1 JOHN 5:3 - Hakcipta - Biatah Bidayuh

³ Amai pinyirindu ta di Tapa inŭh rati-i ata sita pinyipesan-I. Pinyipesan-I anŭ, dŭh-i mbar ata sita,

1 JOHN 5:3 ပူးပေါင်းရင်းမြစ်များ

2 RAJA 18:6

Ayŭh tŭtŭd di TUHAN ka bŭn-i nyibireu Ayŭh; ayŭh nakit sita sopŭrŭg pesan adi TUHAN muko nggen di Moses.

MAZMUR 119:140

Janji Mai inŭh manŭn! Aku raru rindu-i!

MAZMUR 119:45

Aku re udip dŭh dog ngabŭt pinganyu, sabab aku suba tunda ajar Mai.

PINYIRUAH 20:6

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

PITAS 3:17

Pinyibijak dapŭd bada kuu bua sanang darŭm pimudip mu.

DANIEL 9:4

Aku bidua ka TUHAN adi Tapa ku ka ngaku dosa daya bangsa ku. Aku nang, “TUHAN Tapa, Kaam inŭh bās, ka kieh stabi di Kaam. Kaam inŭh tŭtŭd ngga simanya Mai ka kiren pinyirindu adi dŭh bisa birubah di ngara adi rindu di Kaam ka adi ndai kayuh adi Kaam pesan.

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

MATTHEW 23:4

Ngara bada daya kabis pinyirabis adi raru bat, pak adŭp ngara biar ndi trinju dŭh gŭh ngara an pakai ngga turung daya kabis pinyirabis anŭ.

JOHN 14:15

“Kambŭi angān rindu Aku, angān tatu an sita Pinyipesan Ku.

JOHN 15:10

Kambŭi angān sita pinyipesan Ku, angān re bijijŭ darŭm pinyirindu Ku, nimun Aku mbŭh sita pinyipesan Sama Ku ka bijijŭ darŭm pinyirindu-I.

JOHN 15:14

Ka angān inŭh dingan Ku kambŭi angān ndai pinyiraan Ku.

ROME 7:12

Ngapŭi meh, adŭp Ukum-adat anŭ kudus, ka Pinyipesan anŭ kudus, batur, ka kana.

ROME 7:22

Ngga siabo asŭng ku aku situju di ukum-adat Tapa.

DITRONOMI 5:10

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

DITRONOMI 7:9

Ingat nang TUHAN adi Tapa ngan adŭ adi Tapa ka Ayŭh taŭn tŭtŭd. Ayŭh re sita simanya-I ka kiren pinyirindu-I adi dŭh bisa birubah di siribu turap daya adi rindu Ayŭh ka tunda pinyipesan-I,

HEBREW 8:10

Pak madin, ati inŭh simanya adi re Ku ndai ngga daya Israel di tipuh adi re mandŭg, nang Tuhan: Aku re na ukum-adat Ku di pikir ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

1 JOHN 2:3

Kambŭi ata sita pinyipesan Tapa, ata taŭn ngaku adŭp ta sawŭ puan Ayŭh.

2 JOHN 1:6

Pinyirindu adi aku nang, rati-i ata dŭh siŭn dŭh an udip nanyam ka pinyipesan Tapa. Pinyipesan ati, nimun adi sopŭrŭg ngan ko dingah so sibungas-i, sirati-i sopŭrŭg ngan dŭh siŭn dŭh an udip darŭm pinyirindu.