1 PETER 1:12 - Hakcipta - Biatah Bidayuh

¹² Tapa mbŭh kiren di bara nabi anŭ nang kraja pingandai ngara dŭh-i yŭn utung adŭp ngara, pak yŭn utung ngan. Ngara minyu pasar kayuh anŭ adi angān madin ko dingah so bara pinyisung adi kidaan Agah Kana ngga kuasa Roh Kudus adi dog pait so shorga. Anŭ inŭh kayuh adi adŭp bara malaikat an gŭh sua mirati.

1 PETER 1:12 ပူးပေါင်းရင်းမြစ်များ

PINYIRUAH 25:20

Ngatur cherubim cherubim anŭ da situra jawin ngga dingan-i di tunduh sakŭb, ka urad ngara adi tiburai an nutu sakŭb pati anŭ.

PITAS 1:23

Dingah kan aku nyara ngajar angān; aku re nggen di angān pinyitayan adi kana ka samah pinyipuan ku ngga angān.

ISAIAH 32:15

Pak dŭm ndi sidah dinge Tapa re mandŭg ngga kuasa-I. Tana adi matung re damŭn, ka tana ŭmŭh re piruah bagŭ buwa pimuruh.

ISAIAH 53:1

Daya nam, “Asi re sabah kayuh adi ata kidaan madin? Asi mbŭh kiris tangan TUHAN di kayuh ati?

DANIEL 10:1

(Darŭm sawa adi taruh Cyprus jadi raja-empaya Persia, ndi pinganang dog pinandŭng di Daniel, adi dog kadŭn gŭh Belteshazzar. Pinganang anŭ sawŭ pak raru mbar dog mirati. Kayuh anŭ dog kidaan rati-i di ayŭh darŭm kayuh adi dog kiris keya ka darŭm pŭmŭh.)

DANIEL 12:13

“Ka kuu, Daniel, an tŭtŭd ndŭg sikasŭn-i. Kuu re kabŭs, pak kuu re makat yŭn re kambat upah mu di andu sikasŭn.”

DANIEL 12:9

Ayŭh nam, “Kuu dŭh siŭn dŭh panu madin, Daniel, sabab pinganang anŭ dŭh siŭn dŭh dog sukan ndŭg andu sikasŭn.

DANIEL 2:19

Komŭnŭ ngarŭm anŭ gŭh keya ka darŭm pŭmŭh rusia anŭ dog pinandŭng di Daniel, ka ayŭh muji Tapa adi pinguasa di rangit:

DANIEL 2:22

Ayŭh pinandŭng kayuh kayuh adi tŭrŭp ngga adi bisukan; Ayŭh puan kayuh adi bisukan darŭm karŭm, ka adŭp-I dog kirurung jawa.

DANIEL 2:47

Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

DANIEL 8:13

Komŭnŭ aku dingah ndi malaikat siken malaikat adi bŭkŭn, “Sinde kayuh anŭ adi dog kiris keya ka darŭm pŭmŭh re ko mun anŭ? Sinde dosa adi sipŭ re ko gati sadis barang andu? Sinde bara tibaran soldadu shorga ngga Ramin TUHAN re ko dog digang?”

DANIEL 9:24

“Ju kari ju puru sawa inŭh ambu tipuh adi Tapa mbŭh miratak yŭn-I re pirupas daya mu ngga kupo kudus mu so dosa ngga arap. Dosa re dog apun ka pinyitŭnggŭn adi tan adu adu re dog pijog, isa kayuh adi dog kiris keya ka darŭm pŭmŭh ngga pinganang-binabi anŭ jadi bitŭtŭk, ka Ramin TUHAN adi kudus re pari dog nitah.

JOEL 2:28

“Muko anŭ, Aku re ren Roh Ku di barang naan daya: anak anak dari ngan ngga anak anak dayung ngan re piagah Agah Ku; bara nyamba ngan re nyipŭmŭh, ka bara pimara ngan re kiris kayuh keya ka darŭm pŭmŭh.

