1 PETER 1:20 - Hakcipta - Biatah Bidayuh

²⁰ Ayŭh dog mien adŭp Tapa diŭ so ong dog napa, ka mandŭg di nyiramat angān di sikasŭn tipuh ati.

1 PETER 1:20 ပူးပေါင်းရင်းမြစ်များ

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

PITAS 8:23

Aku inŭh adi sibungas dog napa, diŭ so ong dog napa.

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

PINGANDAI 2:23

Nanyam ka atur kraja pingandai adŭp-I, Tapa mbŭh natu Jesus dog nyerah ka darŭm tangan ngan; ka angān bada Ayŭh kabŭs dog masak di atuh rigang di tangan daya bidosa.

ROME 3:25

Tapa mbŭh jugan Ayŭh, isa ngga deya-I Ayŭh jadi aran adi ngga dosa daya dog apun so ka pinyabah ngara di Ayŭh. Tapa ndai simŭnŭ ngga kiren pinŭnggŭn-I. Jah-i Ayŭh sabar ka kambŭt dosa ngara; pak di jaman ati Ayŭh nura dosa ngara, ngga kiren pinyitŭnggŭn-I. Simŭnŭ Tapa kiren adŭp-I tŭnggŭn, buang-I bada bamai barang naan daya adi sabah di Jesus.

ROME 8:29

Bara daya adi Tapa mbŭh mien dog nyidŭrŭ-I gŭh da jadi brimun ngga Anak-I, isa Anak jadi diŭ di dupan bara adi sabah.

GALATIA 4:4

Pak kan tipuh-i mbŭh mandŭg, Tapa pait Anak adŭp-I. Ayŭh anŭ dog biranak so ndi naan dayung, ka udip di ribo Ukum-adat Jahudi,

EPHESUS 1:10

Kayuh adi Tapa an ndai anŭ, adi-I re ngamas di tipuh adi adŭp-I mien, inŭh nguruk sopŭrŭg anŭ adi-I ko napa, bait-i darŭm shorga, bait-i darŭm ong, ngga Kristus adi jadi ubak.

EPHESUS 1:4

Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I

EPHESUS 3:11

Tapa ndai simŭnŭ nanyam ka tujuan-I adi tan adu adu, adi-I pijadi so Kristus Jesus Tuhan ta.

EPHESUS 3:9

ka bada sopŭrŭg daya kiris munki Tapa re pijadi atur pinyiraan-I, adi tian ti taŭn mbŭh rusia-I. Tapa, adi Pinapa sopŭrŭg kayuh, sukan rusia-I so sibungas ong,

COLOSSAE 1:26

rusia adi-I sukan so jah, so barang turap manusia pak madin mbŭh dog pinandŭng di bara daya-I.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

HEBREW 2:14

Amai sabab ngara adi Ayŭh kadŭn anak taŭn-i daya adi biyŭn isin ngga deya, adŭp Jesus mbŭh jadi mun ngara ka udip di ong mun manusia. Ayŭh ndai simŭnŭ isa so pinyikabŭs-I Ayŭh bisa ngarah Siarap, adi biyŭn kuasa di tunduh pinyikabŭs;

HEBREW 9:26

amai te gŭt rati-i Ayŭh mbŭh dŭh siŭn dŭh an siraru kinyam sangsara so sibungas ong dog napa. Sibandar-i, madin di tipuh sopŭrŭg jaman mbŭh sindŭk re mungan, Ayŭh mbŭh mandŭg ndi sidah yŭn adu adu, di nyadis adŭp-I yŭn taran dosa.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 JOHN 1:2

Kan udip anŭ dog pinandŭng, kieh kiris-I. Anŭ meh sabab kieh minyu pasar-I ka kidaan di angān pasar udip adi sawŭ adi tan adu adu adi mbŭh agi ngga Sama ka mbŭh dog kidaan di kieh.

1 JOHN 3:5

Angān puan nang Kristus ko nandŭng sabab an taran dosa. Di adŭp-I mating dosa.

1 JOHN 3:8

Daya adi babŭ bidosa taŭn-i dog dapu Siarap, sabab Siarap taŭn mbŭh bidosa so sibungas-i. Anak Tapa ko nandŭng sitagar kayuh ati, di pirabur kayuh adi Siarap ko ndai.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.