1 PETER 1:3 - Hakcipta - Biatah Bidayuh

³ Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

1 PETER 1:3 ပူးပေါင်းရင်းမြစ်များ

1 RAJA 8:15

Ayŭh nang, “Puji ka TUHAN adi Tapa Israel! Ayŭh mbŭh ingat janji adi-I ndai ngga sama ku David, kan-I nang,

1 KRONIKEL 29:20

Komŭnŭ David mritah bara daya, “Muji TUHAN adi Tapa ngan!” Ka sopŭrŭg daya muji TUHAN, adi Tapa tayung-babuk ngara, ka ngara mutu rapat ubak ngara nggen stabi di TUHAN ka simŭnŭ gŭh di raja.

2 KRONIKEL 31:8

Kan Raja Hezekiah ngga bara pinurung-i kiris munki masam bagŭ kayuh adi mbŭh dog nggen, ngara muji TUHAN ka muji daya-I Israel.

MAZMUR 41:13

Puji ka TUHAN, adi Tapa Israel! Muji Ayŭh madin ka ndŭg situi tui! Amen! Amen!

MAZMUR 86:15

Pak Kaam, O TUHAN, inŭh Tapa adi masi buang pinyirindu, siraru sabar, siraru mandis ka tŭtŭd.

MAZMUR 86:5

Kaam kana ngga kieh buang an apun kieh, puno ngga pinyirindu adi dŭh bisa birubah di sopŭrŭg daya adi bidua ka Kaam.

PINYIRUAH 34:6

TUHAN murah sirung jawin Moses ka nang, “Aku adi TUHAN, ka Aku kiren pinyirindu ngga pinyirasi ka dŭh udah tuas, ka adi kiren pinyirindu bās ngga pinyitŭtŭd.

ISAIAH 26:19

Daya Mai adi mbŭh kabŭs re pari udip dinge! Tadang ngara re makat udip dinge. Sopŭrŭg ngara adi bŭŭs darŭm kubur re burah ka biragu ngga gaŭn. Nimun kirib sipot-abun adi misa tana, simŭnŭ gŭh TUHAN re pakat ngara adi mbŭh tui kabŭs.

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

JOHN 1:13

Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

ROME 12:12

Bada pingarap ngan taban pinyigaŭn. Sabar di tika angān dog pinyusah ka ari simayang.

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

ROME 4:25

Sabab dosa ta ayŭh dog nggen ukum kabŭs, ka dog pakat udip bauh siŭn ata dapŭd bamai ngga Tapa.

ROME 5:10

Ata ko jadi pinganyu Tapa, pak Ayŭh mbŭh ndai ata da jadi dingan-I so ka pinyikabŭs Anak-I. Amai madin ata mbŭh dingan Tapa, jung rabis-i meh ata re dog nyiramat amai Jesus ko kabŭs yŭn ta!

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

ROME 8:24

Amai so ka pingarap inŭh ata dog nyiramat; pak kambŭi ata kiris kayuh adi ata harap, kayuh anŭ dŭh-i sawŭ pingarap. Amai asi so ata harap kayuh adi ata tungang kiris?

1 CORINTH 13:13

Jadi meh taruh ati babŭ: pinyabah, pingarap, ka pinyirindu; ka adi rabis bās inŭh pinyirindu.

1 CORINTH 15:20

Pak Kristus taŭn sawŭ dog pakat so kabŭs, jadi jamen ngara adi mbŭh kabŭs re sawŭ dog pakat gŭh.

2 CORINTH 1:3

Ja ata nggen trima kaseh di Tapa, Sama adi raru masi, adi Sama Tuhan ta Jesus Kristus, Tapa adi so sopŭrŭg pinurung mandŭg!

GALATIA 6:16

Mun ngara adi tunda atur anŭ di pimudip ngara, isa-i damai ngga masi Tapa agi ngga ngara samŭn sopŭrŭg daya adi Tapa mbŭh mien!

EPHESUS 1:17

buang mite Tapa Tuhan ta Jesus Kristus, Sama adi bragah, nggen di angān Roh Kudus adi re bada angān bijak buang pinandŭng Tapa di angān, isa angān bisa puan Ayŭh.

EPHESUS 1:3

Ata nggen trima kaseh di Tapa adi Sama Tuhan ta Jesus Kristus! Amai darŭm ata udip ndi ngga Kristus Ayŭh mbŭh nyiberkat ata ngga sopŭrŭg berkat roh so shorga.

EPHESUS 1:7

Amai so ka pinyikabŭs Kristus adi sadis ata mbŭh dog pirupas, anŭ inŭh, dosa ta mbŭh dog apun. Mbŭh raru bās inŭh pinyirasi-mandis Tapa,

EPHESUS 2:4

Pak Tapa taŭn-I raru masi, ka pinyirindu-I di ata agi raru bās.

EPHESUS 3:20

So kuasa-I adi nyiraja darŭm ata, Tapa tungang ndai bagŭ masam kayuh rabis so tungang ata mite puan kah kira:

COLOSSAE 1:23

Angān dŭh siŭn dŭh an adu adu sabah di Agah Kana anŭ ka jadi tagap darŭm pinyabah ngan. Dŭhnyah pasan pingarap ngan anŭ adi angān ko kambat darŭm angān dingah Agah Kana anŭ. Yŭn Agah Kana anŭ inŭh aku, Paul, mbŭh jadi urun. Ka Agah Kana anŭ mbŭh dog nyuse di ndi ong ong.