AMOS 3:7

TUHAN Raja dŭh ndai kayuh kambŭi-I dŭh diŭ kidaan di bara urun-I, adi daya Nabi.

ZECHARIAH 12:10

“Aku re nggen di sesang sesang David ngga di daya Jerusalem atin adi masi ngga atin adi gagā bidua. Ngara re tingga sianŭ adi ngara mbŭh tabŭk ndŭg ka kabŭs, ka ngara re ngurid-i mun ngurid anak tambŭ adŭp ngara. Ngara re bandar bandar ngurid, mun daya ngurid anak pinuai dari.

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 16:17

“Bituah inŭh kuu, Simon anak John!” Jesus nam. “Pinyidapŭd mu anŭ dŭh-i so adŭp mu, pak mbŭh adŭp Sama Ku adi di shorga nggen di kuu.

MARK 16:15

Ayŭh nang di ngara, “Panu angān ka barang yŭn di ndi ong ong ka nyuse Agah Kana ka sopŭrŭg bangsa daya.

LUKE 15:10

Simŭnŭ gŭh, Aku kidaan di angān, malaikat malaikat Tapa re gaŭn amai ndi naan daya bidosa adi mbŭh marik pimudip-i pari ka Ayŭh.”

LUKE 2:26

ka mbŭh kidaan di ayŭh nang ayŭh dŭh re kabŭs sibayuh ayŭh kiris Kristus adi Tuhan ko janji.

LUKE 9:6

Bara murid matak ka panu tambus anak anak kupo, nyuse Agah Kana buang pibua daya adi birandam di barang yŭn.

JOHN 15:26

“Pinurung, anŭ inŭh Roh Kudus, re mandŭg so Sama; Ayŭh kidaan kayuh adi sawŭ pasar Tapa. Aku re pait Ayŭh so Sama ka yŭn ngan, ka Ayŭh re minyu di angān pasar Aku.

PINGANDAI 10:44

Darŭm Peter babŭ minyu, Roh Kudus mūn di tunduh sopŭrŭg ngara adi dingah agah anŭ.

PINGANDAI 16:10

Kan ayŭh ko kiris kayuh anŭ, kieh rasu sidia adŭp ami an di ka Macedonia, sabab kieh mbŭh natu nang Tapa mbŭh bagan kieh da nyuse Agah Kana di daya diginŭ.

PINGANDAI 2:33

Ayŭh mbŭh dog pakat da guru di yŭn adi bikuasa tura ka tauh Tapa adi Sama-I, ka mbŭh kambat Roh Kudus so Ayŭh, nimun adi-I ko bijanji an nggen. Anŭ adi angān kiris ka dingah madin inŭh pinganggen-I adi-I ren di tunduh kieh.

PINGANDAI 4:31

Kan ngara ko simayang, tarun yŭn ngara tikuruk bigugoh. Ka sopŭrŭg ngara mbŭh brisi ngga Roh Kudus ka piguru piagah agah so Tapa ngga atin pagan.

PINGANDAI 4:8

Peter, ngga kuasa Roh Kudus, nam, “Bara pingibās bangsa Jahudi ka bara nyamba Jahudi:

PINGANDAI 8:25

Ripas ngara ko bisaksi pasar Jesus Kristus ka piagah pinganang-I, ngara pari ka Jerusalem. Darŭm ngara pari, ngara nyasa ka nyuse Agah Kana di barang anak kupo di Samaria.

ROME 1:15

Jadi meh, aku graŭh an nyuse Agah Kana anŭ di angān adi rŭŭ di Rome.

ROME 1:17

Amai Agah Kana anŭ kiren munki Tapa bada daya bamai ngga adŭp-I: anŭ inŭh so ka pinyabah so sibungas-i ndŭg sikasŭn-i. Sak adi nang Surat-kudus, “Daya adi mbŭh bamai ngga Tapa so ka pinyabah re udip.”

