1 PETER 1:7 - Hakcipta - Biatah Bidayuh

⁷ Tujuan-i inŭh ngga tingga batur kah dŭh pinyabah ngan anŭ. Mas bina, adi bisa dog pirusak babŭ gŭh dog suba ngga apui; ngapŭi pinyabah ngan, adi brega dŭ so mas, dŭh siŭn dŭh gŭh dog suba, isa-i jadi tan. Komŭnŭ angān re trima puji ngga bragah ka stabi di Andu anŭ kan Jesus Kristus dog pinandŭng.

1 PETER 1:7 ပူးပေါင်းရင်းမြစ်များ

JOB 23:10

Pak Tapa puan kayuh adi ndai ku; kambŭi Ayŭh suba aku, Ayŭh re dapŭd aku bisig keya ka mas.

JOB 28:1

Agi tarun yŭn pirak dog kareh; agi tarun yŭn mas dog pibisig.

MAZMUR 17:3

Kaam puan atin ku. Kaam mbŭh mandŭg ka yŭn ku singarŭm; Kaam muko nakit piruh aku ka dapŭd mating pinyiraan adi arap darŭm aku.

PITAS 16:16

Jo kana-i, nŭŭh biyŭn pinyibijak ngga pinyipuan so nŭŭh biyŭn mas ngga pirak.

PITAS 17:3

Mas ngga pirak dog suba ngga apui, ka atin daya dog suba TUHAN.

PITAS 8:19

Kayuh adi angān dapŭd so aku inŭh kana dŭ so mas adi siabo brega, kana dŭ so tigŭrŭ mas.

EKLISIASTIS 5:14

ka komŭnŭ kinanyap sopŭrŭg-i darŭm kraja pingandai ngga nasip arap, ndŭg ka mating dŭm re-i nggen di anak-i.

ISAIAH 48:10

Aku mbŭh suba angān ngga apui sangsara, mun pirak dog suba ngga apui. Pak Aku mbŭh dapŭd angān dŭh biguna.

JEREMIAH 48:36

“Jadi atin Ku ngurid daya Moab ngga daya Kir Heres, mun daya main ragu nyikubur ngga tirari, sabab sopŭrŭg kayuh adi ngara dapu mbŭh mating tia.

JEREMIAH 9:7

Sabab anŭ TUHAN Bisa-pŭrŭg nang, “Aku re pibisig daya Ku mun tukang basi pibisig basi, siŭn ngara jadi bisig. Daya Ku mbŭh ndai arap, re simuki dinge Aku ngga ngara?

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MALACHI 3:3

Ayŭh re mandŭg di bisara daya, mun daya pibisig ka pijarŭh pirak. Nimun tukang basi pibisig pirak ngga mas, simŭnŭ inŭh pinyisung TUHAN re pibisig bara imam, isa ngara taban ka TUHAN sadis adi batur.

PINYIKIANG 5:28

Pak kambŭi ayŭh dŭh sarah, ayŭh dŭh re sangsara ka re tungang mira biranak.

MATTHEW 19:28

Jesus nang di ngara, “Sabah meh, kan Anak Manusia guru di takta-I adi bragah darŭm Ong Bauh Tapa, angān adi simŭng-duwŭh naan pinunda Ku re guru gŭh di takta, mritah simŭng-duwŭh tibaran-asar Israel.

MATTHEW 25:21

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

MATTHEW 25:23

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

LUKE 17:30

Simŭnŭ inŭh kayuh re di andu Anak Manusia dog pinandŭng.

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 5:44

Angān suka kambat puji so dingan ngan, pak angān bŭn suba jiroh puji so sianŭ adi sadi-I Tapa; simuki meh garang angān re tungang sabah Aku?

PINGANDAI 8:20

Pak Peter nam, “Kuu ngga duit mu di ka apui neraka, amai kuu pikir kuu bisa miris pinganggen Tapa ngga duit!

ROME 2:10

Pak Tapa re nggen bragah, stabi, ka damai di sopŭrŭg adi ndai kayuh adi kana, diŭ di daya Jahudi, komŭnŭ di daya adi dŭh bangsa Jahudi.

