1 PETER 1:2 - Hakcipta - Biatah Bidayuh

² Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

1 PETER 1:2 ပူးပေါင်းရင်းမြစ်များ

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

ISAIAH 65:9

Aku re nyiberkat bara daya Israel adi so tibaran-asar Judah, ka sesang ngara re dapŭd tarun tana darŭd Ku. Daya adi Aku mbŭh mien, adi bituan di Aku, re rŭŭ diginŭ.

DANIEL 4:1

Raja Nebuchadnezzar pait pinganang ati ka bara daya so barang bangsa, kaum, ngga piminyu di ndi ong ong: “Tabi!

DANIEL 6:25

Komŭnŭ Raja Darius nuris surat ka pait ka bara daya so barang bangsa, kaum, ngga piminyu di ong: “Tabi!

LEVITICUS 1:5

Angān an siŭ dari sapi anŭ diginŭ, ka bara imam adi so asar Aaron an jugan deya dāng anŭ ka TUHAN, ka komŭnŭ naui-i di so-pat parad mija-sambah adi di rawa tiban Bari TUHAN.

MATTHEW 24:22

Pak Tapa muko pisigŭt tipuh-i; kambŭi dŭh, mating manusia dŭm. Amai sitagar daya adi-I ko mien, Tapa sunggu mŭnŭ re pisigŭt tipuh anŭ.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

MATTHEW 24:31

Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

MARK 13:20

Pak Tuhan mbŭh pisigŭt tipuh-i; kambŭi dŭh, mating manusia dŭm. Sitagar bara daya adi-I ko mien, Ayŭh pisigŭt tipuh anŭ.

MARK 13:22

Amai bara Kristus kadong ka nabi kadong re timbur. Ngara re ndai pingandai-nginga ka pingandai-saruh ngga situngang tungang-i ngga kinanyap sopŭrŭg daya, rabis-i ngara adi Tapa mbŭh mien.

MARK 13:27

Ayŭh re pait bara malaikat ka pat sikuh ong da nguruk bara daya adi Tapa mbŭh mien so ong, so tŭbŭn ndi ndŭg tŭbŭn andi.

LUKE 18:7

Dŭh kah meh Tapa re an turung daya-I adi dŭh ko ko mite turung so Ayŭh sandu singarŭm? Re sais kah Ayŭh turung ngara?

PINGANDAI 15:18

Sakanŭ Tuhan, adi mbŭh pitambus-i ndun jah.’

PINGANDAI 2:23

Nanyam ka atur kraja pingandai adŭp-I, Tapa mbŭh natu Jesus dog nyerah ka darŭm tangan ngan; ka angān bada Ayŭh kabŭs dog masak di atuh rigang di tangan daya bidosa.

PINGANDAI 20:32

“Ka madin aku nyerah angān ka darŭm pinyigrindung Tapa; agah pasar pinyirasi mandis-I gŭh re jaga angān, adi tungang pijog angān ka nggen di angān berkat Tapa adi yŭn sopŭrŭg daya.

ROME 1:5

So Ayŭh Tapa mbŭh nggen di aku utung da jadi pinyuruh yŭn adŭn Kristus, siŭn bisa taban daya so barang bangsa da sabah ka tunda pinganang-I.

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

ROME 11:2

Tapa dŭh tirawan daya-I, adi-I mien so sibungas-i. Angān puan sakaki pinganang Surat-kudus di dundan pasar Elijah adi ngadu daya Israel ka Tapa:

ROME 11:28

Sabab daya Jahudi tirawan Agah Kana, ngara mbŭh jadi pinganyu Tapa yŭn kana ngan daya adi dŭh bangsa Jahudi. Pak sabab-i mbŭh pimien Tapa, ngara mbŭh dingan-I sitagar tayung-babuk ngara.

ROME 15:16

an bada aku jadi urun Kristus Jesus yŭn daya adi dŭh bangsa Jahudi. Aku kraja keya ka imam nyuse Agah Kana so Tapa, siŭn Roh Kudus bisa bada daya adi dŭh bangsa Jahudi jadi keya ka pinganggen adi tungang dog trima Tapa.

ROME 16:19

Sopŭrŭg daya mbŭh dingah pasar angān adi mbŭh tŭtŭd di Agah Kana anŭ, ka sabab anŭ aku mbŭh sanang asŭng di angān. Aku raan angān bijak jeja ka kayuh adi kana, pak bawa jeja ka kayuh adi arap.

