1 PETER 3:17 - Hakcipta - Biatah Bidayuh

¹⁷ Amai kana dŭ inŭh nŭŭh sangsara sitagar pingandai kana, kambŭi-i pinyiraan Tapa, so nŭŭh ndai pingandai arap.

1 PETER 3:17 ပူးပေါင်းရင်းမြစ်များ

MATTHEW 26:39

Ayŭh panu mua juan-i, mŭŭb di tana, ka simayang, “Sama Ku, kambŭi bisa, kadi makuk jera-birasa ati so Aku! Sunggu mŭnŭ dŭhnyah nurut pinyiraan Ku, pak ndai adŭ pinyiraan Mai.”

MATTHEW 26:42

Jesus pari dinge di simayang, “Sama Ku, kambŭi makuk jera-birasa ati dŭh bisa dog kadi adŭ-i Aku nok-i, isa-i jadi nanyam pinyiraan Mai.”

PINGANDAI 18:21

pak nang di ngara darŭm-i bu, “Kambŭi-i pinyiraan Tapa, aku re pari ka angān.” Jadi ayŭh birayar so Ephesus.

PINGANDAI 21:14

Kieh dŭh tungang bitan ayŭh, ka kieh tandah buang nang, “Isa-i kayuh jadi nanyam pinyiraan Tuhan.”

1 PETER 1:6

Gaŭn meh pasar kayuh anŭ, sunggu-i madin ati angān taŭn patut susah dawŭ-i sabab bagŭ masam pisuba adi dog angān.

1 PETER 2:15

Amai Tapa raan angān pirŭŭ piminyu bawa daya adi budo ngga pingandai kana ngan.

1 PETER 2:20

Amai ani utung-i kambŭi angān nyijŭn pukong adi angān patut trima sitagar pingandai sarah? Pak kambŭi angān nyijŭn sangsara adi angān trima, pŭn-i pingandai ngan batur, Tapa re nyiberkat angān.

1 PETER 3:14

Pak sunggu angān patut kinyam sangsara bait kani sitagar pingandai kana ngan, Tapa re mandis ngga angān! Dŭhnyah taru tadŭ tadŭ daya, ka dŭhnyah susah.

1 PETER 4:15

Kambŭi angān sangsara, dŭhnyah-i sitagar angān daya pinyiŭ, puan kah pinaku, puan kah daya arap, puan kah sitagar angān mito kraja pingandai daya bŭkŭn.

1 PETER 4:19

Ngapŭi meh ngara adi sangsara sabab-i mbŭh pinyiraan Tapa yŭn ngara, patut so ka pingandai kana nyerah adŭp ngara ka darŭm tangan Pinapa ngara, adi siraru ingat janji-I.