1 JOHN 3:2 - Hakcipta - Biatah Bidayuh

² Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.

1 JOHN 3:2 ပူးပေါင်းရင်းမြစ်များ

JOB 19:26

Sunggu kurit ku abo dog man andam, darŭm aku gibabŭ darŭm pŭrŭng ati aku re kiris Tapa.

MAZMUR 16:11

Kaam re kiren di aku aran nuju udip adi sawŭ; Kaam adi agi ngga aku mbŭh bada aku gaŭn ka adu adu pimunos atin ku.

MAZMUR 17:15

Pak aku re kiris Kaam, sabab aku mating ndai sarah; ka kan aku burah, Kaam agi ngga aku bada aku gaŭn.

MAZMUR 31:19

Munki masam bās-i kayuh kana adi nyikŭn Mai yŭn ngara adi stabi di Kaam! Barang naan puan munki masam kana-i Kaam, munki masam siramat-i ngara adi Kaam grindung adi sabah di Kaam.

ISAIAH 56:5

dŭn mu re dog ingat di Ramin Ku ka di ruang daya Ku tui dŭ so kambŭi kuu biyŭn anak anak dari ngga anak anak dayung. Kuu dŭh re dog kambŭt.”

MALACHI 3:2

Pak asi re tan kinyam andu adi ngga-I mandŭg? Asi re tan kan Ayŭh pinandŭng adŭp-I? Ayŭh re keya ka sabun adi bake, keya ka apui adi pibisig basi.

MATTHEW 5:8

Sanang inŭh ngara adi bisig di atin-i; ngara re kiris Tapa!

LUKE 17:30

Simŭnŭ inŭh kayuh re di andu Anak Manusia dog pinandŭng.

LUKE 20:36

Ngara re mun malaikat ka dŭh bisa kabŭs. Ngara mbŭh bara anak Tapa, sabab ngara mbŭh makat so kabŭs.

JOHN 1:12

Pak di sopŭrŭg ngara adi trima ka sabah di Ayŭh, Ayŭh nggen hak da jadi bara anak Tapa.

JOHN 11:52

Dŭh yŭn bangsa anŭ adŭ, pak ngga bada sopŭrŭg daya adi Tapa mbŭh mien adi papar sasah dog nguruk da jadi ndi.

JOHN 17:24

“Sama! Kaam mbŭh nggen ngara di Aku, ka Aku raan ngara agi ngga Aku di yŭn Ku rŭŭ, isa ngara bisa kiris bragah Ku, bragah adi Kaam mbŭh nggen di Aku; amai Kaam mbŭh rindu Aku sibayuh ong jadi.

ROME 8:16

Roh Tapa tubu adŭp-I ngga roh ta ngga kiren ata mbŭh bara anak Tapa.

ROME 8:18

Di rundeng ku kayuh adi ata naman di tipuh ati manŭn dŭh tungang dog danding ngga bragah adi re dog pinandŭng di ata.

ROME 8:19

Sopŭrŭg kayuh adi ko dog napa mbŭh graŭh kajŭn Tapa kiren asi bara anak-I.

ROME 8:29

Bara daya adi Tapa mbŭh mien dog nyidŭrŭ-I gŭh da jadi brimun ngga Anak-I, isa Anak jadi diŭ di dupan bara adi sabah.

1 CORINTH 13:12

Kayuh adi ata kiris pasar Tapa madin agi keya ka singangi adi kabur di siramin, pak te ata re kiris Ayŭh ngga situra jawin. Kayuh adi aku puan madin inŭh kada-i adŭ, pak ripas anŭ aku re puan sopŭrŭg-i, nimun Tapa puan sopŭrŭg kayuh pasar aku.

1 CORINTH 15:49

Nimun ata kasŭk gayŭn daya anŭ adi dog napa so tana, simŭnŭ gŭh ata re kasŭk gayŭn Daya anŭ adi mandŭg so shorga.

1 CORINTH 2:9

Pak sunggu mŭnŭ, sak adi nang Surat-kudus, “Kayuh adi bŭn daya kiris puan kah dingah, kayuh adi bŭn daya pikir re jadi, mbŭh tigŭrŭ kayuh adi Tapa sidia yŭn ngara adi rindu Ayŭh.”

2 CORINTH 3:18

Sopŭrŭg ata meh, ngga jawin adi dŭh bitaŭb, kiren jawa bragah Tuhan; ka bragah anŭ, adi mandŭg so Tuhan adi Roh, bada ata bitukar jadi mun Ayŭh darŭm bragah adi rabis bās.

2 CORINTH 4:17

Ka pinyusah ami ati, adi siit buang adi dŭh tui kieh kinyam re taban bragah adi tan adu adu ka kieh, bās dŭ so pinyusah anŭ.

GALATIA 3:26

So ka pinyabah inŭh sopŭrŭg ngan mbŭh bara anak Tapa darŭm angān mbŭh ndi ngga Kristus Jesus.

GALATIA 4:6

Ngga kiren adŭp ngan mbŭh bara anak-I, Tapa mbŭh pait Roh Anak-I ka darŭm atin ta, adi bagan, “Sama, Sama ku.”

PHILIPPI 3:21

Ayŭh re nukar pŭrŭng ta ati adi ramah adi re kabŭs da mun pŭrŭng adŭp-I adi bragah, pakai kuasa anŭ adi-I pakai ngga nguasa sopŭrŭg kayuh.

COLOSSAE 3:4

Pimudip ngan adi sawŭ inŭh Kristus ka kan Ayŭh pinandŭng adŭp-I, angān re nandŭng ngga Ayŭh ka sua dapu bragah-I!

HEBREW 9:28

Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.

2 PETER 1:4

Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

1 JOHN 2:28

Sawŭ, bara anak ku, angān bijijŭ meh darŭm udip ndi ngga Ayŭh, isa di andu Ayŭh nandŭng, ata re pus ka dŭh sukan adŭp ta darŭm mangŭh so Ayŭh di Andu Ayŭh mandŭg.

1 JOHN 2:7

Angān adi aku rindu, pinyipesan ati adi aku nuris ka angān dŭh-i bauh, pak pinyipesan adi amba adi angān mbŭh biyŭn so sibungas-i. Pinyipesan amba ati inŭh agah adi angān ko dingah.

1 JOHN 3:1

Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.

1 JOHN 3:10

Simuti inŭh angān bisa ngatŭn aki ndi anak Tapa ka aki ndi anak Siarap: ngara adi dŭh puan kayuh adi batur, puan kah adi dŭh rindu dingan-i dŭh-i anak Tapa.

1 JOHN 3:21

Ngapŭi meh, angān adi aku rindu, kambŭi pikir-kira atin ta dŭh nyarah ata, ata biyŭn atin pus di sirung jawin Tapa.

1 JOHN 5:1

Asi asi adi sabah Jesus sawŭ Kristus, mbŭh anak Tapa; ka asi asi adi rindu sama rindu anak-i gŭh.

PINANDŬNG 22:4

Ngara re kiris raŭn-I, ka adŭn-I re dog nuris di arŭ ngara.