1 PETER 2:9 - Hakcipta - Biatah Bidayuh

⁹ Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 PETER 2:9 ပူးပေါင်းရင်းမြစ်များ

MAZMUR 106:5

Bada aku kiris daya Mai mujur ka sua darŭm udip sanang bangsa Mai, darŭm gaŭn mingangŭn ngara adi tung jamai.

MAZMUR 118:27

TUHAN inŭh Tapa; Ayŭh kana ngga ata. Ngga daan daan kayuh di tangan ngan, piguru gawai ka baris maning mija-sambah.

MAZMUR 135:4

Ayŭh mien Jacob yŭn adŭp-I, daya Israel tah yŭn adŭp-I.

MAZMUR 22:30

Turap turap bauh re bituan di Ayŭh; ngara re minyu pasar TUHAN di turap bauh adi re.

MAZMUR 33:12

Sanang inŭh bangsa adi Tapa ngara inŭh TUHAN; sanang inŭh daya adi Ayŭh mbŭh mien jadi tung adŭp-I!

MAZMUR 73:15

Kambŭi aku agi nang sakanŭ, aku tatu dŭh re mun daya Mai.

ISAIAH 26:2

Kuka tiban tiban-bās kupo ka bada bangsa adi tŭtŭd mŭrŭt, daya-i adi ndai kayuh adi batur.

ISAIAH 41:8

“Pak angān, Israel adi urun Ku, Angān inŭh daya adi Aku mbŭh mien, adi bara sesang Abraham, jerā Ku.

ISAIAH 42:16

“Aku re nguru daya karak di aran adi bŭn ngara kadŭg. Aku re bada karŭm ngara jadi jawa ka pirata aran adi nyurok mugu yŭn ngara. Anŭ inŭh janji Ku, ka Aku re batur batur sita-i.

ISAIAH 44:1

TUHAN nang, “Dingah, Israel, adi urun Ku, daya adi Aku mien, sesang Jacob.

ISAIAH 61:6

Ka angān re dog puan jadi imam imam TUHAN, bara urun Tapa ta. Angān re kinyam pinyikaya bangsa bangsa ka re mingangŭn dapu pinyikaya anŭ.

ISAIAH 62:12

Angān re dog kadŭn “Daya adi Kudus”, “Daya adi Tapa mbŭh nyiramat”. Jerusalem re dog kadŭn “Kupo adi Tapa Rindu”, “Kupo adi Tapa dŭh tagan”.

ISAIAH 66:21

Aku re bada kada so ngara jadi imam ngga daya Levi.

ISAIAH 9:2

Daya adi panu darŭm karŭm mbŭh kiris jawa adi bās. Ngara udip di tarun tana singangi, pak madin jawa nyekar ngara.

MALACHI 3:17

“Ngara re jadi daya Ku,” nang TUHAN Bisa-pŭrŭg. “Di andu Aku makat ndai kayuh, ngara re jadi tung jaku. Aku re masi di ngara, nimun sama masi di anak adi bituan di adŭp-i.

MATTHEW 4:16

Daya adi udip darŭm karŭm re kiris jawa bās. Di ngara adi udip di rais adi dog kinarŭm pinyikabŭs jawa anŭ re nyekar.”

MATTHEW 5:16

Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.

LUKE 1:79

Ayŭh nggen jawa-I di sopŭrŭg daya adi udip darŭm karŭm buang di ribo singangi pinyikabŭs, ka jaga kaja ta panu mŭrŭt aran damai.”

JOHN 17:19

Yŭn kana ngara Aku jugan adŭp Ku yŭn bituan di Kaam, siŭn ngara gŭh bisa jugan adŭp-i yŭn bituan di Kaam.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

PINGANDAI 26:18

Kuu siŭn kuka batŭh ngara isa ngara pari so karŭm ka jawa, ka pari so kuasa Shetan di ka Tapa, isa ngara so ka pinyabah di Aku bisa dapŭd pingapun dosa samŭn pinyirŭŭ samah ngga bara daya adi Tapa mbŭh mien.’

