1 JOHN 4:4 - Hakcipta - Biatah Bidayuh

⁴ Pak angān mbŭh daya adi Tapa dapu, bara anak ku, ka mbŭh ngarah bara nabi kadong, sabab Roh adi agi darŭm angān agi rabis bikuasa so roh adi darŭm ngara adi tung ong.

1 JOHN 4:4 ပူးပေါင်းရင်းမြစ်များ

JOHN 12:31

Madin inŭh tipuh adi ngga ong ati dog bisara; madin pinguasa ong re dog taran.

JOHN 14:30

Aku dŭh bisa minyu tui ngga angān, sabab pinguasa ong ati mbŭh mandŭg. Ayŭh dŭh biyŭn kuasa di tunduh Aku,

JOHN 16:11

ka ngara mbŭh sarah di pinyipuan pasar ukum, sabab pinguasa ong ati mbŭh dog ukum.

JOHN 17:23

Aku darŭm ngara ka Kaam darŭm Aku, isa ngara bisa batur jadi ndi, ka isa ong bisa puan nang Kaam mbŭh pait Aku ka puan nang Kaam rindu bara pinunda Ku nimun Kaam rindu Aku.

ROME 8:31

Darŭm ko dingah sopŭrŭg anŭ, ani re ta bisa nang? Kambŭi Tapa agi ngga ata, asi re tungang rawan ata?

ROME 8:37

Dŭh, di sopŭrŭg kayuh anŭ ata biyŭn sukup pimanang so ka Ayŭh adi rindu ata.

1 CORINTH 2:12

Pak Tapa mbŭh nggen di ata Roh Kudus. Ka anŭ inŭh sabab ata dŭh bipikir mun daya adi di ong ati bipikir. Anŭ gŭh sabab ata natŭng sopŭrŭg kayuh adi Tapa mbŭh nggen di ata.

1 CORINTH 6:13

Adi bŭkŭn agi re nang, “Pinguman yŭn tain, ka tain yŭn pinguman.” Sawŭ; pak Tapa re pirabur soduwŭh-i. Pŭrŭng manusia dŭh-i yŭn pimudip adi dŭh tatu darŭm pingandai kais, pak ngga ndai pinyiraan Tuhan; ka Tuhan inŭh adi nggen di pŭrŭng kayuh adi-i biguna.

2 CORINTH 4:4

Ngara dŭh sabah, sabab tapa adi arap di ong ati mbŭh kinarŭm pikir ngara. Ayŭh matŭn ngara so kiris jawa adi nyekar di tunduh ngara, jawa adi mandŭg so Agah Kana pasar bragah Kristus adi tigŭrŭ gayŭn Tapa.

2 CORINTH 6:16

Simuki yŭn pinyirŭŭ Tapa re bisa biyŭn gagit-i ngga tibudo? Amai ata inŭh yŭn pinyirŭŭ Tapa adi udip! Nimun adi adŭp Tapa ko nang, “Yŭn pinyirŭŭ Ku inŭh bara daya Ku ka Aku bigaur ngga ngara; Aku re jadi Tapa ngara, ka ngara re jadi daya Ku.”

EPHESUS 2:2

Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.

EPHESUS 3:17

ka aku simayang gŭh mite Kristus rŭŭ darŭm atin ngan so ka pinyabah ngan di Ayŭh. Aku simayang mite sopŭrŭg kraja pingandai ngan bisangan di pinyirindu,

EPHESUS 6:10

Sikasŭn-i, nagap adŭp ngan udip ndi ngga Tuhan ngga kuasa bās-I.

1 JOHN 2:1

Aku nuris ati ka angān, bara anak ku, isa angān dŭh ndai dosa; pak kambŭi tadŭ so angān agi ndai dosa, ata biyŭn pingarun, Jesus Kristus adi tŭnggŭn, adi ngarun ata di sirung jawin Sama.

1 JOHN 2:13

Aku nuris ka angān adi bara sama, sabab angān mbŭh puan Ayŭh mbŭh agi so sibungas-i. Aku nuris ka angān, bara adi mara, sabab angān mbŭh ngarah Siarap anŭ.

1 JOHN 3:20

Kambŭi pikir-kira atin ta nyarah ata, ata puan Tapa agi bās dŭ so pikir-kira atin ta; Ayŭh puan sopŭrŭg kayuh.

1 JOHN 3:24

Ngara adi sita pinyipesan Tapa udip ndi ngga Tapa ka Tapa udip ndi ngga ngara. Ka sabab Roh adi Tapa ko nggen di ata, ata puan adŭp ta mbŭh udip ndi ngga Ayŭh.

1 JOHN 4:13

Ata puan nang adŭp ta udip ndi ngga Tapa ka Ayŭh udip ndi ngga ata, sabab Ayŭh mbŭh nggen di ata Roh-I.

1 JOHN 4:16

Ka adŭp ta puan ka sabah pinyirindu Tapa di ata. Tapa inŭh pinyirindu, ka ngara adi udip darŭm pinyirindu udip ndi ngga Tapa ka Tapa udip ndi ngga ngara.

1 JOHN 4:6

Pak ata mbŭh daya adi Tapa dapu. Asi asi adi puan Tapa dingah ata; asi asi adi dŭh tung Tapa dŭh dingah ata. Simŭnŭ inŭh ata bisa ngatŭn aki ndi Roh adi nggen ajar adi sawŭ ka aki ndi roh adi kinanyap daya.

1 JOHN 5:19

Ata puan ata ati mbŭh daya adi Tapa dapu sunggu ndi ong ong mbŭh di ribo kuasa sianŭ adi Arap.

1 JOHN 5:4

sabab barang naan anak Tapa tungang ngarah ong. Ka ngga pinyabah ta ata dapŭd pimanang ta di tunduh-i.

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.