ROME 10:15

Ka simuki agah dog piagah kambŭi daya tukang piagah mating dog pait? Sak adi nang Surat-kudus, “Munki masam sangŭn-i pimandŭg ngara adi taban Agah Kana!”

ROME 15:19

so kuasa pingandai-nginga ngga pingandai-saruh, ka so kuasa Roh Kudus. Ngapŭi meh, darŭm panu bijaruh so Jerusalem ndŭg Illyricum, aku agi piagah Agah Kana pasar Kristus.

1 CORINTH 2:10

Pak Tapa ko ngga Roh-I kidaan di ata rusia-I. Roh-I anŭ nyarap sopŭrŭg kayuh, ndŭg atur-pinyiraan Tapa adi bisukan ani.

2 CORINTH 1:22

adi ko na tandā adŭp-I di ata yŭn adŭp-I dapu, ka mbŭh ngisi atin ta ngga Roh Kudus da jadi jamen sopŭrŭg anŭ adi-I mbŭh sidia yŭn ta.

2 CORINTH 6:6

Ngga pimudip bisig ami, ngga pinyipuan, ngga atin sabar, ka ngga atin mandis kieh mbŭh kiren adŭp ami urun Tapa. Roh Kudus agi ngga kieh, ka pinyirindu ami taŭn sawŭ.

GALATIA 1:12

Aku mating kambat-i so manusia; mating gŭh daya ngajar-i di aku. Adŭp Jesus Kristus inŭh adi pinandŭng-i di aku.

GALATIA 1:16

an kiren Anak-I di aku, isa aku nyuse Agah Kana pasar Ayŭh di daya adi dŭh bangsa Jahudi, aku mating tudu asi asi bada pitayan adŭp ku,

EPHESUS 3:10

siŭn ngga eklisia, di tika ati, sopŭrŭg adi mritah samŭn ngara adi bikuasa di rangit ngga di ong bisa puan pinyibijak Tapa darŭm barang masam gaya-i.

1 THESSALONICA 2:9

Tatu angān ingat, angān adi bara dingan ami, munki kieh bandar nyiraja! Kieh nyiraja sandu singarŭm isa kieh dŭh nyusah angān darŭm kieh nyuse Agah Kana so Tapa di angān.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

HEBREW 11:13

Darŭm babŭ sabah ngara kabŭs. Ngara mating kambat kayuh anŭ adi Tapa ko bijanji an nggen, pak so jo ngara agi kiris-i ka angan-i, buang ngaku adŭp-i daya tami ka daya nupang di ong ati.

HEBREW 2:4

Nganŭ gŭh adŭp Tapa mbŭh natu sopŭrŭg-i sawŭ ngga barang masam pingandai-nginga ka pingandai-saruh-I, ka ngga pinganggen Roh Kudus adi-I kutung nanyam ka pinyiraan adŭp-I.

HEBREW 4:2

Amai ata mbŭh dingah Agah Kana anŭ, mun ngara gŭh. Ngara dingah agah anŭ, pak-i dŭh biguna yŭn ngara, sabab kan ngara dingah-i, ngara dŭh kambat-i ngga pinyabah.

1 PETER 1:25

pak pinganang Tapa babŭ ndŭg situi tui.” Pinganang anŭ inŭh Agah Kana adi mbŭh dog piagah ka angān.

1 PETER 4:6

Anŭ inŭh meh sabab Agah Kana mbŭh dog nyuse gŭh di ngara adi mbŭh kabŭs, ngara adi mbŭh bisara mun daya bŭkŭn darŭm ngara babŭ udip di ong; Agah Kana dog nyuse di ngara isa darŭm roh ngara bisa udip ngga Tapa.

PINANDŬNG 5:11

Aku tingga dinge, ka aku dingah malaikat, agi biribu ribu bara-i! Ngara mijog maning takta, pat dāng udip, ka bara nyamba,