1 JOHN 2:1 - Hakcipta - Biatah Bidayuh

¹ Aku nuris ati ka angān, bara anak ku, isa angān dŭh ndai dosa; pak kambŭi tadŭ so angān agi ndai dosa, ata biyŭn pingarun, Jesus Kristus adi tŭnggŭn, adi ngarun ata di sirung jawin Sama.

1 JOHN 2:1 ပူးပေါင်းရင်းမြစ်များ

MAZMUR 4:4

Kimŭtŭr taru ka dŭh tia bidosa; pikir tŭrŭp jeja ka kayuh anŭ, kan kuu pajam guring di ambok mu.

EZEKIEL 3:21

Kambŭi kuu bakan daya adi kana bada dŭh bidosa ka ayŭh dingah kuu ka dŭh bidosa, ayŭh re siramat ka kuu gŭh re siramat.”

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

JOHN 13:33

Angān adi bara anak Ku, Aku dŭh re tui ngga angān. Angān re jiroh Aku; pak Aku kidaan di angān madin kayuh adi ko Ku kidaan di bara Pinguasa Jahudi, ‘Angān dŭh bisa di ka tarun yŭn adi re Ku ka.’

JOHN 14:16

Aku re mite di Sama ka Ayŭh re nggen di angān adi bŭkŭn, Pinurung, adi re rŭŭ ngga angān adu adu.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 21:5

Jesus siken ngara, “Dingan, agi kah dapŭd ngan?” “Mating,” ngara nam.

JOHN 5:14

Ripas anŭ, Jesus dapŭd ayŭh di Ramin Tuhan, ka nang di ayŭh, “Ingat nŭh, kuu mbŭh bua madin; dŭh tia bidosa te kayuh adi rabis arap jadi di kuu rai-i.”

JOHN 5:36

Pak Aku biyŭn taksi yŭn adŭp Ku adi rabis bās so taksi adi John nggen: Kayuh adi Aku ndai so pinyibada Tapa, mbŭh minyu yŭn Ku ka kiren Aku taŭn dog pait Sama.

JOHN 6:27

Dŭhnyah gruwŭn pinguman adi bisa bangŭs, pak gruwŭn pinguman adi nggen udip adi sawŭ adi tan adu adu. Anŭ inŭh pinguman adi Anak Manusia nggen di angān, sabab Tapa adi Sama, mbŭh nggen di Ayŭh hak ngga ndai simŭnŭ.”

JOHN 8:11

“Mating, Tuan,” ayŭh nam. “Kambŭi mun anŭ,” Jesus nang, “Aku dŭh gŭh re ngukum kuu. Panu, dŭh tia ndai dosa.”]

PINGANDAI 7:52

Agi kah nabi adi dŭh tayung-babuk ngan kisiis? Ngara siŭ bara pinyisung Tapa, adi ko jah-i piagah pimandŭg Urun Tapa adi tŭnggŭn. Madin, angān mbŭh jua ka siŭ Ayŭh.

ROME 5:10

Ata ko jadi pinganyu Tapa, pak Ayŭh mbŭh ndai ata da jadi dingan-I so ka pinyikabŭs Anak-I. Amai madin ata mbŭh dingan Tapa, jung rabis-i meh ata re dog nyiramat amai Jesus ko kabŭs yŭn ta!

ROME 6:15

Ani, meh? Patut kah ata ndai dosa, sabab ata dŭh di ribo ukum-adat pak di ribo pinyirasi-mandis Tapa? Mating aran-i re patut!

ROME 8:34

Asi garang, re nunggu ngara? Dŭh-i Kristus Jesus, adi kabŭs, ka sibandar-i adi dog pakat udip bauh ka adi mbŭh tura ka tauh Tapa, bidua yŭn ta ka Tapa!

1 CORINTH 15:34

Nakit bipikir ka dŭh tia bidosa. Angān patut mangŭh ngarun kada so angān dŭh puan Tapa.

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

GALATIA 4:19

Bara anak ku adi aku rindu! Pari dinge aku, keya ka sindŭ di tika biranak, kinyam sarang andam re biranak anŭ yŭn ngan ndŭg ka tibiat Kristus mbŭh jadi darŭm angān.

EPHESUS 2:18

Ka so Kristus inŭh sopŭrŭg ata adi bangsa Jahudi ngga adi dŭh bangsa Jahudi, mbŭh dapŭd mandŭg darŭm ndi Roh ka sirung jawin Sama.

EPHESUS 4:26

Kambŭi angān baji, dŭhnyah bada baji ngan bada angān bidosa; ka dŭhnyah baji ndŭg batŭh andu simŭdŭp.

1 TIMOTHY 2:5

Amai agi ndi adŭ Tapa, ka agi ndi naan adŭ adi nguru manusia ka Tapa; Ayŭh anŭ Kristus Jesus,

1 TIMOTHY 3:14

Darŭm aku nuris surat ati ka kuu, aku harap aku re rikas bidapŭd ngga kuu.

HEBREW 9:24

Amai Kristus mating-I mŭrŭt ka darŭm Yŭn Kudus adi dog ndai manusia, adi gambar anŭ adi sawŭ. Ayŭh di mŭrŭt shorga, di yŭn-I madin mijog ngarun ata di sirung jawin Tapa.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

JAMES 3:9

Ata pakai-i ngga nggen trima kaseh di Tuhan ngga Sama ta, ka pakai-i gŭh ngga mangu daya, adi dog napa darŭm gayŭn Tapa.

1 PETER 2:22

Ayŭh bŭn ndai dosa, ka bŭn gŭh daya dingah Ayŭh minyu kadong.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 JOHN 3:18

Bara anak ku, pinyirindu dŭh-i patut di baba adŭ; ayŭh dŭh siŭn dŭh pinyirindu adi sawŭ, adi tatŭng darŭm pingandai.

1 JOHN 3:5

Angān puan nang Kristus ko nandŭng sabab an taran dosa. Di adŭp-I mating dosa.

1 JOHN 3:7

Dŭhnyah bada daya nyibudo angān, bara anak ku! Daya adi ndai kayuh adi batur agi tŭnggŭn, nimun Kristus agi tŭnggŭn.

1 JOHN 4:4

Pak angān mbŭh daya adi Tapa dapu, bara anak ku, ka mbŭh ngarah bara nabi kadong, sabab Roh adi agi darŭm angān agi rabis bikuasa so roh adi darŭm ngara adi tung ong.

1 JOHN 5:17

Sopŭrŭg pingandai sarah inŭh dosa, pak agi dosa adi dŭh bitan daya dapŭd udip adi sawŭ adi tan adu adu.

1 JOHN 5:21

Angān adi bara anak ku, jaga adŭp ngan so bara tapa-kadong!

3 JOHN 1:4

Mating kayuh bŭkŭn adi bisa bada aku gaŭn adŭ-i agah pasar bara anak ku adi udip darŭm nundok di ajar Tapa.