1 PETER 3:11 - Hakcipta - Biatah Bidayuh

¹¹ Angān dŭh siŭn dŭh pasan pingandai arap ka ndai pingandai kana; angān dŭh siŭn dŭh an gruwŭn damai ngga siabo atin ngan.

1 PETER 3:11 ပူးပေါင်းရင်းမြစ်များ

JOB 1:1

Agi ndi naan daya dŭn Job, rŭŭ di tarun tana Uz, adi nyambah Tapa ka tŭtŭd di Ayŭh. Ayŭh daya adi kana, adi raru nakit ngga adŭp-i dŭh ndai kayuh arap.

JOB 2:3

“Agi kuu kiris urun Ku Job?” TUHAN siken. “Mating daya di ong re tŭtŭd buang kana mun ayŭh. Ayŭh nyambah Aku ka mbŭh nakit ngga adŭp-i dŭh re ndai kayuh arap. Kuu ngasu Aku bada nyibandar kuu nyerang ayŭh ngga dŭh biyŭn pada, pak Job taŭn-i babŭ tŭtŭd.”

JOB 28:28

Tapa nang di manusia, “An bijak, angān dŭh siŭn dŭh stabi di TUHAN. An mirati, angān dŭh siŭn dŭh taran kayuh arap.”

MAZMUR 125:4

TUHAN, ndai kana di ngara adi ndai kana, di ngara adi tunda pesan Mai.

MAZMUR 34:14

Pijo adŭp ngan so arap ka ndai kayuh kana; jiroh damai ngga sipuno atin ngan.

MAZMUR 37:27

Marik pimudip ngan so kayuh adi arap ka ndai kayuh kana, ka sesang ngan re ari udip di tarun tana ati;

PITAS 16:17

Ngara adi kana panu kadŭg aran adi jo so arap; ngapŭi ingat ani aran kadŭg mu, amai simŭnŭ kuu bisa siramat.

PITAS 16:6

Daya adi sawŭ rindu Tapa re dog apun dosa-i. Tunda pinganang TUHAN ka kayuh arap dŭh re dog kuu.

PITAS 3:7

Dŭhnyah kuu pikir adŭp mu bijak so adi sibatur-i kuu; tunda pinganang TUHAN ka pijo adŭp mu so pingandai sarah.

MATTHEW 5:45

isa angān bisa jadi bara anak Sama ngan adi di shorga. Amai Ayŭh adi bada batŭh andu nyekar di daya adi arap ngga daya adi kana, ka adi nggen ujen di ngara adi ndai kana ka di ngara adi ndai arap.

MATTHEW 5:9

Sanang inŭh ngara adi taban damai di dupan daya; Tapa re kadŭn ngara bara anak-I!

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

MARK 14:7

Angān re siraru biyŭn daya sirata ngga angān, ka di tadŭ nga-i angān raan, angān bisa turung ngara. Pak Aku dŭh re siraru agi ngga angān.

LUKE 1:79

Ayŭh nggen jawa-I di sopŭrŭg daya adi udip darŭm karŭm buang di ribo singangi pinyikabŭs, ka jaga kaja ta panu mŭrŭt aran damai.”

LUKE 6:35

Dŭh-i simŭnŭ! Rindu pinganyu ngan ka ndai kana di ngara; nginjam buang dŭhsah kira gati. Simŭnŭ, angān re biyŭn upah bās, buang re jadi anak Tapa adi Sambu Sopŭrŭg. Amai Ayŭh kana ngga daya adi dŭh rada budi, samŭn ngara adi ginaka.

LUKE 6:9

Ka Jesus nang di ngara, “Aku siken angān: Kayuh ani adi Ukum-adat ta bada ata ndai di andu Sabbath? Turung daya kah kandam daya? Nyiramat asŭng daya kah kinanyap asŭng daya?”

JOHN 17:15

Aku dŭh mite Kaam tambit ngara so ong, pak mite Kaam grindung ngara so Siarap.

ROME 12:18

Ngga situngang ngan udip bamai ngga sopŭrŭg daya.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 14:19

Ngapŭi meh, dŭh siŭn dŭh pinŭtŭn ta di kayuh adi taban damai ka adi nagap dingan.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 7:19

Aku dŭh ndai kayuh kana adi aku raan, pak ndai kayuh arap adi aku dŭh raan ndai.

ROME 7:21

Ukum-adat ati mbŭh kiren di aku nang kayuh agi matŭn aku ndai kayuh adi aku puan nang kana.

ROME 8:6

Dog nguasa tibiat manusia, pinŭbŭn-i inŭh pinyikabŭs; dog nguasa Roh Kudus, pinŭbŭn-i inŭh udip ngga damai.

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

GALATIA 6:10

Jadi meh, tiap kari ata biyŭn pluang, ata patut ndai kana di sopŭrŭg daya, ka rabis-i di ngara adi pinunda Tuhan.

COLOSSAE 3:15

Damai adi Kristus nggen inŭh ngga turung angān ndai pikir-kira ngan adi patut; amai nuju damai anŭ inŭh Tapa mbŭh bagan angān da tikuruk darŭm ndi pŭrŭng. Angān patut nggen trima kaseh.

1 TIMOTHY 6:18

Ngajar ngara da ndai kayuh kana, da jadi kaya darŭm kraja kana, da dŭh bidagis buang sidia an samah kayuh ngga daya bŭkŭn.

HEBREW 12:14

Gruwŭn adŭp ngan udip darŭm damai ngga sopŭrŭg daya, ka gruwŭn pimudip adi kudus; amai kambŭi dŭh simŭnŭ nŭŭh dŭh re tungang kiris Tuhan.

HEBREW 13:16

Dŭhnyah kambŭt ndai pingandai kana ka turung dingan ngan, sabab anŭ inŭh sadis adi pimunos asŭng Tapa.

JAMES 4:17

Jadi meh, kambŭi ata dŭh ndai kayuh kana adi ata puan ata patut ndai, ata taŭn mbŭh bidosa.

1 PETER 3:12

Amai Tuhan nguan daya adi tŭnggŭn buang dingah dua ngara; pak Ayŭh rawan daya adi ndai arap.”

3 JOHN 1:11

Dingan adi aku rindu, dŭhnyah nanya urah adi arap, pak nanya meh urah adi kana. Asi asi adi ndai kana mbŭh daya Tapa; asi asi adi ndai arap dŭh-i kiris Tapa.

AKIM 11:14

Jephthah pait bara pinyisung pari ka raja daya Ammon