1 JOHN 1:3 - Hakcipta - Biatah Bidayuh

³ Kayuh adi kieh mbŭh kiris ka dingah, kieh piagah ka angān, isa angān sua ngga kieh darŭm udip ndi ngga Sama ka ngga Anak-I Jesus Kristus.

1 JOHN 1:3 ပူးပေါင်းရင်းမြစ်များ

JOB 13:1

Sopŭrŭg kayuh adi angān nang, muko aku dingah dawŭ-i. Aku mirati sopŭrŭg-i. Aku bagŭ gŭh kayuh puan ku. Aku dŭh kurang so angān.

MAZMUR 2:7

“Aku re piagah,” raja nang, “kayuh adi TUHAN mbŭh nang. Ayŭh nang di aku: “Kuu inŭh anak Ku; andu ati Aku jadi Sama mu.

MAZMUR 22:22

Aku re kidaan di daya ku kayuh adi mbŭh Mai ndai; aku re muji Kaam di tika ngara tikuruk:

ISAIAH 66:19

ka re puan nang Aku ati inŭh adi ngukum ngara. “Pak Aku re nyiramat kada so ngara, ka pait ngara ka bangsa bangsa di rais rais adi jo adi bŭn dingah pasar Aku adi timagah, bait kiris bās Ku ngga kuasa Ku: ka Spain, Libya, ngga Lydia, ngga bara adi pandai nimbak reja-panah, ka Tubal ngga Greece. Di dupan bangsa bangsa anŭ ngara re piagah bās Ku.

PINYIKIANG 10:32

Kambŭi kuu sua ngga kieh, kieh re samah ngga kuu sopŭrŭg berkat adi TUHAN nggen di kieh.”

JOHN 17:11

Ka madin Aku mandŭg ka Kaam, ka dŭh tia di ong, pak ngara babŭ di ong. Sama adi kudus, kingat ngara ngga kuasa adŭn Mai, adŭn adi Kaam mbŭh nggen di Aku, isa ngara bisa jadi ndi nimun Kaam ngga Aku agi ndi.

JOHN 17:21

Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.

JOHN 17:25

Sama adi tŭnggŭn! Ong dŭh puan Kaam, pak Aku puan Kaam, ka ngara ati puan Kaam mbŭh pait Aku.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 19:35

Sianŭ adi ko kiris kayuh ati muko minyu pasar-i, isa angān gŭh sua sabah. Kayuh adi nang-i taŭn sawŭ, ka ayŭh puan nang adŭp-i nang kayuh adi sawŭ.)

PINGANDAI 13:32

Ka kieh agi digiti taban Agah Kana ka yŭn ngan: Kayuh adi Tapa ko bijanji di tayung-babuk ta Ayŭh an ndai,

PINGANDAI 13:41

‘Tingga, angān adi napat Tapa! Inga inga meh ka kabŭs! Amai kayuh adi Aku ndai andu ati inŭh kayuh adi angān dŭh re sabah, sunggu daya kidaan rati-i di angān!’ ”

PINGANDAI 2:42

Ngara awet mandŭg tikuruk dingah ajar so bara pinyuruh. Ngara udip keya ka bijurud bimadis, man samah, simayang samah.

PINGANDAI 20:27

Amai aku bŭn abah kidaan di angān sopŭrŭg kayuh adi Tapa raan angān puan.

PINGANDAI 4:20

Sabab kieh dŭh bisa dŭh minyu pasar kayuh adi adŭp ami mbŭh kiris ka dingah.”

ROME 15:27

Pingatur anŭ mbŭh so adŭp ngara, amai sibatur-i ngara rada adŭp-i patut ndai simŭnŭ yŭn ngara. Amai daya Jahudi mbŭh samah berkat roh ngara ngga daya adi dŭh bangsa Jahudi, daya adi dŭh bangsa Jahudi patut pakai kayuh adi ngara biyŭn ngga turung daya Jahudi.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

1 CORINTH 1:9

Ayŭh bisa dog sabah, Tapa adi bagan angān da jadi ndi ngga Anak-I Jesus Kristus, Tuhan ta.

1 CORINTH 15:1

Ka madin aku raan angān ingat, bara dingan ku, Agah Kana anŭ adi aku ko nyuse di angān, adi angān kambat, adi yŭn pinyabah ngan bidigŭng tagap.