ROME 2:29

Sibandar-i, daya Jahudi adi sawŭ inŭh daya Jahudi adi tura ka darŭm, adi mbŭh bisunat di atin-i, ka anŭ inŭh pingandai Roh Tapa, dŭh pingandai Ukum-adat adi dog nuris. Daya adi mun anŭ trima puji so Tapa, dŭh so manusia.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

ROME 8:19

Sopŭrŭg kayuh adi ko dog napa mbŭh graŭh kajŭn Tapa kiren asi bara anak-I.

1 CORINTH 3:13

Ka pinyikana kraja pingandai barang naan daya re dog kiris kan Andu Kristus kiren-i. Amai di Andu anŭ apui re pinandŭng kraja pingandai barang naan daya; apui anŭ re suba-i ka kiren munki pinyikana-i.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

1 PETER 1:13

Sabab anŭ meh, angān patut sidia. Bijaga buang na puno pingarap ngan di berkat anŭ adi re dog nggen di angān di andu Jesus Kristus dog pinandŭng.

1 PETER 1:5

Berkat anŭ mbŭh yŭn ngan, angān adi so ka pinyabah mbŭh pagŭng dog jaga Tapa ngga kuasa-I yŭn pinyiramat anŭ adi mbŭh dog sidia re dog pinandŭng di andu sikasŭn.

1 PETER 2:4

Mandŭg meh ka Tuhan, batuh udip adi dog taran daya amai dog nyirundeng dŭh biguna, pak dog mien Tapa amai-i brega.

1 PETER 2:7

Batuh ati inŭh raru brega di angān adi sabah; pak di ngara adi dŭh sabah: “Batuh adi tukang ramin taran mbŭh jadi anŭ adi siabo biguna.”

1 PETER 4:12

Angān adi aku rindu, dŭhnyah gŭgŭh di pisuba adi mandam anŭ adi angān kinyam, mun ani kayuh saruh mbŭh jadi di angān.

1 PETER 4:13

Pak gaŭn meh angān amai angān mbŭh sua kinyam jera-birasa Kristus, isa angān bisa jadi rabis gaŭn kan bragah-I dog pinandŭng.

1 PETER 5:1

Aku, adi adŭp nyamba eklisia, mite bara nyamba eklisia di dupan ngan puan. Aku ati saksi jera-birasa Kristus, ka aku re sua dapu bragah adi re dog pinandŭng. Aku mite angān

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

2 PETER 1:4

Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

2 PETER 3:14

Ngapŭi meh, bara dingan ku, darŭm angān kajŭn Andu anŭ, ngga sibisa bisa ngan bada adŭp ngan bisig ka dŭh biyŭn takar sarah di sirung jawin Tapa ka udip bamai ngga Ayŭh.

JUDE 1:24

Jugan puji ka Tapa adi Pinyikudip ta sabab Tuhan ta Jesus Kristus! Tapa sadi adŭ adi tungang kingat angān isa angān dŭh rabu, ka bada angān bisig ka gaŭn di sirung jawin bragah-I. So jah diŭ so sopŭrŭg kayuh jadi, madin ka ndŭg situi tui, ka Tapa inŭh bragah, stabi, bisa-pŭrŭg, ngga kuasa. Amen

PINANDŬNG 1:7

Tingga, Ayŭh mandŭg di tunduh abun! Sopŭrŭg daya re kiris Ayŭh, samŭn ngara adi ko siŭ Ayŭh. Sopŭrŭg daya di ong re muās Ayŭh. Isa-i jadi simŭnŭ!

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.

PINANDŬNG 3:18

Sabab anŭ Aku pitayan kuu, miris mas so Aku, tigŭrŭ mas, ngga mu jadi kaya. Miris gŭh piraka buda ngga kibarui adŭp mu ka nutu adŭp mu adi sitagor. Miris gŭh inyo ngga nginyo batŭh mu, isa kuu bisa kiris tarun.

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.