1 PETER 1:22 - Hakcipta - Biatah Bidayuh

²² Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 PETER 1:22 ပူးပေါင်းရင်းမြစ်များ

JOHN 15:17

Ati inŭh kayuh adi Aku bada angān ndai: Rindu dingan ngan.

JOHN 15:3

Angān mbŭh bisig sabab ajar adi Aku ko nggen di angān.

JOHN 17:17

Bada ngara jadi jamai ngga pinganang Mai adi sawŭ; pinganang Mai inŭh sawŭ.

JOHN 17:19

Yŭn kana ngara Aku jugan adŭp Ku yŭn bituan di Kaam, siŭn ngara gŭh bisa jugan adŭp-i yŭn bituan di Kaam.

PINGANDAI 15:9

Di batŭh-I, ata ngga ngara agi samah; Ayŭh apun dosa ngara sabab ngara sabah.

PINGANDAI 6:7

Ka pinganang Tapa makin kambang di barang yŭn. Ka bara murid di Jerusalem makin bitambah, ka mbŭh agi gŭh tibaran imam adi mbŭh sabah.

ROME 1:5

So Ayŭh Tapa mbŭh nggen di aku utung da jadi pinyuruh yŭn adŭn Kristus, siŭn bisa taban daya so barang bangsa da sabah ka tunda pinganang-I.

ROME 2:8

Adi bŭkŭn taŭn-i sibut ka tirawan kayuh adi batur, siŭn-i tunda kayuh adi sarah; di ngara Tapa re kiren baji-I.

ROME 8:13

Amai kambŭi angān udip nunda ka pinyiraan tibiat manusia, angān re kabŭs; pak kambŭi ngga Roh Kudus angān siŭ pingandai ngan adi bidosa, angān re udip.

2 CORINTH 6:6

Ngga pimudip bisig ami, ngga pinyipuan, ngga atin sabar, ka ngga atin mandis kieh mbŭh kiren adŭp ami urun Tapa. Roh Kudus agi ngga kieh, ka pinyirindu ami taŭn sawŭ.

GALATIA 3:1

Budo angān, daya Galatia! Asi nyibudo angān ka bada angān tiyur? Di ruwang batŭh adŭp ngan aku muko nakit kidaan pasar pinyikabŭs Jesus Kristus di atuh rigang!

GALATIA 5:5

Mun kieh, kayuh adi kieh harap inŭh Tapa re bada kieh bamai ngga adŭp-I; anŭ kieh kajŭn ngga kuasa Roh Tapa adi turung so ka pinyabah ami.

GALATIA 5:7

Dawŭ-i angān mujur! Asi bada angān ko tunda ajar Tuhan? Munki daya anŭ mujuk angān?

EPHESUS 4:3

Ngga sibisa bisa ngan, ngga damai adi ngabŭt angān, magŭng pimudip ngan adi udip darŭm ndi pekat adi Roh Kudus mbŭh nggen di angān.

PHILIPPI 1:9

Aku simayang mite pinyirindu ngan makin bitambah, isa angān natŭng kayuh adi sawŭ ka biyŭn pinimbang adi batur di piningga ngan,

1 THESSALONICA 3:12

Isa-i Tuhan bada pinyirindu ngan bitambah di dingan ngan ka di sopŭrŭg daya ndŭg ka-i jadi bās mun pinyirindu ami di angān.

2 THESSALONICA 1:3

Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.

2 THESSALONICA 2:13

Kieh dŭh siŭn dŭh an siraru nggen trima kaseh di Tapa yŭn ngan bara dingan adi Tuhan rindu, amai Tapa mbŭh mien angān da jadi daya adi-I diŭ nyiramat. Ngga kuasa Roh Kudus ka ngga pinyabah ngan di agah-I adi sawŭ anŭ, Tapa mbŭh bada angān jadi daya-I adi kudus.

1 TIMOTHY 1:3

Aku raan kuu rŭŭ di Ephesus, nimun aku ko ngasu kuu di andu aku re di ka Macedonia. Agi kada daya diginŭ mbŭh nggen ajar kadong, ka kuu dŭh siŭn dŭh mritah ngara da dŭh tia.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 4:12

Dŭhnyah daya ngamun kuu sabab kuu gibabŭ mara, pak jadi suto danding yŭn sopŭrŭg adi sabah darŭm piminyu mu, darŭm urah-rakah mu, darŭm pinyirindu mu, darŭm pinyabah mu, ka darŭm aran pimudip bisig mu.

1 TIMOTHY 5:2

bara dayung adi mbŭh tuuh kuu patut bada keya ka sindŭ adŭp mu, ka ngga atin bisig kuu patut bada bara dayung adi mara keya ka jurud dayung adŭp mu.

