1 PETER 1:4 - Hakcipta - Biatah Bidayuh

⁴ Ngapŭi ata harap adŭp ta re dapu berkat bās anŭ adi Tapa mbŭh sidia yŭn daya-I. Ayŭh nyikŭn-i di shorga yŭn ngan, di yŭn-i dŭh bisa madam, rusak, puan kah asab.

1 PETER 1:4 ပူးပေါင်းရင်းမြစ်များ

MAZMUR 31:19

Munki masam bās-i kayuh kana adi nyikŭn Mai yŭn ngara adi stabi di Kaam! Barang naan puan munki masam kana-i Kaam, munki masam siramat-i ngara adi Kaam grindung adi sabah di Kaam.

MAZMUR 47:4

Ayŭh mien tarun tana yŭn ata rŭŭ, ndu bisaka bās daya-I, adi-I rindu.

ISAIAH 66:22

“Nimun ong bauh ngga rangit bauh re tan tui amai kuasa Ku, simŭnŭ gŭh sesang ngan ngga dŭn ngan re tan tui.

EZEKIEL 47:12

Di soduwŭh tabing anak sungi anŭ bagŭ masam tŭngŭn kayuh adi bisa buān re timbu. Dawŭn-i re dŭh rayu, ka-i re dŭh rŭŭ buān. Tŭngŭn tŭngŭn anŭ re biyŭn buwa bauh barang buran, sabab-i dog misa piin so anak sungi adi aman so Ramin TUHAN. Buwa buwa tŭngŭn kayuh anŭ re jadi pinguman, ka dawŭn dawŭn-i re dog pakai ngga pibua daya.”

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

MARK 10:17

Darŭm Jesus mbŭh pijuu pimanu-I dinge, ndi naan daya bikaduh nyandat Ayŭh, sidikang di sirung jawin-I, ka nang, “Gurū adi kana, ani dŭh siŭn dŭh aku ndai ngga dapŭd udip adi sawŭ adi tan adu adu?”

PINGANDAI 20:32

“Ka madin aku nyerah angān ka darŭm pinyigrindung Tapa; agah pasar pinyirasi mandis-I gŭh re jaga angān, adi tungang pijog angān ka nggen di angān berkat Tapa adi yŭn sopŭrŭg daya.

PINGANDAI 26:18

Kuu siŭn kuka batŭh ngara isa ngara pari so karŭm ka jawa, ka pari so kuasa Shetan di ka Tapa, isa ngara so ka pinyabah di Aku bisa dapŭd pingapun dosa samŭn pinyirŭŭ samah ngga bara daya adi Tapa mbŭh mien.’

ROME 8:17

Amai ata bara anak-I, ata re dapu berkat adi-I sidia yŭn daya-I, ka ata re dapu gŭh ngga Kristus kayuh adi Tapa mbŭh sidia yŭn-I; amai kambŭi ata sua dapu jera-birasa Kristus, ata gŭh re sua dapu bragah-I.

1 CORINTH 9:25

Barang naan daya adi tukang birumba, darŭm pirates adŭp-i, taŭn-i an biyŭn sukup disiplin. Ayŭh ndai simŭnŭ siŭn-i dapŭd upah manang birumba, sunggu upah anŭ dŭh tan tui. Ata mun anŭ gŭh, an biyŭn sukup disiplin siŭn ata dapŭd upah manang birumba anŭ adi tan adu adu.

GALATIA 3:18

Amai kambŭi pinganggen Tapa bisangan di Ukum-adat, pinganggen anŭ dŭh bisa bisangan di janji-I. Sitagar janji-I Tapa mbŭh nggen pinganggen anŭ di Abraham.

EPHESUS 1:11

Sopŭrŭg-i re dog ndai nanyam ka atur-pinyiraan Tapa. Nunda ka tujuan-I adi ko-I natu so sibungas-i, Tapa mbŭh mien ata da jadi daya adi tung adŭp-I darŭm udip ndi ngga Kristus.

EPHESUS 1:14

Roh anŭ inŭh jamen ata bisa kambat kayuh adi Tapa ko bijanji an nggen di daya-I, ka simŭnŭ gŭh ata puan Tapa re nggen pinyirupas ngga sipuno-i di sinadan daya adi-I dapu. Ja ata muji bragah-I!

EPHESUS 1:18

Aku mite pikir ngan tikuka yŭn kiris jawa-I, isa angān adi-I mbŭh mien puan ani anŭ adi angān harap, munki masam grua berkat adi-I mbŭh bijanji an nggen di daya-I,

COLOSSAE 1:5

Kan agah adi sawŭ, anŭ inŭh Agah Kana, dog taban ka angān di sibungas-i, angān dingah pasar pingarap adi-i taban. Jadi pinyabah ngga pinyirindu ngan inŭh bisangan di kayuh adi angān harap, adi mbŭh pagŭng dog nyikŭn yŭn ngan di shorga.

COLOSSAE 3:24

Ingat nŭh, Tuhan re ngupah angān ngga kayuh adi-I mbŭh sidia yŭn daya adi-I dapu. Amai Kristus inŭh Tuhan adi yŭn ngan sawŭ bituan.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

HEBREW 10:34

Angān mbŭh samah kinyam pinyusah daya-takap, ka kan sopŭrŭg rata ngan dog sirapas, angān nyijŭn ngga sanang asŭng, sabab angān puan nang adŭp ngan babŭ biyŭn anŭ adi kana dŭ, adi tan adu adu.

HEBREW 9:15

Amai sabab anŭ, Kristus inŭh sianŭ adi ngatur simanya bauh, isa ngara adi dog bagan Tapa bisa kambat berkat adi tan adu adu adi Tapa ko bijanji an nggen. Kayuh anŭ bisa jadi sabab mbŭh agi pinyikabŭs adi pirupas daya so sarah adi ngara ndai sitadŭn simanya amba dog pakai.

JAMES 1:11

Batŭh andu nusak ka ngga sura-i adi bisā pirayu bunga anŭ; rarak-i rabu, ka ramus-i asab. Simŭnŭ gŭh daya kaya re dog pirusak darŭm ngara ndai kraja ngara.

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.