1 JOHN 5:4 - Hakcipta - Biatah Bidayuh

⁴ sabab barang naan anak Tapa tungang ngarah ong. Ka ngga pinyabah ta ata dapŭd pimanang ta di tunduh-i.

1 JOHN 5:4 ပူးပေါင်းရင်းမြစ်များ

JOHN 1:13

Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

JOHN 16:33

Aku nang sopŭrŭg ati isa angān biyŭn damai darŭm Aku. Ong re bada angān jera. Pak pagan meh! Aku mbŭh ngarah ong!”

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

1 CORINTH 15:57

Pak trima kaseh di Tapa adi nggen di ata pimanang so ka Tuhan ta Jesus Kristus!

1 JOHN 2:29

Angān puan Kristus tŭnggŭn; angān patut puan gŭh, nang barang naan daya adi ndai pingandai adi batur inŭh anak Tapa.

1 JOHN 3:9

Ngara adi anak Tapa dŭh re tia bidosa, amai adŭp tibiat Tapa agi darŭm ngara; ka sabab Tapa mbŭh Sama ngara, ngara dŭh re tia bidosa.

1 JOHN 4:4

Pak angān mbŭh daya adi Tapa dapu, bara anak ku, ka mbŭh ngarah bara nabi kadong, sabab Roh adi agi darŭm angān agi rabis bikuasa so roh adi darŭm ngara adi tung ong.

1 JOHN 5:1

Asi asi adi sabah Jesus sawŭ Kristus, mbŭh anak Tapa; ka asi asi adi rindu sama rindu anak-i gŭh.

1 JOHN 5:18

Ata puan mating anak Tapa re babŭ an ndai dosa, amai Anak Tapa jaga ngara, ka sianŭ adi Arap dŭh re tungang kandam ngara.

1 JOHN 5:5

Asi tungang ngarah ong? Kaŭs-i daya adi sabah Jesus Anak Tapa adŭ tungang ngara ong.

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.

PINANDŬNG 15:2

Komŭnŭ aku kiris kayuh mun rawŭt siramin bigaur ngga apui. Aku kiris gŭh ngara adi ko manang birawan ngga dāng anŭ ka ngga tibudo-i samŭn sianŭ adi dog nandā ngga numbor dŭn-i. Ngara mijog di bŭngŭn rawŭt siramin, digŭng kachapi adi Tapa ko nggen di ngara

PINANDŬNG 2:11

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Ngara adi mbŭh manang dŭh re kinaman da pinyikabŭs adi numbor duwŭh.

PINANDŬNG 2:17

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen kada manna adi bisukan. Aku re nggen gŭh di barang naan ngara batuh buda di yŭn agi dog nuris dŭn bauh adi mating daya puan adŭ-i sianŭ adi kambat-i.

PINANDŬNG 2:26

Nuju ngara adi mbŭh manang, adi bijijŭ ndŭg sikasŭn-i ndai kayuh adi Aku raan, Aku re nggen kuasa anŭ adi Aku mbŭh kambat so Sama Ku: Aku re nggen di ngara kuasa di tunduh barang bangsa, da mritah-i ngga sikud basi ka da mape pirandŭk-i mun tipayan tana. Aku gŭh re nggen di ngara bitang isan isan.

PINANDŬNG 2:7

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen hak da man buwa so tŭngŭn kayuh adi nggen udip, adi timbu di teya Tapa.

PINANDŬNG 3:12

Aku re bada ngara adi manang jadi keya ka bara tiang darŭm ramin Tapa Ku, ka ngara re adu adu rŭŭ diginŭ. Aku re nuris di ngara adŭn Tapa Ku ka dŭn kupo Tapa Ku, adi Jerusalem bauh, adi re mūn so shorga so Tapa Ku. Aku re nuris gŭh di ngara adŭn bauh Ku.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.

PINANDŬNG 3:5

Ngara adi mbŭh manang re dog kibarui simŭnŭ ngga piraka buda, ka Aku dŭh re kadi dŭn ngara so surat di yŭn dŭn bara daya adi Tapa mbŭh mien dog nuris. Di sirung jawin Sama Ku ka di sirung jawin bara malaikat-I Aku re kidaan nang ngara mbŭh tung jaku.