2 TIMOTHY 1:14

Ngga kuasa Roh Kudus, adi rŭŭ darŭm ata, nakit jaga sopŭrŭg kayuh adi mbŭh dog mbas pasan di tangan mu.

HEBREW 11:8

Pinyabah inŭh adi bada Abraham tunda pinganang Tapa kan-I bagan ayŭh da di ka rais adi-I ko bijanji an nggen di ayŭh. Ayŭh bu tingge rais adŭp-i, dŭh puan kamaki-i di.

HEBREW 13:1

Nimun patut-i angān adi Kristen, angān an adu adu rindu dingan ngan.

HEBREW 5:9

Kan Ayŭh mbŭh jadi sukup kana, Ayŭh jadi atak pinyiramat adi tan adu adu yŭn sopŭrŭg daya adi tunda pinyiraan-I,

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

HEBREW 9:14

Kambŭi daya dapŭd dog pibisig ngga adat anŭ, jung rabis deya adŭp Kristus dapŭd pibisig daya! So ka Roh adi udip adu adu Ayŭh jugan adŭp-I jadi sadis adi sukup kana ka Tapa. Deya-I re pibisig pikir-kira atin ta so pingandai adat adi dŭh biguna, isa ata bisa bituan di Tapa adi udip.

JAMES 1:21

Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

JAMES 4:8

Mandŭg nyindŭk Tapa, ka Ayŭh re mandŭg nyindŭk angān. Ngu tangan ngan, angān daya bidosa! Pibisig atin ngan, angān daya pingadong!

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 PETER 2:17

Stabi di sopŭrŭg daya, rindu di bara dingan ngan adi samah sabah ngga angān, taru di Tapa, ka stabi di Caesar.

1 PETER 3:1

Simŭnŭ gŭh angān adi mbŭh banan dŭh siŭn dŭh an nundok di banŭh ngan, isa kambŭi agi so ngara adi dŭh sabah di pinganang Tapa, gaya pimudip ngan bisa tarik ngara da sabah. Dŭhsah angān nang ani ani di ngara,

1 PETER 3:20

anŭ inŭh roh roh daya adi dŭh tunda pinganang Tapa di andu Ayŭh kajŭn ngga sabar di tipuh Noah ndai batra-i. Ngara adi darŭm batra, kaŭs-i mai naan, ka dog nyiramat da piin uba anŭ,

1 PETER 3:8

Sikasŭn-i, sopŭrŭg ngan dŭh siŭn dŭh an ndi atin; rindu buang mandis ngga dingan ngan ngga atin tŭkŭn, keya ka bijurud.

1 PETER 4:17

Tipuh-i mbŭh mandŭg yŭn bisara re piguru, ka adŭp daya Tapa inŭh adi re diŭ bisara. Kambŭi-i piguru ngga ata, simuki pinŭbŭn-i re ngga ngara adi dŭh sabah di Agah Kana so Tapa?

1 PETER 4:8

Rabis-i, rindu dingan ngan ngga siabo atin ngan, sabab pinyirindu ngarah bagŭ dosa.

2 PETER 1:7

di atin adi an nurut pinyiraan Tapa na pinyirindu Kristen; ka di pinyirindu Kristen na atin rindu di sopŭrŭg daya.

1 JOHN 3:11

Agah adi angān ko dingah so sibungas-i agi sakati: ata dŭh siŭn dŭh an rindu dingan ta.

1 JOHN 3:23

Kayuh adi-I pesan inŭh ata sabah di Anak-I Jesus Kristus ka rindu dingan ta, nimun Kristus ko pesan di ata.

1 JOHN 4:12

Gi-mating daya kiris Tapa, pak kambŭi ata rindu dingan ta, Tapa udip ndi ngga ata, ka pinyirindu-I mbŭh jadi sukup batur darŭm ata.

1 JOHN 4:20

Kambŭi ata nang adŭp ta rindu Tapa, pak tiru dingan ta, ata inŭh pingadong. Amai ata dŭh tungang rindu Tapa adi bŭn ata kiris, kambŭi ata dŭh rindu dingan ta adi tungang ata kiris.

1 JOHN 4:7

Angān adi aku rindu, ja ata rindu dingan ta, sabab pinyirindu mandŭg so Tapa. Asi asi adi rindu, ayŭh inŭh anak Tapa ka puan Tapa.

PINANDŬNG 2:4

Pak ati kayuh adi yŭn Ku nyarah kuu: kuu dŭh rindu Aku mun dawŭ-i.