EPHESUS 3:6

Rusia anŭ inŭh, so ka Agah Kana daya adi dŭh bangsa Jahudi mbŭh sua dapu utung di berkat Tapa ngga bara daya Jahudi; ngara mbŭh sua darŭm ndi pŭrŭng anŭ ka sua dapu kayuh adi Tapa ko bijanji an nggen so Kristus Jesus.

PHILIPPI 1:7

Angān siraru agi darŭm atin ku! Taŭn patut inŭh asŭng ku nyam anŭ di angān, amai angān mbŭh biturung ngga aku di kraja adi Tapa mbŭh nggen di aku. Angān mbŭh turung aku, di tika aku darŭm jer madin ka di tika aku dŭh darŭm jer dawŭ-i, darŭm aku nyibandar Agah Kana buang nyuse-i.

PHILIPPI 2:1

Pimudip ngan darŭm Kristus bada angān bake, ka pinyirindu-I nyaduh angān. Angān mbŭh udip ndi darŭm Roh Kudus, ka angān mbŭh biyŭn atin mandis ngga atin masi di dingan ngan.

PHILIPPI 3:10

Ndi adŭ kayuh adi raan ku, anŭ inŭh puan Kristus ka kinyam kuasa pinyimakat-I so kabŭs, ka sua kinyam jera birasa-I ka jadi mun Ayŭh darŭm pinyikabŭs-I,

COLOSSAE 1:13

Ayŭh nyiramat ata so kuasa karŭm ka taban ata darŭm siramat ka darŭm pinyipritah Anak-I adi-I rindu;

1 THESSALONICA 1:10

Ngara gŭh nang angān mbŭh kajŭn Anak-I, Jesus, mandŭg so shorga, adi-I mbŭh pakat so kabŭs ka adi pirupas ata so baji Tapa adi re mandŭg.

1 TIMOTHY 6:2

Urun tuan adi Kristen dŭh siŭn ngamun tuan ngara, amai ngara mbŭh bara adi sabah gŭh. Sipatut-i ngara an nakit bituan di ngara, sabab ngara anŭ adi dapŭd utung so kraja ngara inŭh bara adi sabah adi ngara rindu. Kuu dŭh siŭn dŭh an ngajar kayuh ati di daya eklisia buang ngatat ngara da tunda-i.

HEBREW 2:12

Ayŭh nang di Tapa, “Aku re kidaan di bara jurud Ku kayuh adi Kaam mbŭh ndai; Aku re muji Kaam di tika ngara tikuruk.”

HEBREW 3:1

Bara dingan ku adi Kristen, adi dog bagan Tapa gŭh! Na pikir ngan di Jesus, adi Tapa mbŭh pait da jadi Imam Bās pinyabah adi ata ngaku.

HEBREW 3:14

Amai sopŭrŭg ata samah nyiraja ngga Kristus kambŭi ata bidigŭng tagap di atin-sabah ta anŭ adi ata mbŭh biyŭn so sibungas ndŭg sikasŭn-i.

1 PETER 5:1

Aku, adi adŭp nyamba eklisia, mite bara nyamba eklisia di dupan ngan puan. Aku ati saksi jera-birasa Kristus, ka aku re sua dapu bragah adi re dog pinandŭng. Aku mite angān

2 PETER 1:16

Kan kieh kidaan di angān munki masam bikuasa pimandŭg Tuhan ta Jesus Kristus, kieh dŭh bisangan di dundan adi dog nimbur daya. Ngga batŭh adŭp ami kieh mbŭh kiris kuasa bās-I.

1 JOHN 1:1

Kieh nuris ka angān pasar Pinganang adi nggen udip, adi taŭn mbŭh agi so sibungas-i. Kieh mbŭh dingah pasar-I, ka mbŭh kiris-I ngga batŭh adŭp ami; sawŭ kieh mbŭh kiris-I, ka tangan adŭp ami mbŭh tama-I.

1 JOHN 1:5

Agah adi kieh dingah so Anak-I ka adi kieh piagah inŭh ati: Tapa inŭh Jawa, ka darŭm Ayŭh taŭn mating adŭ karŭm.

1 JOHN 1:7

Pak kambŭi ata udip darŭm jawa, nimun Ayŭh adi taŭn darŭm jawa, ata manŭn mbŭh udip ndi samah ngga dingan ta; ka deya Jesus, Anak-I, pibisig ata so barang masam dosa.