1 JOHN 3:1 - Hakcipta - Biatah Bidayuh

¹ Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.

1 JOHN 3:1 ပူးပေါင်းရင်းမြစ်များ

2 SAMUEL 7:19

Madin tanŭ ka Kaam mbŭh ndai rabis so anŭ, TUHAN raja; Kaam mbŭh bijanji pasar bara sesang ku yŭn sawa sawa adi re. Ka Kaam mbŭh bada ndi naan daya kiris kayuh ati, TUHAN Raja!

MAZMUR 31:19

Munki masam bās-i kayuh kana adi nyikŭn Mai yŭn ngara adi stabi di Kaam! Barang naan puan munki masam kana-i Kaam, munki masam siramat-i ngara adi Kaam grindung adi sabah di Kaam.

JEREMIAH 3:19

TUHAN nang, “Israel, Aku raan trima kuu jadi anak Ku ka nggen di kuu tana adi pimunos asŭng, tana adi siabo ramus di ndi ong ong. Aku raan kuu bagan Aku Sama, ka dŭhnyah tia nyipunok Aku.

HOSEA 1:10

Daya Israel re mun sumat di rawŭt, rabis so tungang dog mirang bait dog ngŭkŭd. Madin Tapa nang di ngara, “Angān dŭh daya Ku,” pak andu-i re mandŭg adi ngga Ayŭh re nang di ngara, “Angān inŭh bara anak Tapa adi udip!”

LUKE 20:36

Ngara re mun malaikat ka dŭh bisa kabŭs. Ngara mbŭh bara anak Tapa, sabab ngara mbŭh makat so kabŭs.

JOHN 1:12

Pak di sopŭrŭg ngara adi trima ka sabah di Ayŭh, Ayŭh nggen hak da jadi bara anak Tapa.

JOHN 11:52

Dŭh yŭn bangsa anŭ adŭ, pak ngga bada sopŭrŭg daya adi Tapa mbŭh mien adi papar sasah dog nguruk da jadi ndi.

JOHN 15:21

Pak ngara re ndai di angān anŭ adi ngara ko ndai di Aku, sabab angān mbŭh tung jaku. Ngara re ndai simŭnŭ sabab ngara dŭh puan sianŭ adi bada Aku mandŭg.

JOHN 16:3

Daya re ndai simŭnŭ di angān sabab ngara dŭh puan Sama bait Anak.

JOHN 17:25

Sama adi tŭnggŭn! Ong dŭh puan Kaam, pak Aku puan Kaam, ka ngara ati puan Kaam mbŭh pait Aku.

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

ROME 5:8

Pak Tapa mbŭh kiren munki masam bās pinyirindu-I di ata, ka sitadŭn ata gibabŭ bidosa Kristus mbŭh kabŭs yŭn ta.

ROME 8:19

Sopŭrŭg kayuh adi ko dog napa mbŭh graŭh kajŭn Tapa kiren asi bara anak-I.

ROME 8:21

sopŭrŭg kayuh adi ko dog napa re ndi andu dog pirupas so madam ka re samah dapu pinyirupas bara anak Tapa, adi bragah.

ROME 8:32

Tapa dŭh bitan Anak-I, pak mbŭh jugan Ayŭh yŭn sopŭrŭg ta. Kambŭi Tapa mbŭh ndai simŭnŭ, dŭh kah Ayŭh rabis an nggen di ata sopŭrŭg kayuh adi bŭkŭn?

2 CORINTH 6:18

Aku re jadi Sama ngan, ka angān re jadi bara anak Ku, dari dayung, nang Tuhan adi Bisa-pŭrŭg.”

GALATIA 3:26

So ka pinyabah inŭh sopŭrŭg ngan mbŭh bara anak Tapa darŭm angān mbŭh ndi ngga Kristus Jesus.

GALATIA 3:29

Kambŭi angān mbŭh tung Kristus, angān mbŭh bara sesang Abraham ka re kambat kayuh adi Tapa ko bijanji an nggen.

DITRONOMI 14:1

“Angān inŭh daya TUHAN adi Tapa ngan. Jadi kan angān ngurid daya kabŭs, dŭhnyah nidi ganan ngan puan kah nundo bangap ngan, mun anŭ adi daya bŭkŭn ndai.

COLOSSAE 3:3

Angān mbŭh kabŭs, ka pimudip ngan inŭh dog sukan ngga Kristus darŭm Tapa.

1 JOHN 3:10

Simuti inŭh angān bisa ngatŭn aki ndi anak Tapa ka aki ndi anak Siarap: ngara adi dŭh puan kayuh adi batur, puan kah adi dŭh rindu dingan-i dŭh-i anak Tapa.

1 JOHN 3:2

Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.

1 JOHN 4:17

Pinyirindu dog bada sukup batur darŭm ata, siŭn ata birani di Andu Bisara te. Ata re birani, sabab pimudip ta di ong agi brimun ngga tung Kristus.

PINANDŬNG 21:7

Ngara adi manang re dapŭd ati so Aku: Aku re jadi Tapa ngara, ka ngara re jadi bara anak Ku.