1 PETER 2:16 - Hakcipta - Biatah Bidayuh

¹⁶ Udip mun daya adi mbŭh dog pirupas; pak dŭhnyah pakai pimudip ngan anŭ ndu aran yŭn barang masam arap, pak udip nimun urun Tapa.

1 PETER 2:16 ပူးပေါင်းရင်းမြစ်များ

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

JOHN 15:22

Ngara dŭh rada adŭp-i bidosa kambŭi Aku dŭh mandŭg ka kidaan di ngara. Ka madin meh, mating aran ngara re nang adŭp-i dŭh bidosa.

ROME 6:18

Angān mbŭh dŭh tia urun dosa ka mbŭh jadi urun pinŭnggŭn.

ROME 6:22

Pak madin angān mbŭh dog pirupas so dosa ka mbŭh jadi urun Tapa. Utung ngan inŭh pimudip adi dog jugan ka Tapa, ka pinŭbŭn-i inŭh udip adi sawŭ adi tan adu adu.

1 CORINTH 7:22

Amai daya urun adi mbŭh dog bagan Tuhan inŭh daya Tuhan adi mbŭh dog pirupas; simŭnŭ gŭh daya adi dŭh urun adi dog bagan Kristus mbŭh jadi urun Kristus.

GALATIA 5:1

Kristus mbŭh nggen di ata pinyirupas. Mijog tagap meh ka dŭhnyah tandah adŭp ngan jadi urun dinge.

GALATIA 5:13

Mun angān, bara dingan ku, mbŭh dog bagan da jadi daya bebas. Pak dŭhnyah bada-i jadi aran yŭn pinyiripong pŭrŭng nguasa angān. Bada-i jadi aran yŭn ngan turung dingan ngan ngga pinyirindu.

EPHESUS 6:6

Nurut pinganang ngara dŭh di tika ngara nyibatŭh angān adŭ, amai an kana di batŭh ngara; pak ngga siabo asŭng ngan ndai pinyiraan Tapa, nimun urun Kristus.

COLOSSAE 3:24

Ingat nŭh, Tuhan re ngupah angān ngga kayuh adi-I mbŭh sidia yŭn daya adi-I dapu. Amai Kristus inŭh Tuhan adi yŭn ngan sawŭ bituan.

1 THESSALONICA 2:5

Angān puan kieh dŭh mandŭg ka yŭn ngan taban piminyu adi muji, dŭh gŭh ngga pinŭtŭn an dapŭd utung so angān. Tapa inŭh saksi ami!

JAMES 1:25

Pak kambŭi angān nakit tingga ukum-adat adi sukup kana adi pirupas daya, ka nakit pirati-i ka dŭh dingah adŭ ka rasu kambŭt, pak ndai-i; mun anŭ angān re dog nyiberkat Tapa darŭm kraja pingandai ngan.

JAMES 2:12

Minyu ka ndai kraja nimun daya adi re dog bisara pakai ukum-adat adi re pirupas ata.

2 PETER 2:19

Ngara bijanji an nggen pinyirupas di ngara pak adŭp-i urun pimudip adi sipŭ; amai sawŭ, ata taŭn urun tadŭ kayuh adi mbŭh ngarah ata.

JUDE 1:4

Amai agi kada daya adi dŭh stabi di Tapa, dŭh ata rada, mbŭh mŭrŭt ka darŭm tibaran ta. Ngara nikok marik agah pasar pinyirasi-mandis Tapa ta ngga-i nyibandar pimudip-i adi dŭh tatu darŭm pingandai kais, ka tirawan Jesus Kristus, adi Tuan ka Tuhan ta adi ndi adŭ. Ndun jah Surat-kudus ko ninjau ukum adi ngara mbŭh trima.