ka ndai nanyam patut: Ayŭh re apun dosa ta ka pibisig ata so sopŭrŭg pingandai sarah ta.