COLOSSAE 1:27

Tapa ndai simŭnŭ isa daya-I puan rusia-I, rusia adi bās ka bragah adi-I mbŭh sidia yŭn sopŭrŭg manusia. Ka rusia anŭ inŭh adŭp Kristus agi darŭm angān; sirati-i angān re sua dapŭd utung darŭm bragah Tapa.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 4:13

Bara dingan, kieh raan angān puan munki kayuh di ngara adi mbŭh kabŭs, isa angān dŭh susah, mun ngara adi mating pingarap.

2 THESSALONICA 2:16

Isa-i adŭp Tuhan ta Jesus Kristus ka Tapa adi Sama ta, adi rindu ata ka adi ngga pinyirasi mandis-I mbŭh nggen di ata pinyibirani ngga pingarap adi tan,

1 TIMOTHY 1:14

Ka Tuhan ta ren pinyirasi mandis-I di tunduh ku ka nggen di aku pinyabah samŭn pinyirindu adi mbŭh tung jata darŭm ata udip ndi ngga Kristus Jesus.

TITUS 2:13

darŭm ata kajŭn andu adi biberkat anŭ adi ata harap, adi ngga bragah Tapa bās ta ngga Pinyikudip ta, Jesus Kristus, re tatŭng.

HEBREW 3:6

Pak Kristus agi tŭtŭd nimun Anak darŭm-I jaga daya Tapa. Ata inŭh daya-I kambŭi ata bijijŭ ngga atin pagan ka ngga atin-sabah di kayuh adi ata harap.

JAMES 1:18

So ka pinyiraan adŭp-I Ayŭh mbŭh napa ata ngga pinganang-I adi sawŭ, isa ata bisa jadi numbor ndi di dupan sopŭrŭg adi-I ko napa.

1 PETER 1:13

Sabab anŭ meh, angān patut sidia. Bijaga buang na puno pingarap ngan di berkat anŭ adi re dog nggen di angān di andu Jesus Kristus dog pinandŭng.

1 PETER 1:21

So Ayŭh angān sabah di Tapa, adi pakat Ayŭh so kabŭs ka nggen bragah di Ayŭh; ngapŭi madin angān sabah di Tapa ka harap di Ayŭh ngga sipuno-i.

1 PETER 1:23

Amai so ka pinganang Tapa adi udip ka adi tan adu adu angān mbŭh dog biranak bauh, dŭh so manusia, pak so Sama adi udip adu adu.

1 PETER 2:2

Bada adŭp ngan mun anak pira adi bauh dog biranak, siraru aus an nok sisuh roh, isa darŭm angān nok-i angān bisa dŭ dŭ kambang ka dog nyiramat.

1 PETER 3:15

Pak stabi di Kristus darŭm atin ngan, ka kibās Ayŭh nimun Tuhan. Ari sidia nggen pinyinam di tadŭ daya adi mite angān kidaan rati pingarap adi angān biyŭn.

1 PETER 3:21

adi taŭn tandā pinatŭng baptisa adi nyiramat angān madin. Baptisa ati dŭh-i ngga ngu pŭrŭng ganan so kais rŭnŭk, pak-i janji ngan ka Tapa adi dog ndai so pikir-kira atin adi kana. Baptisa ati nyiramat angān so ka pinyimakat Jesus Kristus so kabŭs,

1 PETER 3:5

Amai jah-i, bara dayung adi nyambah Tapa, adi na pingarap-i di Tapa ari ngudat adŭp-i ngga atin nundok di banŭh.

1 JOHN 2:29

Angān puan Kristus tŭnggŭn; angān patut puan gŭh, nang barang naan daya adi ndai pingandai adi batur inŭh anak Tapa.

1 JOHN 3:3

Barang naan ata adi biyŭn pingarap ati di Kristus bada adŭp ta bisig, nimun Kristus inŭh bisig.

1 JOHN 3:9

Ngara adi anak Tapa dŭh re tia bidosa, amai adŭp tibiat Tapa agi darŭm ngara; ka sabab Tapa mbŭh Sama ngara, ngara dŭh re tia bidosa.

1 JOHN 4:7

Angān adi aku rindu, ja ata rindu dingan ta, sabab pinyirindu mandŭg so Tapa. Asi asi adi rindu, ayŭh inŭh anak Tapa ka puan Tapa.

1 JOHN 5:1

Asi asi adi sabah Jesus sawŭ Kristus, mbŭh anak Tapa; ka asi asi adi rindu sama rindu anak-i gŭh.

1 JOHN 5:18

Ata puan mating anak Tapa re babŭ an ndai dosa, amai Anak Tapa jaga ngara, ka sianŭ adi Arap dŭh re tungang kandam ngara.

1 JOHN 5:4

sabab barang naan anak Tapa tungang ngarah ong. Ka ngga pinyabah ta ata dapŭd pimanang ta di tunduh-i.