24 Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.
Aaron an pakai-i di arŭ-i, isa Aku, adi TUHAN, bisa trima sopŭrŭg pinganggen adi daya Israel nitah ka Aku, sunggu-i ngara bo agi adi ndai sarah darŭm jugan-i ka Aku.
Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.
“Sopŭrŭg imam siŭn sita atur atur-adat adi Aku muko nggen; amai kambŭi dŭh, ngara sarah ka re kabŭs, sabab ngara nyibireu atur-adat kudus. Aku ati TUHAN, ka Aku adi bada ngara kudus.
Pak yŭn angān adi nundok di Aku, kuasa Ku adi nyiramat angān re makat keya ka batŭh andu, ka kuasa Ku anŭ re nggen pinyibua keya ka jawa batŭh andu. Angān re dog pirupas ka gaŭn keya ka anak sapi dog piruah so kandang.
Aku kidaan di angān meh garang, nang angān re tungang kinyam Pinyipritah Tapa adŭ-i kambŭi angān rabis tŭtŭd so bara gurū Ukum-adat Jahudi ka bara daya Pharisee darŭm angān ndai pinyiraan Tapa.
Pilate raan pimunos asŭng bara daya, ayŭh pirupas Barabbas yŭn ngara. Komŭnŭ ayŭh bada daya madŭs Jesus, ka nggen Ayŭh di bara soldadu yŭn masak di rigang.
“Roh Tuhan agi ngga Aku, sabab Ayŭh mbŭh mien Aku da taban agah kana ka daya sirata. Ayŭh mbŭh pait Aku da piagah pinyirupas di daya-takap, pinyibua di daya adi karak, ka pinyirupas di daya adi dog kinanyuh,
Kieh ati mbŭh bara saksi yŭn sopŭrŭg kayuh adi-I mbŭh ndai di tarun tana Israel ka di Jerusalem. Komŭnŭ ngara nggen di Ayŭh ukum kabŭs, masak Ayŭh di atuh rigang.
Dŭh gŭh angān siŭn bada tadŭ sakap pŭrŭng ngan bidosa ngga ndai tadŭ mun pingandai ginaka. Pak, nggen adŭp ngan di Tapa, nimun daya adi mbŭh dog pakat so kabŭs, ka nyerah abo abo adŭp ngan di Ayŭh yŭn pingandai tŭnggŭn.
Tatu angān puan nang kambŭi angān bituan di daya, angān mbŭh jadi urun-i; kambŭi angān bituan di dosa, angān mbŭh urun-i ka angān re kabŭs; kambŭi angān bituan di Tapa, angān re bamai ngga Tapa.
Pak madin angān mbŭh dog pirupas so dosa ka mbŭh jadi urun Tapa. Utung ngan inŭh pimudip adi dog jugan ka Tapa, ka pinŭbŭn-i inŭh udip adi sawŭ adi tan adu adu.
Madin ata mbŭh rupas so Ukum-adat, sabab ata mbŭh kabŭs yŭn kayuh adi ko nguasa ata. Ata mbŭh dŭh tia bituan pakai aran adi amba, anŭ inŭh aran ukum-adat adi dog nuris, pak pakai aran adi bauh so Roh Kudus.
Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”
Angān mbŭh kabŭs ngga Kristus ka mbŭh dog pirupas so roh roh adi nguasa rangit ngga ong. Mani meh garang angān udip mun daya adi tung ong ati? Mani angān tunda atur, mun
Sabab Jesus Kristus ndai kayuh adi Tapa raan Ayŭh ndai, ata sopŭrŭg mbŭh dog pibisig so dosa da sadis pŭrŭng adŭp-I adi dog jugan ndi sidah yŭn adu adu.
Jesus meh, Imam Bās adi ata biguna. Ayŭh kudus; Ayŭh dŭh biyŭn sarah puan kah dosa; Ayŭh mbŭh dog nyidŭrŭ so bara adi bidosa ka mbŭh dog paad ka yŭn adi rabis bigatung so rangit.
Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.
Jadi meh, ngaku sarah ngan di dingan ngan buang simayang yŭn dingan ngan, isa angān dapŭd bua. Dua daya adi ndai pinyiraan Tapa biyŭn kuasa buang ngasi.
ka aman di yun aran raya di kupo. Di so-duwŭh parad sungi anŭ agi tŭngŭn kayuh adi nggen udip, adi buān simŭng-duwŭh kari darŭm ndi sawa, anŭ inŭh ndi buran ndi sidah. Dawŭn-i bisa dog pakai ngga pibua barang bangsa.