ROME 16:26

Pak madin atur-pinyiraan Tapa mbŭh dog kiren so surat bara nabi; buang so pinyipesan Tapa adi udip adu adu ayŭh mbŭh dog kidaan di sopŭrŭg bangsa, isa sopŭrŭg bisa sabah ka tunda pinganang Tapa.

ROME 8:13

Amai kambŭi angān udip nunda ka pinyiraan tibiat manusia, angān re kabŭs; pak kambŭi ngga Roh Kudus angān siŭ pingandai ngan adi bidosa, angān re udip.

ROME 8:33

Asi re nyarah bara daya adi Tapa mbŭh mien? Adŭp Tapa nang ngara dŭh sarah!

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

1 CORINTH 6:11

Agi kada so angān ko mun anŭ. Pak angān mbŭh dog pibisig so dosa; angān mbŭh dog trima Tapa jadi daya-I; angān mbŭh dapŭd bamai ngga Tapa da Tuhan Jesus Kristus ka da Roh Tapa ta.

2 CORINTH 10:5

kieh re nyirubuh pingandai uap-sambuh manusia adi jadi pinyibatŭn di pinyipuan pasar Tapa; kieh re tambit sopŭrŭg pikir-kira ka bada-i nundok di Kristus.

DITRONOMI 7:6

Ndai anŭ amai angān dog dapu TUHAN adi Tapa ngan. So sopŭrŭg daya adi di ong ati Ayŭh mbŭh mien angān adŭ bada jadi daya tah yŭn adŭp-I.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

2 THESSALONICA 2:13

Kieh dŭh siŭn dŭh an siraru nggen trima kaseh di Tapa yŭn ngan bara dingan adi Tuhan rindu, amai Tapa mbŭh mien angān da jadi daya adi-I diŭ nyiramat. Ngga kuasa Roh Kudus ka ngga pinyabah ngan di agah-I adi sawŭ anŭ, Tapa mbŭh bada angān jadi daya-I adi kudus.

2 TIMOTHY 2:10

Ngapŭi aku nyijŭn sopŭrŭg-i yŭn kana bara daya adi Tapa mbŭh mien, siŭn ngara dapŭd pinyiramat adi mandŭg so ka Kristus Jesus samah ngga bragah adi tan adu adu.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

HEBREW 10:22

Jadi ja meh ata di nyindŭk Tapa ngga atin tŭnggŭn ka ngga pinyabah adi sawŭ, ngga atin adi mbŭh dog pibisig so pikir-kira atin adi mbŭh kinyam sarah ka ngga pŭrŭng adi dog mamuh ngga piin bisig.

HEBREW 11:28

Pinyabah inŭh adi bada ayŭh ndai Paska ka nggen ukum bada deya dog masik di barang tiban, isa Malaikat Pinyikabŭs dŭh siŭ bara anak pinuai daya Israel.

HEBREW 12:24

Angān mbŭh mandŭg ka Jesus, adi mbŭh ngatur simanya bauh anŭ, buang ka yŭn deya adi mbŭh dog masik adi natu kayuh adi kana dŭ so adi dog natu deya Abel.

HEBREW 5:9

Kan Ayŭh mbŭh jadi sukup kana, Ayŭh jadi atak pinyiramat adi tan adu adu yŭn sopŭrŭg daya adi tunda pinyiraan-I,

1 PETER 1:14

Nundok di Tapa, ka dŭhnyah bada pimudip ngan dog nguasa pinyiripong arap ngan adi dawŭ, di andu angān gibayuh puan Tapa.

1 PETER 1:19

pak-i sadis Kristus adi brega, adi keya ka anak biri adi mating takar kais puan kah tadŭ mun arap-i.

1 PETER 1:20

Ayŭh dog mien adŭp Tapa diŭ so ong dog napa, ka mandŭg di nyiramat angān di sikasŭn tipuh ati.

1 PETER 1:22

Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

2 PETER 1:2

Isa-i pinyirasi-mandis ngga damai jadi jangān ngga sipuno-i so pinyipuan ngan pasar Tapa ka pasar Jesus Tuhan ta.

2 JOHN 1:1

So aku adi nyamba eklisia nuju ndi naan dayung ngga bara anak-i, adi aku sawŭ rindu. Dŭh-i aku sadi adŭ pak sopŭrŭg daya adi puan Tapa rindu kuu,

2 JOHN 1:13

Bara anak Jurud dayung mu pait tabi ka kuu.

JUDE 1:2

Isa-i masi, damai, ka pinyirindu Tapa agi ngga angān ngga sipuno-i.