1 PETER 1:15 - Hakcipta - Biatah Bidayuh

¹⁵ Pak, bada adŭp ngan kudus darŭm sopŭrŭg kayuh adi angān ndai, nimun Tapa adi bagan angān inŭh kudus.

1 PETER 1:15 ပူးပေါင်းရင်းမြစ်များ

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

ISAIAH 6:3

Ngara bagan dingan-i sakati: “Kudus, kudus, kudus! TUHAN adi Bisa-pŭrŭg inŭh kudus! Bragah-I ngisi ong.”

MATTHEW 5:48

Angān dŭh siŭn dŭh an sukup kana, nimun Sama ngan di shorga agi sukup kana.

ROME 9:24

Amai ata inŭh daya adi-I bagan, dŭh daya Jahudi adŭ, pak daya adi dŭh bangsa Jahudi ani.

2 CORINTH 7:1

Angān adi aku rindu, sopŭrŭg janji anŭ mbŭh dog ndai yŭn ta. Ngapŭi ata patut pibisig adŭp ta so sopŭrŭg kayuh adi kinais pŭrŭng ngga simangi, ka udip darŭm taru di Tapa, ka bada adŭp ta kudus.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

PHILIPPI 3:14

Jadi aku bikaduh birumba an manang siŭn dapŭd upah anŭ, adi pinyibagan Tapa so ka Kristus Jesus nuju udip adi sawŭ adi tan adu adu.

PHILIPPI 3:20

Pak ata ati inŭh rayat shorga. Ka ngga atin graŭh ata kajŭn Pinyikudip ta, Tuhan Jesus Kristus, adi mandŭg so shorga.

1 THESSALONICA 2:12

Kieh ngatat angān, kieh nyaduh angān, ka kieh babŭ ngasu angān panu aran pimudip adi pimunos asŭng Tapa. Ayŭh inŭh adi bagan angān da sua kinyam Pinyipritah-I ngga bragah-I.

1 TIMOTHY 4:12

Dŭhnyah daya ngamun kuu sabab kuu gibabŭ mara, pak jadi suto danding yŭn sopŭrŭg adi sabah darŭm piminyu mu, darŭm urah-rakah mu, darŭm pinyirindu mu, darŭm pinyabah mu, ka darŭm aran pimudip bisig mu.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

TITUS 3:14

Daya ta dŭh siŭn dŭh an birajar pakai masā ngara ndai kayuh kana, siŭn dapŭd turung daya adi sutok; pimudip ngara dŭh-i patut pimudip adi dŭh biguna.

TITUS 3:8

Pinganang anŭ sawŭ. Aku raan kuu mbit bat di kayuh anŭ, isa sinadan adi sabah di Tapa bisa ngga siabo asŭng ngara pakai masā ngara ngga ndai pingandai kana buang adi biguna yŭn sopŭrŭg daya.

HEBREW 12:14

Gruwŭn adŭp ngan udip darŭm damai ngga sopŭrŭg daya, ka gruwŭn pimudip adi kudus; amai kambŭi dŭh simŭnŭ nŭŭh dŭh re tungang kiris Tuhan.

HEBREW 13:5

Bada pimudip ngan jo so pinyiawang duit, ka bada adŭp ngan munos ngga anŭ adi angān mbŭh biyŭn. Amai Tapa mbŭh nang, “Aku dŭh re tandah angān; Aku dŭh re tagan angān.”

JAMES 3:13

Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 PETER 3:16

Pak nam ngara ngga duduh ngga stabi. Bada pikir-kira atin ngan bisig, isa kan angān dog pimangŭh, ngara adi kinarap urah-rakah ngan adi kana adi tunda Kristus, re mangŭh ngarun kayuh adi adŭp ngara ko nang.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

1 JOHN 3:3

Barang naan ata adi biyŭn pingarap ati di Kristus bada adŭp ta bisig, nimun Kristus inŭh bisig.

PINANDŬNG 3:7

“Nuris ka malaikat eklisia di Philadelphia: “Ati inŭh agah so sianŭ adi kudus ka adi sawŭ. Ayŭh biyŭn kusi adi dog dapu David, ka kan Ayŭh kuka tiban, mating daya dapŭd tŭŭp-i, ka kan Ayŭh tŭŭp-i, mating daya dapŭd kuka-i.

PINANDŬNG 4:8

Barang pat dāng udip anŭ biyŭn nŭm urad-i, ka pŭrŭng ngara puno ngga dudu batŭh, di darŭm ngga di sapa. Sandu singarŭm ngara dŭh ko ko biragu nang: “Kudus, kudus, kudus, Tuhan Tapa Bisa-pŭrŭg, adi mbŭh, adi madin, ka adi re mandŭg.”

PINANDŬNG 6:10

Ngara nyirais ngga sirŭŭn bana, “Tuhan adi Bisa-pŭrŭg, kudus ka adi tŭtŭd! Ndŭg sinde meh kieh kajŭn Kaam nggen bisara di daya di ong ka ngukum ngara amai ko siŭ kieh?”