PINGANDAI 26:28

Agrippa nang di Paul, “Rikas raru kuu raan bada aku jadi daya Kristen!”

ROME 9:24

Amai ata inŭh daya adi-I bagan, dŭh daya Jahudi adŭ, pak daya adi dŭh bangsa Jahudi ani.

1 CORINTH 3:17

Tapa re pirabur tadŭ daya adi pirabur tarun yŭn pinyirŭŭ Tapa. Amai yŭn pinyirŭŭ Tapa inŭh kudus, ka adŭp ngan inŭh yŭn pinyirŭŭ-I.

EPHESUS 1:14

Roh anŭ inŭh jamen ata bisa kambat kayuh adi Tapa ko bijanji an nggen di daya-I, ka simŭnŭ gŭh ata puan Tapa re nggen pinyirupas ngga sipuno-i di sinadan daya adi-I dapu. Ja ata muji bragah-I!

EPHESUS 1:6

Ja ata muji Tapa amai pinyirasi mandis-I adi bragah, amai pinganggen bās-I adi-I mbŭh nggen di ata darŭm Anak nyirot-I!

EPHESUS 3:21

bragah ka Tapa darŭm eklisia ngga darŭm Kristus Jesus madin ngga siraru ndŭg situi tui! Amen.

DITRONOMI 10:15

Pak pinyirindu TUHAN di tayung-babuk ngan taŭn raru tagap ndŭg ka Ayŭh mien dŭh daya bŭkŭn pak angān bada jadi daya-I, ka angān taŭn babŭ daya adi-I mbŭh mien.

DITRONOMI 14:2

Angān dog dapu TUHAN adi Tapa ngan; Ayŭh mbŭh mien angān bada jadi daya adŭp-I so dudu bangsa daya adi udip di ong.

DITRONOMI 18:2

Ngara dŭh siŭn sua dapu utung tana nimun tibaran-asar adi bŭkŭn. Tung ngara utung inŭh jadi imam TUHAN, nimun adi mbŭh TUHAN janji.

DITRONOMI 4:20

Pak angān inŭh daya adi Ayŭh mbŭh piruah so Egypt, buwang apui adi bijagu anŭ. Ayŭh taban angān ruah, yŭn bada angān jadi daya adŭp-I, mun angān madin.

DITRONOMI 7:6

Ndai anŭ amai angān dog dapu TUHAN adi Tapa ngan. So sopŭrŭg daya adi di ong ati Ayŭh mbŭh mien angān adŭ bada jadi daya tah yŭn adŭp-I.

PHILIPPI 3:14

Jadi aku bikaduh birumba an manang siŭn dapŭd upah anŭ, adi pinyibagan Tapa so ka Kristus Jesus nuju udip adi sawŭ adi tan adu adu.

COLOSSAE 1:13

Ayŭh nyiramat ata so kuasa karŭm ka taban ata darŭm siramat ka darŭm pinyipritah Anak-I adi-I rindu;

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

PINANDŬNG 1:6

ka bada ata jadi bara raja ka bituan di Tapa adi Sama-I nimun bara imam. Di Jesus Kristus bragah ngga kuasa ndŭg situi tui! Amen.

PINANDŬNG 20:6

Sanang ka raru biberkat inŭh ngara adi sua di sibungas pinyimakat so kabŭs anŭ. Pinyikabŭs adi numbor duwŭh dŭh biyŭn kuasa di tunduh ngara; ngara re jadi imam Tapa ngga Kristus, ka re mritah ngga Ayŭh sitian siribu sawa.

PINANDŬNG 5:10

Kaam mbŭh bada ngara jadi raja adi bituan di Tapa nimun bara imam, ka ngara re mritah di ong.”

1 SAMUEL 12:22

TUHAN mbŭh bipayu, ka Ayŭh dŭh re tagan angān, amai Ayŭh mbŭh natu re bada angān jadi daya-I.